JOHANA 10:7 - PATHIAN LEKHABU IRTHIANG C.L. Bible (BSI)

⁷ Khanchu, Jisua’n an kuang thu an sîr nôka, “Thudik tak nangni ki hril, keima hi belrahai ta hrangin mikot ki ni.

JOHANA 10:7 ပူးပေါင်းရင်းမြစ်များ

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

INPÂKNA HLAHAI 79:13

Khanchu, keini ni mihai, ni sa lêngna hmuna belrahai hin, Kumkhua’n, lômthu nang hril kin ti: Irlo tin tin dênin nangma inpâkna chu nang inhriattir mai kin ti.

INPÂKNA HLAHAI 95:7

Ama chu ei Pathian a nia, Eini hi a sa vâina hmuna mi le, a kuta belrahai ei ni. A vuan hin ar hâi chu lei inhre ta unglân chu o!

ISAIA 53:6

Belra angin ei irthek indarh zoia, mâni nuamna tiang ei pan zoia, Rengpa’n ei rênga dik loinahai chu, a dârsuama a hong irnghat tâk a ni.

EZEKIELA 34:31

Khan nangni ki belrahai, hloi hring hmuna belrahai, ki mihai chu nin nia, kei hi nin Pathian chu ki ni,” Rengpa Pathianin a tia.

EZEKIELA 36:38

Khan atûna khopui siata omhai hi, kha tena chu mihriam insiptirhai ki ta, tiana Jerusalema hruaithe zoroa an inhlan ngai belra sip nguta an iom ngai ang khan. Khanchu Rengpa chu ki nih ti inhre suak ta an ti,” a tia.

JOHANA 10:1

Jisua’n, “Thudik tak nangni ki hril, tukhom belra mikota lût loia, hmun dang tianga luia lût chu inru ngai le hrâtlâksong a ni.

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

EFESI 2:18

Krista zârin ei rêngin Judahai le Jentailhai, Irtha hmunkhatin Pa kuang ei itung suam thei tâk a ni.