JOELA 3:17 - PATHIAN LEKHABU IRTHIANG C.L. Bible (BSI)

¹⁷ Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

JOELA 3:17 ပူးပေါင်းရင်းမြစ်များ

JOELA 2:27

Khan, Israelhai laia ki om ti le Rengpa nin Pathian ki nia, tûte dang om mahai ti inhria nin ti: ki mihai chu mualinphoi viat ta no nihai.

NAHUMA 1:15

Tânghaia thurchi Sa intunga, irngeina thu tânginsampuitu ke kha en ta! O Juda, ni kûthai kha serin lân, ni thu’nkunghai kha sua ro: mi pualoi khan nang paltan nôk ta no ni; irhmangtir chit a ni tâka.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

THUPHUANG 21:27

Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.

ISAIA 4:3

Zion-a a thi zoi loi le Jerusalema irhming irziakhai chu, “Mi irthiang,” ti an ti.

JEREMIA 31:23

Itinrêng thothei Rengpa Israelhai Pathianin hiang hin a ti, “An sal intângna ata ki hruai kîrhai nôk tena chu Judai ram le a khopuihai ata chu hianga chongbâi hi hmang an ti, ‘O mi dikhai omna hmun, o tâng irthiang, Rengpa’n sat nang vur ri se,’ tiin.

JOELA 3:21

Khan, an thisen ki infâiloi kha infâi ki ta: Rengpa kha Zion-a a om mai sikin.

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

DANIELA 11:45

Khan Tuipui le tâng irthiang roiinpui tak kâra khan a rêng puan in chu sung a ta, khannisian a mongna tung a ta, tûte’n san thei ni no ni.

EZEKIELA 48:35

A’rhîlin mûk sîngkhat sângriat ni a ta; kha khopui irhming kha, kha nî rengata chu, “Jehova Sammah ni a ti,” tiin.

EZEKIELA 43:12

Hi hi nin dân hrang chu ni a ti, tâng sîp chunga a ihuap za chu hmun Irthiang tak ni a ta; irngai ro, hihai hi nin dân chu ni a ti,” a tia.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

ISAIA 12:6

Zion tânga omhmun khuarhaio, Râifân takin zâi unglân, khêk suak roi; Nin laia om, Israel mi irthiang chu a roiinpui ok a ni.

INPÂKNA HLAHAI 76:2

Salem-ah khan a kairênghai chu a oma, khan, ama omna chu Zion-a a oma.

INPÂKNA HLAHAI 9:11

Rengpa, Zion-a om chu, inpâkin zâi unglân; Mi tinhai laia a sinthohai kha hril roi.

FESUAKNA 16:12

“Israelhai nuarna kha ki le’nhriata; an kuang khan khohloi tiang hmê fa nin ta, nangtûk chu bai khop takin fa nin ti; kha tena kêng Rengpa nin Pathian ki nih ti inhre ta an ti,” ti pehai ro, tiin.

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 46:13

ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.

ISAIA 56:7

Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

JEREMIA 31:40

Mithi phûmna le sahrok paina phâi pumpui le a kôlvêla ram pumpui Kidron vadung dênin, nisua tianga sakor lampui kil dênin Rengpa hranga indang a ni. Kha khopui kha chu itiklai khomin indarh le insiat ni ta no ni,” a tia.

EZEKIELA 20:40

“Israel ram, ki tâng irthianga khan, Israel insûng tin, nin rêngin, kha rama khan ki sin tho nin ta, kha khan lei lôm ki ta, nin thilinhlanhai, ra masatak nin inhlanhai, nin thil irthiang inhlanhai lei dong ta ki ti.

EZEKIELA 37:6

Khanchu irthahrui le taksahai nangni pe ki ta, vun leh nangni tuam ki ta. Nin sûnga phûk thun lût ki ta, nangni inhringtir nôk ki ti. Khanchu Rengpa ki ni tih inhre ta nin ti,” a tia.

EZEKIELA 44:9

Rengpa Pathianin hiang hin a ti a ni: Mi râlhai lungrîla sertan loi, taksa khoma sertan loi mi râlhai i ang khom Israel irchihai laia lei om tâkhai khom chu, ki hmun irthianga khan an ilût hrang ni ma,” a tia.

DANIELA 9:16

O Rengpa nang ki ngên, ni felnahai sikin ni ningmurna le nuarna chu ni khopui Jerusalem tâng irthiang ata kîr sianlân; kin sualhai le kin pahai dik loina sikin Jerusalem le ni mihai hi kin kôla om murdihai hi insîrinsiat kin ni ta.

JOBA 15:19

Kha mihai kuanga khan ram chu pêk a nia, Anni laia râlhai fe sa ngai mahai.