JOHANA 10:3 - PATHIAN LEKHABU IRTHIANG C.L. Bible (BSI)

³ Inkhâr enkoltu’n ama kha mikot an hong pe ngaia, belrahai khomin ar hâi an inhriat, a belrahai kha an irhming sengin a koia a hruai suak ngai.

JOHANA 10:3 ပူးပေါင်းရင်းမြစ်များ

INPÂKNA HLAHAI 80:1

O Israelhai vêngtu, Belra pâl anga Josefa-hai hruaitu, mikuar lei do roh; Nang cherubhai chunga toi kha, zuang vâr suak roh.

FESUAKNA 33:17

Rengpa’n Mosia chu hiang hin a ti pea, “Nang kin hriat infela ni chunga ki milung a chuk sikin ni iti ang lam takin tho ki ti,

THUVÂRHAI 27:23

Ni belrahai le ni mihriamhai theidôra enkolin donsui ro,

HLAHAI HLA 8:13

O ki lungdi, irhuan ata kha ni hnuk irhâi ni’rngaitir ro, ki rualhaiin ni hnuk irhâi irngai hrangin nang an nghâk.

ISAIA 40:11

Belra hrungtu angin Belrahai infâhai a ta, a têhai chu pomhaiin, a puihai hruaihai a ti.

ISAIA 42:16

Mitchohai chu inhre ngai loi lampuia hruaihai ki ta, an fe loina hmuna fepuihai ki ti. Inthim chu sensâi ki ta, lampui irrual loihai irrualtir ki ta, annihai kha ki itho hranghai chu a ni, insel viat no ning.

JOHANA 10:14

Kei chu belra enkoltu sa ki ni, ki ta chu kin hriat, ki ta khomin an nin hriat.

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

JOHANA 10:4

A ta murdi an suaktir zoiin chu an maton a hruaia, belrahai khan ama an zui ngai, a hnukirhai an inhriat sikin.

JOHANA 10:9

Keima hi mikot chu ki ni. Tukhom keimaa lût chu inzôkin om a ta, lûtin suak a ta, fâk hrang hmu sa ti.

JOHANA 6:37

Pa’n ki kuanga a ni ipêk murdi chu ki kuang hong an ta, ki kuanga hong tâk ka chu inhnot suak no ning. Tukhom Pa hmu ngai mahai, Pa kuang ata zuang suak ni loi chu.

JOHANA 6:45

Deipuhaiin, ‘Mi murdi Pathianin irchutir a ti,’ tiin an irziak. Mi tin, Pa thu inhriata, a kuang ata irchu chu ki kuang an hong ngai.

ROM KHUAA MIHAI KUANGA TÎRTÔN PAULA LEKHATHON 8:30

Khan a lei inkunghai kha a koia, a ikoihai kha chu thiam an changtira, thiam a inchangtirhai chu a roiinpuina an changtir sa a ni.

1 KORINTH 16:9

Hi khua hin a ni doi tamtak om khomhai sian, sin roiinpuitak le sin kâmnang tak ki sin theina hranga zoro’nchum tak a iom a ni

FILIPI 4:3

Nang khom, ki ringkol irbunpui iamom tak, kha nupanghai kha changpui hrangin nang ki ngên a ni; anni khan Klemena le Hringna Bua irhming chuang danghai le, Thurchi Sa hrilna sina ni sinpui intam ngai an ni.

KOLOSA 4:3

Keini hrang khomin ni chongchai pe roi. A thu hrilna lampui Pathianin a nin hong pena hrangin, lung in ki intângna san Krista thurîl inpuang ki sunzom theina hrangin.

2 TIMOTHEA toc2 2 TIMOTHEA 2:19

Khannisian, Pathian lungphûm det tak kha chu inhnîng thei ma, ama khan hi chong hi irziak a om: “Rengpa’n ama tahai chu an hriat,” iti le “Tukhom Rengpa ta ki nih ti murdi’n chu sual hnung a isongsan ngêt hrang a ni,” ti hi.

1 PETERA toc2 1 PETERA 1:12

Anni ta hrang ni loi, nangni ta hrangin sin an tho a nih ti inhriattir an ni. Irvân ata tîr, Irtha Irthiang changpuia nin kuanga thurchi Sa hriltuhai khan, kha kha nangni an hril tâk kha. Kha thil kha vântîrtônhaiin khom inhriat an irzuk a ni.

1 JOHANA 4:6

Eini chu Pathian ata suak ei ni; Pathian inhretuhai khan ei thu khom an irngai ngai; Pathian ata suak loi chu ei thu khom irngaitua mahai; khataka khan irtha diktak le dikloi ei inhriat thei a ni.

3 JOHANA 1:14

Sôtnote hnunga nang hmu lat ki sabeia, kha tena hmêl irhmu’n la chong ta rei.

THUPHUANG 20:15

Tukhom hringna lekhabua ar hming chuang loi ka chu meidîla khan an pai thâk sa ta.

THUPHUANG 3:20

Irngai ta! mikota ngîrin ki intôk hi, tukhomin ki’rhâi an hriata; mikot an hongin chu, a ina lûtin a kuang bu nêk ki ta, ama khomin ki kuang nêk a ti.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.