JOHANA 15:12 - PATHIAN LEKHABU IRTHIANG C.L. Bible (BSI)

¹² Hi hi ki thupêk chu a ni; lung nangni ki ithung ang takin nangni khom lung irthung irhlôm roi.

JOHANA 15:12 ပူးပေါင်းရင်းမြစ်များ

1 JOHANA 4:21

Krista’n thupêk a ni ipêk chu hi hi a ni: Tukhom Pathian lungthungtu khan a urêng khom lung a ithung sa hrang a ni, ti hi.

JOHANA 13:34

“Thupêk thar nangni ki pêk; lungirthung irhlôm roi; keiin lung nangni ki ithung ang hin nangni khom lungirthung roi.

1 PETERA toc2 1 PETERA 4:8

Thil dang nêkin milung takin lung irthung irhlôm hi uar roi, lungthungna’n sual tamtak ar khu ngai sikin.

1 JOHANA 3:23

A thupêk chu hi hi a ni: A Nâipa Jisua Krista irhming ei iama, thu a ni ipêk anga lung ei irthungirhlôm hi.

ROM KHUAA MIHAI KUANGA TÎRTÔN PAULA LEKHATHON 12:10

Urêng angin ir-en irhlôm unglân, irchôiindôm irhlôm uar roi.

EFESI 5:2

Krista’n lung a ni thunga, Pathian lôm lam thilpêk le thilinhlan mirimhoi ni hrangin ei ta hrangin a irpêk ang khan lungthungna nei seng roi.

1 PETERA toc2 1 PETERA 3:8

A mong taka chu, nin rêngin lungrîl hmunkhat irput unglân, irkan irhlômin urêng angin lung irthung irhlôm unglân, lung irkham irhlômin thuhnuairôl takin om roi;

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 THESALONIKA 4:9

Nin kuang chu urênghai irlungthungna thu irziak nang maka, Pathianin nangni ngei lung irthung irhlôm hrangin nangni a irchu a ni.

1 THESALONIKA 3:12

Lung nangni kin ithung nêka irkhêlin lung nin irthung theina hrang le mi murdi lung nin thung theina hrangin, nin lungthungna kha Rengpa’n inpungtirin nangni inpuang pe ri se.

2 THESALONIKA toc2 2 THESALONIKA 1:3

Urênghaio, nangni sikin Pathian kuang lômthu hril mai hrang kin nia, kha kha kin itho hrang pial a ni. Iamnaa chung nin tuar tak taka, nin rênga lung nin irthung irhlômna khom an thûk tîr tîr a ni.

MALAKIA 1:2

Rengpa khan, lung nangni ki thung a ni a tia. Nangni rêkin chu, khoa khan mo lung ni ni ithung? nin tia. Esaua kha Jakoba urêng a ini loi ma ni? ti hi Rengpa thu suak a ni: Jakoba kha lung ki thunga;

JOHANA 15:17

Khasikin hi thu hi nangni ki ipêk a ni, lung irthung irhlôm roi.

2 JOHANA 1:5

Nupang sa, thupêk thar ni loiin a phut ata ei idong kha nang hril hrangin ki irziak a ni: “Lungthung irhlôm seng ei ti,” ti nang ki ngên a ni.