JOELA 3:5 - PATHIAN LEKHABU IRTHIANG C.L. Bible (BSI)

⁵ Ki tangkarua le rângachak nin lâka, ki thil satak inditomhai nin biak in sûnghaia nin chôi lût sa tâka,

JOELA 3:5 ပူးပေါင်းရင်းမြစ်များ

2 RÊNGHAI 12:18

Juda rêng Joasa’n a matona rêng Jehosafata hai, Jehorama hai le Ahazia haiin Rengpa ta hranga an thilpêkhai chu a lâka, ama ipêk khom belsain; tempil le rêng in sum bôma rângachak murdi chu a rêngin rêng Hazaela chu thilpêkin a pêk tâka, a sipaihai chu Jerusalem ata a hruai suakhai ta.

2 RÊNGHAI 16:8

Khan Ahaza’n Rengpa tempil le rêng sum siana in ata tangka le rângachak om chu Assuria rêng êsêl entîrna’n a thona.

2 RÊNGHAI 24:13

Tempil le rêng ina sum om murdi le Babulon khuaa a chôia, Rengpa lei ihril tâk angin rêng Solomona tempila hmang hrang rângachak bêlbûr a isiahai an siata.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

JEREMIA 23:7

“Nikhua chu a hong itung thiai a ni,” Rengpa’n a ti. “Mihaiin Pathian hring Israel mihai Aigupta ram ata hong hruai suaktu ki’rhming sâmin chonginkungna det an nei nôk hrang zoro a hong inai thiai a ni.

JEREMIA 50:28

(Babulon rama irthokin râl chia intâna zôkin Jerusalema an honga, tempil chunga an thiltho sikin Rengpa kin Pathianin Babulon-hai chunga phuba a lâk dânhai an sîra.)

JEREMIA 51:11

Rengpa’n Babulon ram chu insiatchit a tum sikin, Media rênghai a intorhai dîm a ni ta, hiang hin a nia, tempil siatna kha phuba a lâk hrang dân chu. A doitu sipai ulianhai khan thu an pêka, “Nin thalhai intât inngaih unglân, nin phohai siam diam ta roi.

EZEKIELA 37:12

Khasikin ki mi Israelhai kuang khan thu hrilin lân, kei Rengpa Pathian ngêt hin an thânhai chu inhongtir ki ta, kêlsuahai ki ta, Israel rama hong hruaihai nôk ki ti, tiin hrilhai roh.

DANIELA 11:38

Khannisian khahai nêkin kulhai pathian chu chôiindôm a ta, pathian, a pahai inhriat ngailoi khan, rângachak le sumru le, lunghluhai le thil indit omhai le chôiindôm a ti.

OBADIA 1:17

Zion tânga rêk chu, irtansuakhai kha om an ta, irthiang a ti. Khan, Jakoba insûng mihai khan an irchon donghai kha chang an ti.