JOHANA 11:11 - PATHIAN LEKHABU IRTHIANG C.L. Bible (BSI)

¹¹ Kha thu kha an sîr zoiin an kuang, “Ei rualpa Lazara kha a ina, khannisian ama kaithoi hrangin ki ife hrang a ni,” a tia.

JOHANA 11:11 ပူးပေါင်းရင်းမြစ်များ

DANIELA 12:2

Khan an laia tamtak irnêng vâiphina zâlhai chu hong har nôk an ta, senkhat inzâna le senkhat chu kumtuanga hmumâkin.

JOHANA 11:13

Jisua’n a thi thu a insîrna a ni, khannisianlân anni’n chu a’rngam sûnga a in thu a insîr an sôna.

1 THESALONIKA 5:10

Ei dam khoma, ei thi khoma ama leh hmun khata ei om theina hrangin ei irthûlin a ithi a ni.

1 KORINTH 15:51

Hi thutak irthup hi irngai roi. Ei rêngin chu thi zit no ih, khannisian, bekul hnungkhôn an ring tena chu voikhat rengin, mitkhapkâr vakin indanglamin om seng ei ti. Bekul an ring tikin chu mithihai khom thi nôk zit loi hrangin kaithoiin om an ta, eini khom indanglamin om seng ta ei ti.

TÎRTÔNHAI SINTHO 7:60

Khûksadelin, inring takin “Rengpa, hi an sintho insual hi inhre pehai mai no roh,” a tia. Kha thu kha an sîr zoiin chu a hrang a chat tâka. Saula khomin an ithat kha a pompuihaia.

MATHAIA 27:52

thânhai an hong irhonga, Pathian mi tamtak a thi tâkhai, taksa kha kaithoiin an oma,

EFESI 5:14

Khasikin Pathian thua khom: “Nang inmusu, harin lân, Mithi lai ata thoi roh, Krista khan nang êl invâr a ti,” ti a ni kha.

MARKA 5:39

A lût malamin an kuang “Ithoa mo nin ibuai nin ichap mer mur? Nâipang kha thi mah, a iin kêng,” a tia.

MATHAIA 9:24

“Suak roi, nin rêngin! Nâipang hi thi mah, a in kêng,” a tia. Khanchu, anni khan an innuisana.

FESUAKNA 33:11

mi an rualhai leh an ichong ngai angin, Rengpa khan Mosia kha hmâi ir-enin a ichongpui ngai a ni. Kha hnung chu Mosia kha riakbuk tiang a kîr nôk ngai, a chongpuitu ngai ruatharte Nuna nâipa Josua chu puan ina khan a iom ngai a ni.

JAKOBA toc2 JAKOBA 2:23

Pathian Lekha thua, “Abrahama’n Pathian a iama, a iam sika khan thiamchanga pom a ni ta,” ti kha a tunga, Pathian ruala ibe a ni ta.

1 KORINTH 15:34

Fel takin har unglân, sual ta no roi. Nin laia mi senkhat chu Pathian inhriatna zel nin nei no sikin nin inzakna hranga hi hi ki iti a ni.

1 KORINTH 15:18

Khaang khan a ni’n chu, iamtu Kristaa intakhai khom kha an irhmang ta ni a ti.

JOHANA 11:3

Khanchu, a farnuhaiin, “Rengpa, ni lungthung kha dam ma,” tiin mi an van hriltira.

JOHANA 3:29

Moi pasal chu moineitu kha a ni, moi neitu rual, a thu hong uksak maitu khan moineitu irhai an hriatin a lôm ngai, khaang khan kei khom ki lôm ar kip tâk a ni.

ISAIA 41:8

O Israel nang chu ki siahlo ni nia, O Jakoba ki irtan ni ni, ki rualpa Abrahama inei ni nih.

2 THURCHI SUINA 20:7

Hi rama lei om ngaihai kha ni mi Israelhai makunga nin hnotsuakhaia, ni rualpa Abrahama irchihai inei kumtuanga hrang ni ipêk mo ni ma? o kin Pathian!

DÂN INHNINA 31:16

Rengpa khan Mosia kuang, ‘Irngai ta, ni pi le puhai kuang zâl lat hrang ni ni ta; hi mihai hin ni thi tika chu ni uiresan an ta, thu ki irthungpuihai kha tho’nchâi an ta, ni rotsan an ta; an va lêngna hranga lei om nam danghai pathian kha ni biaksan an ti.

2 RÊNGHAI 4:31

Gehazia chu maton tiang a lei fea, nâipang hmâia khianghrol a lei khanga; khannisian ite danglam maka, a om balamin a om maia. Elisa irtongpui nôk hrangin a lei hong kîra, “Nâipang chu thoi ta ma,” a hong tia.

JOHANA 11:10

Zâna a lêngin chu a ke sir a châi ngai, amaa khan vâr a om no sikin,” a tia.

JOHANA 11:12

A irchutirhai khan a kuang, “Rengpa, a in a ni’n te, hong dam nôk ta ti,” an tia.