JOELA 3:2 - PATHIAN LEKHABU IRTHIANG C.L. Bible (BSI)

² nam murdi buk khôm ki ta, Jehosafata irhôra hruai ki ti. Ki mi, ki’rchon dongtum Israel chunga an thiltho sikin an chungthu rêl ki ta; ram danga ki mihai an indartira.

JOELA 3:2 ပူးပေါင်းရင်းမြစ်များ

2 THURCHI SUINA 20:26

A sûn minli nî chu, Baraka irhôra an irchuna, anni hranga a sinthohai sikin Rengpa chu an inpâka. Khasikin kha hmun kha Beraka, an iti tâk a ni.

ISAIA 66:16

Rengpa’n mei hmangin roirêl a ta, mi tin chunga a khandai irlek a ta, Rengpa’n thathai rem rum a ti.

ISAIA 66:18

An sinthohai le an irngaituanahai kin hriat; nam tinrêng le chong chi tinrêng hmanghai chu hruai khômhai ki ta, hong an ta, ki roiinpuina hmu an ti.

JEREMIA 12:14

Rengpa’n a ti, “Israel kôlvêla om, ki mi Israelhai ram ki ipêk insiattuhai chungchânga hin ti nuam ki inei a ni. Kha mi sualhai kha thing ar zunga phâipai angin, an rama irthokin thonpaihai ki ta, an kuta irthokin Juda in sûngkuahai chu saninsuahai ki ti.

JEREMIA 25:31

an irhâi intông kha kôlkil dên chit a ti. Rengpa namhai doiin thubuai a neia, mi tinhai rêl infelhai hrangin hong hruaihai a ta, mi pualoihai chu thi hrangin rêl ni a ti,’ ti hi Rengpa’n a iti a ni,” a tia.

JEREMIA 49:1

Rengpa’n Amon chungthu a iti chu hi hi a ni, “Israel mihai khôn mo an iom zoi tâk? A ram inzôk hrangin tûte an iom ta loi ma ni? Itho hranga mo Gada namhai chu Milkoma chubai mûkhai ngai an ram lâkin an ilua?

JEREMIA 50:17

Khan Rengpa’n, “Israel mihai chu belra pâl, kâmkeibakneihaiin an irzûla an irthekchit ang hi an ni. A phut taka Assuria rêngin a doia, kha hnung Babulon rama rêng Nebukadnezara’n an ruhai an rêt pehai nôka.

EZEKIELA 25:8

Khan Rengpa Pathianin hiang hin a tia, “Juda namhai khom hi nam dang ang dên an nia tiin Moab-in a lei hrila.

EZEKIELA 34:6

Khasikin belrahai chu tâng irsânghai le mualhaia an lêng indara, irnêng chung murdia hin irthekindarin an oma, tukhomin anni chu enin zongsuak khom tum mahai.

EZEKIELA 35:10

“Khan, kei chu an Rengpa le an Pathian lei ni khom inlân, nam inhni Juda le Israel namhai chu, ‘An ramhai chu an ta a nia, la luapai ki ti,’ ni tia.

EZEKIELA 36:1

Khan Rengpa’n, “Mihriam nâipa, Israel tânghai kuang khan thu hrilin lân, Rengpa Pathianin hiang hin a tih tiin hril ro:

EZEKIELA 36:5

Kei Rengpa Pathian hin ningmurin a kôlvêla namhai le a bîktakin Edom chu irkôkhai ki ti. Râifân le hmusit takin ki ram chu an lâka, hloi hring hmunhai chu an lei lua tâka.

EZEKIELA 38:22

Ama chu hripui le thisen insuana’n hrem ki ta, khanchu ama le a sipaihai le nam tamtak ama tianga kophai chunga khan ropuivânsâng le, irial le, mei le kât chu zuang bunthuan ki ti.

EZEKIELA 39:11

Khan Rengpa’n, “Kha thilhai kha a tung tena chu Gog chu Israel rama tuipui thi nisua tianga khualinzinhai irhôr an itihna hmun kha thân hmunin pehai ki ta, khataka khan Gog le a sipai murdihai chu phûm ni an ta, khanchu irhôr kha Gog sipaihai irhôr ti ni ta a ti.

JOELA 3:12

Namhai kha irphût irhlômhai sian, Jehosafata khurpadopa khan hong kâi ri sehai: kha khan a vêla nam murdi chunga roirêl hrangin ki itoi hrang a ni.

JOELA 3:14

Mi sâng tamtakhai kha Jehosafata irhôra an om khôm ta; kha khan a ni, Rengpa nikhua zuang tung hrang a ni.

AMOSA 1:11

Rengpa’n hiang hin a ti, “Edom mihai tho’nchâina inthum sikin, a ni, minli sikin, a hremna kha inboi no ning; a urêng kha khandaiin a’rzûla, a lungkhamna murdi a pai irhmanga, a ninginmurna khan an potthêr mai hena, kumkhuaa a ninginmurna kha a vong chian sikin;

MIKA 4:12

Khannisian Rengpa ngaituanahai kha inhre mahaia, ar fûktir kha inhre thiam mahai: hruizôla bumût siakhôm angin anni kha a bukkhôma.

ZEFANIA 3:8

Khasikin râllâk la hranga ki thoi ni dênin ni nghâk roi, ti hi Rengpa thu suak a ni. Ki thil tum kha an chunga ki ninginmurna ichiom tak kha insum hranga inlalna ramhai irbuktira namhai koi buk hi a nia; irnêng murdi hi ki khôkmâkna meia a la ikâng fâi zit hrang a ni.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.

THUPHUANG 16:14

Kha kha ramilhli irtha an ni, sinirkhêl khom an tho ngai. Pathian Itinrêngthothei nikho roiinpui irdoinaa hruai irchunkhôm hrangin irtha inthumhai kha rammual pumpuia rênghai murdi kuang an fea.

THUPHUANG 16:16

Khanchu, irthahai khan rênghai kha hmun inkhata, Hebrai chonga Armagedon an itia khan an koibûmhai tâka.

THUPHUANG 16:6

Mi irthianghai le deipuhai thisen insuatuhai kha thisen ni in intir lik tâk hi; an dongtum an ihmu kêng,” a iti kin hriat.

THUPHUANG 20:8

khanchu rammual pumpuia nam tin irthekindarhai, Gog le Magog huanga, irdoinaa hong hruai bûm hrangin fe suak a ti. An tam lam chu tuikhangliana chiaiphoi dôr an ni.