JOHANA 13:1 - PATHIAN LEKHABU IRTHIANG C.L. Bible (BSI)

¹ Ferkân Kût hrang a hong ni tâka, Jisua’n hi rammual suaksana Pa kuang a fe zoro a tung ta ti an hriata; Ama mi, rammuala om a lungthunghai chu a mong dênin lung a thunga.

JOHANA 13:1 ပူးပေါင်းရင်းမြစ်များ

THUVÂRHAI 8:31

Lêng theina a rammual siama raifân taka omin, ki lômna tak chu mihriam nâihai chunga a ni.

JEREMIA 31:3

tiana ki kuanga zuang inlang Rengpa khan, “Lungthung hek ngai loiin lung nang ki thunga, phûkdâi takin nang hruai mai ki ti,” a tia.

MATHAIA 26:45

Kha zoia chu a irchutirhai kuang a honga, an kuang, “Atûn ten inmusu’n nin la irngam chian mo? Irngai u ta, a zoro chu a hong tung ta. Mihriam Nâipa hi mi sualhai kuta an incheltir hrang a ni ta.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

LUKA 22:53

A nitin, Tempila nin laia ki om ngai lai khan ni chel mak chêia; khannisianlân, inthim irchamneina’n roi a rêl lai hin nin sintho zoro a ni,” a tia.

LUKA 9:51

Jisua, irvân a kâi hrang nî a hong nâiin chu, Jerusalema fe ngêt hrangin milung an chonga.

JOHANA 11:55

Judahai Ferkân Kût a hong nâi tâka, thingtâng ata mi tamtak chu Ferkân Kût mân irthâr hrangin Jerusalema an fea.

JOHANA 12:23

Jisua’n a sâma, “Mihriam Nâipa chôiindôma a om zoro a hong tung ta.

JOHANA 13:29

Irchutir senkhathaiin chu Juda sum hmarsa a dôn sikin, Jisua’n, kût hranga thil ei innanghai var cho roh; a iti mani, a ninole, inrianghai i i pehai roh, a iti pe mani an sôna.

JOHANA 13:3

Jisua’n, Pa’n itinrêng a kuta a sia tih le Pathian ata zuang suak a nih ti le, Pathian kuang fe nôk hrang a ni an hriata.

JOHANA 13:34

“Thupêk thar nangni ki pêk; lungirthung irhlôm roi; keiin lung nangni ki ithung ang hin nangni khom lungirthung roi.

JOHANA 14:28

“Nangni masan hrang ki nia, nin kuang zuang kîr nôk ki ti,” ki iti kha nin inhriat ta. Lung nin ni thungin chu Pa kuanga ki ife hrang hi lôm nin ti; Pa kha keima nêkin a roiinpui ual sikin.

JOHANA 14:31

khannisian, keiin Pa lung ki thung le, Pa’n thu a ni ipêk angin ki tho ngai tih rammualin an hriatna hrang a ni. Thoi unglân, hitak ata hi suak ta ei ti.

JOHANA 16:28

Pa kuang ata ki zuang suaka, rammuala zuang ki ni, rammual suaksan nôk ki ti, Pa kuang ki ife nôk hrang a ni,” a tia.

JOHANA 17:1

Kha thu kha Jisua’n an sîra, irvân tiang a tanga, “Ka Pa, a zoro a tung ta; ni Nâipa chôiiindôm roh, Nâipa khomin nang a chôiindômna hrangin;

JOHANA 17:16

Rammuala mi ni mahai, keima rammuala mi ki ini loi ang hin.

JOHANA 17:26

An kuang ni’rhming kin hriattira, inhriattir mai ki ti; nangin kei lung ni ni thungna ngei kha annia a oma, keima annia ki om theina hrangin,” a tia.

JOHANA 17:5

Ka Pa! rammual om mâna ni kuanga roiinpuina ki inei kha, atûn nangma makunga ngei ni chôiindôm roh.

JOHANA 18:4

Jisua’n a chunga thil hong tung hrang murdi kha an hriat zita, a va suaka an kuang, “Tu mo nin izong?” a tia.

JOHANA 19:28

Kha zoi hnung chu Jisua’n itinrêng a tung irkip ta ti an hriata; Pathian lekha thu a tung theina hrangin, “Ki tui an hrâl e,” a tia.

JOHANA 2:13

Judahai Ferkân Kût zoro a hong tung vâng vâng tâka, Jisua kha Jerusalema a hong fea.

JOHANA 6:4

Judahai Ferkân Kût kha anai tâka.

JOHANA 7:30

Khanchu chel an tuma, khannisianlân, a zoro a la hong tung no sikin tûte’n tôn thei mahai.

JOHANA 7:6

Jisua’n an kuang, “Ki zoro la tung ma, nangni zoro chu itiklai khomin a tung mai.

JOHANA 8:20

Kha thu kha Tempil tholôm bôm siana hmuna ar chutir laia a insîr a ni. Tukhomin chel mahai, a zoro a la tung no sikin.

ROM KHUAA MIHAI KUANGA TÎRTÔN PAULA LEKHATHON 8:37

Thei no ni! Khahai murdi ata khan a ni lungthungtu sikin roiinpui taka ngamtu ei ni.

1 KORINTH 1:8

Ei Rengpa Jisua Krista Nikhuaa khan khom sêlna boia nin omna hrangin ama khan a mong dênin nangni indet a ti.

HEBRAI toc2 HEBRAI 3:14

Ei irnghat phutna kha a mong dênin ei intûk indet ngânin chu Krista leh Pathian satvur dong hranghai ei ni ta.

HEBRAI toc2 HEBRAI 3:6

Krista rêk chu Pathian in sûng mihai chunga Nâipa’n iam a iom a ni. A in sûng mihai chu einihai hi ei ni, ei ihâina intûk indetin ei itûng hi ei irnghat ngit ngânin chu.

HEBRAI toc2 HEBRAI 6:11

Nin itûng a hong tung indik theina hrangin nin sika nin takirtâina chit insua mai hrangin kin inuam tak tak a ni.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.

1 JOHANA 4:19

Ama’n lung a ni thung masa sikin eini khomin lung ei ithung a ni.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,