JOHANA 16:2 - PATHIAN LEKHABU IRTHIANG C.L. Bible (BSI)

² Sinagok haia nangni kêlsua an ta; nangni that tumtuhaiin Pathian sin an itho anga an bê zoro la hong tung a ti.

JOHANA 16:2 ပူးပေါင်းရင်းမြစ်များ

ISAIA 65:5

Ni hong pan no roi, nin themna nin ti, nangni nin them zât ni ma ung, an ti ngai. Hi mihai hi meikhû, sûn sôta ni ur ngaihai an ni.

ISAIA 66:5

Rengpa chia, a thu lâkhaiin chu, a thuhril hi irngai roi, nin u le sanghaiin nangni en nuam mahaia, Rengpa roiinpuina chu hor lang ri se, nin lôm ngân moh inhre thei kin ti! an la ti mai mualphoi irla an ti.

DANIELA 11:33

Khan mihai laia a vârhai chu, mi tamtak irchutirhai an ta, khannisian, khandai hai, meichok hai, sal intângna le inrûk irhmangna’n mi tamtak irlet an ti.

MATHAIA 10:28

Taksa thata irtha that theiloihai chu chi no unglân, hremhmuna nin taksa le irtha that theitu Pathian kha chi ual roi.

MATHAIA 24:9

“Khanchu, deng nangni inthei hrang le nangni that hrangin nangni lan cheltir an ti. Keima sikin nam tinin nangni khôkmâk an ti.

LUKA 6:22

“Mihriam Nâipa sika, mihaiin nangni an khôkmâka, nangni an hnôla, nangni an êroa, irhming siat raka nangni an hnôlin chu, nin vân la sa ti.

JOHANA 12:42

Khan khomin hruaituhai laia mi tamtakin Jisua kha an iam tâka; khannisian, Farisaihai sikin insîr inlang ngam mahai, khano’nchu, Sinagok ata inhnot suak an ini hrang a ni.

JOHANA 16:25

“Kha kha chongirkhekin nin kuang kin sîr ngai a nia; nin kuang chongirkhekin insîr ta loiin fel taka Pa thu nangni ki hril zoro la hong tung a ti.

JOHANA 16:32

Irngai roi, mâni in chita irthekindarin ki bingin nin ni mâk zoro la tung a ti, a tung thiai ta; khannisian, ki bingin om ma ung, Pa kha ki kuang a om.

JOHANA 4:21

Jisua’n, “Nupangnu, ni iam roh, hi tânga kher no khom, Jerusalema kher no khom Pa chubai nin mûkna hrang zoro tung a ti.

JOHANA 4:23

Khannisianlân, a zoro la tung a ti, atûn khom a tung thiai ta, Pathian chubai mûktu tak takhaiin irtha le thutakin Pa chubai mûk an ti, khaang mi kha Pa’n ama chubai mûktu hrangin a izong a ni.

JOHANA 9:22

A nu le pahai khan Judahai an chi sika khaanga an iti a ni; Judahaiin chu, “Ama kha Krista a nih,” ti a pom murdi chu Sinagok ata inhnot suak hrangin an le’rsiam diam tâka.

JOHANA 9:34

Anni khan an sâm nôka, “Sual pumpuia suak mo ni mak che, ni’rchutir ni itum?” an tia. Khanchu an inhnot suak tâka.

TÎRTÔNHAI SINTHO 5:33

Kha an thu kha an inhriatin chu a sân an ning an mur tâka, tîrtônhai kha thatpai an tum tâka.

TÎRTÔNHAI SINTHO 7:56

“Irngai u ta, irvân irhong ki hmua, Pathian chang tiang Mihriam Nâipa ngîr khom ki hmu,” a tia.

1 KORINTH 4:13

mi’n an ni êro le dâiriamin kin sâm ngai. Hi rammuala sahrok leh danglam ual ma ung, atûn ten khom hin irnênga nokkok ang kin ni.

FILIPI 3:6

Sathnem irngaina tiang lak Koiindanghai dengintheitirtu ki ni. Dânin a inphût anga hlen suakna lama khom sêlnaboi ki ni.

THUPHUANG 6:9

Khanchu, Belrate khan irsinsiana a ringana an hong le chu, Pathian thu an insîr sik le Pathian inhriatpuitu an nina tiang iam a om sika thata omhai irtha kha maichâm hnuaia ki hmua.

ROIRÊLTUHAI 6:30

Khanchu, khuaa mihaiin Joasa kuang, “Ni nâipa kha hong hruaisuak ro, kin ithat hrang kêng. Baal maichâm an siata, a kôla Aseri irlim irphûm khom a tanpai a ni,” an tia.