JOHANA 13:34 - PATHIAN LEKHABU IRTHIANG C.L. Bible (BSI)

³⁴ “Thupêk thar nangni ki pêk; lungirthung irhlôm roi; keiin lung nangni ki ithung ang hin nangni khom lungirthung roi.

JOHANA 13:34 ပူးပေါင်းရင်းမြစ်များ

EFESI 5:2

Krista’n lung a ni thunga, Pathian lôm lam thilpêk le thilinhlan mirimhoi ni hrangin ei ta hrangin a irpêk ang khan lungthungna nei seng roi.

LEVI DÂN 19:18

Tu chunga khom phuba la no ro, khôkmâk no ro; lung ni irthung angin ni bômhai kha lungthung roh. Kei hi Rengpa ki ni.

JOHANA 15:17

Khasikin hi thu hi nangni ki ipêk a ni, lung irthung irhlôm roi.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

GALATIA 6:2

Puakrik irsan irhlôm ngai unglân, khanchu Krista dân kha nin izôm ni a ti.

1 JOHANA 3:23

A thupêk chu hi hi a ni: A Nâipa Jisua Krista irhming ei iama, thu a ni ipêk anga lung ei irthungirhlôm hi.

1 JOHANA 4:21

Krista’n thupêk a ni ipêk chu hi hi a ni: Tukhom Pathian lungthungtu khan a urêng khom lung a ithung sa hrang a ni, ti hi.

JAKOBA toc2 JAKOBA 2:8

“Nangma lung ni irthung angin ni bômhai lung ni ithung hrang a ni,” ti Lekha Thua chuang Dân roiinpui tak hi, nin zômin chu nin tho’n sa;

1 THESALONIKA 3:12

Lung nangni kin ithung nêka irkhêlin lung nin irthung theina hrang le mi murdi lung nin thung theina hrangin, nin lungthungna kha Rengpa’n inpungtirin nangni inpuang pe ri se.

ROM KHUAA MIHAI KUANGA TÎRTÔN PAULA LEKHATHON 12:10

Urêng angin ir-en irhlôm unglân, irchôiindôm irhlôm uar roi.

2 JOHANA 1:5

Nupang sa, thupêk thar ni loiin a phut ata ei idong kha nang hril hrangin ki irziak a ni: “Lungthung irhlôm seng ei ti,” ti nang ki ngên a ni.

GALATIA 6:10

Khanchu zoro inchum ei inei ang lam takin mi tin kuang sin sa tho inlân, iamnaa ei in sûnghai chunga lenvâng chu tho uar ual ei ti.

1 JOHANA 3:11

A phut ata thu nin inhriat kha: lung ei irthung irhlôm seng hrang a nih ti hi a ni.

LEVI DÂN 19:34

Nin Israel chanpuihai angin bê unglân, mâni lung nin irthung angin lungthunghai roi. Nangni khom Aigupta rama mikhual nin ni ngai kha inhre mai roi. Kei hi Rengpa nin Pathian ki ni.

HEBRAI toc2 HEBRAI 13:1

Kristian urênghai ang takin lung irthung irhlôm roi.

2 THESALONIKA toc2 2 THESALONIKA 1:3

Urênghaio, nangni sikin Pathian kuang lômthu hril mai hrang kin nia, kha kha kin itho hrang pial a ni. Iamnaa chung nin tuar tak taka, nin rênga lung nin irthung irhlômna khom an thûk tîr tîr a ni.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

2 PETERA toc2 2 PETERA 1:7

nin diarna khan Pathian uksakna, Pathian uksaknaa khan urênghai inrenna, nin urênghai inrennaa khan lungthungna chu bôk sa roi.

KOLOSA 1:4

Krista Jisua nin iiam tâk thu hai, mi irthiang murdi nin lungkham tâk thuhai kin lei inhriata.

GALATIA 5:6

Jisua Kristaa ei om photin chu sertan mo, tanloi mo danglam ual mah; lungthungnaa irbel iamna hi a poimo a ni.

JOHANA 17:21

An rêngin inpumkhat an ni theina hrangin nang ki ngên a ni. Ka Pa nang keimaa ni oma, kei nangmaa ki iom ang hin, anni khom einia an omna hrangin, nangin kei ni ni tîr ti rammualin an iam theina hrangin.

INPÂKNA HLAHAI 119:63

Nangma chitu murdihai le Ni dân zômtuhai murdi rual ki ni.

INPÂKNA HLAHAI 16:3

Irnênga mi irthiang omhai chu, Anni chu mi sa, ki lômna murdi omna chu an ni,” ki iti a ni.

MATHAIA 5:44

Keiin chu nangni ki hril; ni râlhai kha lungthungin lân, deng nangni intheitirtu chu chongchai pe ro,

ROM KHUAA MIHAI KUANGA TÎRTÔN PAULA LEKHATHON 13:8

Lungirthung irhlômna ringot no chu tûte kuang intâng no roi; mâni mihriam chanpui lungthungtu chu dân zôm irkip tak a ni.

ROM KHUAA MIHAI KUANGA TÎRTÔN PAULA LEKHATHON 13:10

Lungthungna’n mâni bômhai insiat ngai maka; khasikin lungthungna hi dân zôm irkipna a ni.