JOHANA 15:4 - PATHIAN LEKHABU IRTHIANG C.L. Bible (BSI)

⁴ Keimaa om mai unglân, kei khom nangnia om mai ki ti. Ôn kha grep rânga a om mai no’n chu a ira thei loi ang dênin, nangni khom keimaa nin om mai no’n chu ra thei no chin ni.

JOHANA 15:4 ပူးပေါင်းရင်းမြစ်များ

1 JOHANA 2:6

Tukhom, Pathian leh irzomin ki om mai titu kha Jisua Kristaa om angin a iom sa hrang a ni, ti hi.

GALATIA 2:20

Keima hringna pangaia hring ni ta ma unga, keimaa hin Krista kha a hring tâk a ni. Atûna taksaa ki ihring hi, a ni lungthungtu ki ta hranga hringna pêktu, Pathian Nâipa iama hring ki ni.

JOHANA 8:31

Jisua’n ama iamtu Judahai kuang khan, “Ki thutaka nin om maiin chu ki irchutir tak takhai ni nin ti;

2 JOHANA 1:9

Tukhom Krista irchutirna thua om loia a khêlin chu Pathian nei mah. A irchutirna thua om mai chu Pa le Nâipa a inei irkop tâk a ni.

JOHANA 6:56

Tukhom ki taksa fâka, ki thisen in chu keimaa a om maia, kei khom amaa ki iom a ni.

FILIPI 1:11

Pathian roiinpuina’n le inpâkna’n Krista zâra felna ra khan nin lei isip hrang a ni.

JOHANA 14:20

Kha tika chu keima Paa ki oma, nangni keimaa nin om le, keima nangnia ki om ti lan hria nin ti.

LUKA 8:15

Irnêng saa tâk kha hihai hi an ni; thu kha inhriata lungrîl dik le saa, sataka vonga, bei zâma ra suak tâkhai hi an ni.

2 KORINTH 13:5

Iamna khan nin om le om loi nin irhriat theina hrangin nin bingin irfia ngai unglân, nangni ngeiin irfia ngai roi. A ninole, nangnia Jisua Krista kha a om ti nangni ngeiin nin irhriat infel loi ma ni? Irhriatna nin la nei no’n chu a dol chian nin la ni.

KOLOSA 2:6

Khanchu, Krista Jisua kha Rengpaa nin pom tâk sikin ama leh irzomin om mai roi.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.

TÎRTÔNHAI SINTHO 14:22

“Intakna tamtak tuangin Pathian Rama ei ilût hrang a ni,” tiin iamtuhai lungrîl an indettira, iamna kha chel khak hrangin an inthorhaia.

JOHANA 17:23

Keima annia, nang keimaa omin, an inpumkhat tak takna hrangin; khanchu ni ni itîr a nih ti rammualin inhriat an ta, lung ni ni thung angin anni khom lung ni thung tih rammualin inhriat an ti.

HOSEA 14:8

Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.

1 THESALONIKA 3:5

Iamnaa nin det mai le det mai loi inhre loia om kin thei ta no sikin, Timothea kha kin hong itîr a ni, inthêmtu’n inthêmpai hrangin kin sin sôlna chanlamboi a chang thei itinin tia kin hong itîr a ni.

HLAHAI HLA 8:5

Ramchâr rengata lungdi irhnêlmata hong so tu mo a ini? Apple theikung hnuaia khan nang ki kai thoia, ni’rzirna hmun ngeia khan.

HEBRAI toc2 HEBRAI 10:39

Eini chu hnung tiang irtôla a’rhmang hranghai ni mak mea, iamna neia saninhring ni hrang mi kêng ei ini.

MATHAIA 12:33

“Ra sa nei thei hrangin chu thingkung sa nin nei a nang; thingkung saloi nin neiin chu ra saloi nei nin ni. Thingkung chu a ra rengata inhriat thei a ni.