JOHANA 17:3 - PATHIAN LEKHABU IRTHIANG C.L. Bible (BSI)

³ Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

JOHANA 17:3 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

2 THURCHI SUINA 15:3

Israelhaiin chu Pathian tak biak loiin zoro sôttak an oma, ar chutir hrang ochai khom nei mahaia, dân khom inhre mahai.

INPÂKNA HLAHAI 9:10

Khanchu nir hming inhretuhai chu nang iam an ti; Nangin chu, Rengpa, nang a zongtuhai chu rotsan ngai mak che.

THUVÂRHAI 8:35

A ni hmu kai chu hringna an ihmu a nia, Rengpa inditna khom dong a ti.

ISAIA 48:16

Hong nâi unglân, ama hi inhre roi, a phut ata a rûkin thu ki hrila, thil hong tung hranga hin om mai ki ti. Rengpa Pathianin a ni tîra, Irtha khom a ni ipêk a ni.

ISAIA 53:11

A sinthôna ra a hmu tena chu, a tuangna chu man boi ni mah ti inhria a ti. Ki siahlo feltakin, mi tamtak saninzôkhai a ta, an sualnahai pêl pehai a ti.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

MARKA 9:37

“Tukhom ki’rhming sika hianga nâipangte inkhat khom lôm ka chu keima ni lôm ni an ti; tukhom keima ni lôm chu, a ni tîrpu lôm khom an ni sa,” a tia.

LUKA 9:48

An kuang, “Tukhom hi nâipangte hi ki’rhming sika lôm chu, keima ni lôm a ni; keima ni lôm chu, a ni tîrtu lôm an ni. Nin laia a chîn tak hi a roiinpui tak a ni,” a tia.

JOHANA 10:36

Keima len vâng chu Pa’n a nin thanga, rammuala a ni izuang tîr a ni. Itin mo Pathian Nâipa ki ni, ki ti sika hin Pathian ni hril insiat, nin ni iti?

JOHANA 11:42

Ki thu nir ngaitua ngai ti khom kin hriat; khannisianlân, hitaka mi pungkhômhai sika hin hi thu hi ki insîr a ni, nangin keima ni ni tîr ti an iam theina hrangin,” a tia.

JOHANA 14:26

Irtharngamtu, Irtha Irthiang, ki’rhminga Pa’n a zuang itîr hrang khan itinrêng nangni irchutir a ti, nin kuang ki insîr murdi nangni inhriat suaktir nôk a ti.

JOHANA 17:18

Rammuala ni ni itîr ang hin anni khom rammuala ki itîr a ni.

JOHANA 17:21

An rêngin inpumkhat an ni theina hrangin nang ki ngên a ni. Ka Pa nang keimaa ni oma, kei nangmaa ki iom ang hin, anni khom einia an omna hrangin, nangin kei ni ni tîr ti rammualin an iam theina hrangin.

JOHANA 17:23

Keima annia, nang keimaa omin, an inpumkhat tak takna hrangin; khanchu ni ni itîr a nih ti rammualin inhriat an ta, lung ni ni thung angin anni khom lung ni thung tih rammualin inhriat an ti.

JOHANA 17:25

Ka Pa Fel tak! Rammualin nang inhre mahaia, keiin chu nang kin hriat; hihai khom hin nangin kei ni ni tîr ti an inhriat.

JOHANA 17:8

Nangin thu ni ni ipêkhai kha an kuang ki pêka, an hong poma; ni kuang ata zuang ki ni ngêt ti an inhriat tâka; nangin keima ni ni tîr ti khom an iam ta.

JOHANA 3:17

Pathian khan rammual thiamloi inchang hrangin a Nâipa rammuala tîr maka, ama sika rammual saninhringa an om theina hrangin a itîr kêng a ni.

JOHANA 3:34

Pathian itîr khan Pathian thu an sîr ngai, Pathianin ama Irtha irkip a pêk sikin.

JOHANA 5:44

Pathian rengata inpâkna dong tum loiin irpâkirhlôm nin nuama, itin mo nin iiam thei hrang?

JOHANA 6:57

Pa, hring khan a ni tîra, Pa sika khan kei khom ki hringa, khaang dênin tukhom a ni fâk chu keima sikin hring an ti.

JOHANA 7:29

keima’n chu kin hriat, a ni tîra, a kuang ata zuang ki ni sikin,” a tia.

JOHANA 8:19

Anni’n chu, “Kho hi mo ni Pa,” an tia. Jisua’n, “Nangni’n nin hre mak chêi, Ka Pa khom inhre mak chêi. Keima nin hre unglân chu Ka Pa khom inhria nin ti,” a tia.

1 KORINTH 15:34

Fel takin har unglân, sual ta no roi. Nin laia mi senkhat chu Pathian inhriatna zel nin nei no sikin nin inzakna hranga hi hi ki iti a ni.

1 KORINTH 8:4

Khaang khan, millim biakna thil fâk chungchânga chu: rammuala millim rêng rêng hi ite an ini loizia le Pathian inkhat vai a om tih chu ei inhriat.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

FILIPI 3:10

Thil ki inuam tak chu hi hi a ni. Krista inhriathai, a thoinôkna sinthotheina dong hai, a ituang anga tuang hai, a thina irtemtuhai hi a ni.

FILIPI 3:8

Kha vai kha ni mah, ki Rengpa Jisua Krista inhriat hi a sân a hlua, itinrêng hi inchânna ki bê tâka, Krista kha ki nei theina hrang le ama leh pumkhat kin ni theina hrangin, ama sikin itinrêng kin chân tâka.

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

2 THESALONIKA toc2 2 THESALONIKA 1:8

Pathian inhre loihai le ei Rengpa Jisua Krista Thurchi Sa iam nuam loihai chunga phuba a lâk tika chu kha mihai khan hremna tuang an ti.

HEBRAI toc2 HEBRAI 3:1

Ki Kristian urêng, Pathianin a ikoihai! Ei iamna lama ochai Inlaltak ni hranga Pathianin a itîr Jisua kha ngaitua roi.

2 PETERA toc2 2 PETERA 1:2

Pathian le ei Rengpa Jisua nin inhriatnaa lungkhamna le irngeina nin chunga inpungin om ri se.

2 PETERA toc2 2 PETERA 1:3

A roiinpuina le a satna dong hranga ni koipu ei inhriatna sika, sakhua diktak hringnuna ei om theina hrangin, thil ei innang murdi Pathian sinthotheina lianin a ni pêk ta.

2 PETERA toc2 2 PETERA 1:8

Hi nitna hi nin innang a ni, kha kha chu nin neia, a pung maiin chu ei Rengpa Jisua Krista nin inhriatnaa takirtâi tak le poimo takin nangni siam a ti.

1 JOHANA 1:2

Kha hringna kha a hong inlanga, kin ihmu tâk, kin inpuanga, Pa kuanga om kumtuang hringna kin kuang a zuang inlang kha, nangni kin inhril a ni.

1 JOHANA 1:3

Nangni’n nin ni pôl sa theina hrangin kin ihmu le kin inhriat kha nangni kin ihril a ni, kin irpôlna kha Pa le Nâipa Jisua Krista leh kin irpôlna a nia.

1 JOHANA 2:23

Tukhom Nâipa pomloi chu Pa khom a ipom loi a ni; tukhom Nâipa pomtu chu Pa khom a ipom a ni.

1 JOHANA 4:6

Eini chu Pathian ata suak ei ni; Pathian inhretuhai khan ei thu khom an irngai ngai; Pathian ata suak loi chu ei thu khom irngaitua mahai; khataka khan irtha diktak le dikloi ei inhriat thei a ni.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.