JOELA 3:7 - PATHIAN LEKHABU IRTHIANG C.L. Bible (BSI)

⁷ Irngai u ta, nin zuarna hmun ata kha kaiharin insuaktir ki ta, nin thuanna kha nin lu chung ngeia thuanna ki ti;

JOELA 3:7 ပူးပေါင်းရင်းမြစ်များ

JEREMIA 23:8

Kha nêkin chu Pathian hring Israel mihai hmâr tiang rama le anni ki inthekindarna ram tamtak ata a hong hruai suaktu, ki’rhming sâmin chonginkungna det nei an ti. Khanchu an rama khan om ta an ti,” a tia.

2 THESALONIKA toc2 2 THESALONIKA 1:6

Pathian chu dik takin thil a tho ngaia, deng nangni intheitirtuhai chu intakna’n thuan a ti.

JEREMIA 30:16

Nang a fâk inhektuhai chu fâk inhek ni an ti. Ni râlhai murdi sala hruai an ta, mi longtuhai chu longin om an ti. Nin ramtirtuhai chu inramtirhai ki ti.

JEREMIA 30:10

O ki siahlo Jakoba, chi no ro, o Israel chi viat no roh ti hi Rengpa thu suak a ni. Ni’rchi, ram hlataka sala intânghai chu sansuakhai ki ti, Jakoba chu irtharngam tak le zôkriamin om a ti. Tûte’n râl changin insî ta no nihai.

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 16:6

Mi irthianghai le deipuhai thisen insuatuhai kha thisen ni in intir lik tâk hi; an dongtum an ihmu kêng,” a iti kin hriat.

THUPHUANG 13:10

Tukhom sala om hranga a niin chu sala hruaiin om a ta, khandaia thi hrang a niin chu, khandaia thatin om a ti. Hitaka hin Pathian mihai chu ngîrindetna le iamom taka an om a nangzia an lang,” a tia.

JAKOBA toc2 JAKOBA 2:13

Mi chunga za’rngaina nei loia thilthotu chu za’rngaina boiin a chunga roirêl pe ni a ti; khannisian, za’rngaina hin chu roirêlna an hnê ngai.

MATHAIA 7:2

Nin isêl lam ang takin Pathianin nangni sêl a ta, mi chunga dân nin ihmang tak kha nin chunga khom hmang an ti.

JOELA 3:4

Nangni Tura le Sidon, nangni Filistia ramhaio, ki chunga phubâ lâk nin itum ma ni? Ki chunga phubâ lâk nin itum a niin chu inrang takin nin chunga phubâ la kîr nôk ki ti.

EZEKIELA 38:8

Kum tamtak zoia ama chu ram inkhat, kha rama omhai kha nam tamtakhai lai ata hruaisuak an nia, irdoina rêng rêng chi ngai loia om an ni, khahai kha irdoitir ki ta. Khanchu Israel tânghai, kha ten sûnga mâksana lei ramchita omhai, khannisian atûn chu lungthi taka mihai omna so doi sa an ti.

EZEKIELA 36:24

Nam tin le ram tin ata nangni hruai ki ta, nin omna rama ngêt nangni hruai kîr nôk ki ti.

JEREMIA 32:37

Ki ningmur hrai sika ki inthekindartirna rama irthokin mihai chu ki ibûmhai nôk hrang a nia, anni chu hong hruaihai nôk ki ta, hi hmuna hin zôkriamin inlêngtirhai ki ti.

JEREMIA 31:8

Irngai ro, anni chu hmâr tiang ata hruaihai ki ta, irnêng hmun tin ata hi, bukkhômhai ki ta. Mitcho le ke’nbâihai khom om sa an ti, nâi vonghai le nâiha isêhai khom nam roiinpui tak chu hi hmuna hin hong kîr nôk an ti.

ISAIA 49:12

En ro, ki mi, ram hlataka honghai so, Hmâr tiang ata hong an nia, sim tianga panin Sinim ram hlataka hong an ni so.

ISAIA 11:12

Nam tinrênghai mithmua irsinsiana târsuak a ta, Israel an inhnotsuakhai le Juda a rothai khom kôlkil minli ata hruai suakhai a ti.

ESTHERI 7:10

Khanchu, rêngin, ‘Khataka khan inkhâi that roi,’ a tia. Mordekaia inkhâi thatna hranga a isiama khan, Hamana chu an inkhâi that tâka, rêng ningmur chu a hong boi tâka.

1 SAMUELA 15:33

Samuela’n, “Ni khandaiin nu tamtak nâi boiin a isiam angin, ni nu khom nupang laia nâi boia siam ni ta a ti,” a tia. Khanchu Samuela khan, Agaga chu Gilgal khuaa Rengpa maichâm kôla khan ar chan indi tâka.

ROIRÊLTUHAI 1:7

Adoni-bezeka’n, “Rêng sômsari kutpui le kepui ki lei tan inbongpai pea omhai khan ki bu nêkna maichâm hnuaia bu’rmal an hrût ngaia, khaanga ki itho ang chie khan Pathianin ki chunga a hong tho tâk a ni hi te,” a tia. Khanchu, Jerusalema an hruaia, kha khan a thi tâka.

ISAIA 66:6

Khopui sûnga irhâi om chu, Tempil sûnga irhâi chu imo a inih ta? Rengpa phuba lâk irhâi a ni, a râlhai a ithuanna a ni.

ZAKARIA 9:13

Juda chu sipaihai kuta sâihli angin hmang ki ta, Israel chu thal angin hmang ki ti. Zion mihai chu Grik mihai doi hrangin khandai angin hmanghai ki ti,” a tia.