JOELA 3:16 - PATHIAN LEKHABU IRTHIANG C.L. Bible (BSI)

¹⁶ Pathianin a mihai satvur a ti. Khan, Rengpa kha Zion tâng ata inrûm dur dur a ta, Jerusalem khua ata ar hâi insua a ta; irvân le irnêng inhnîng a ta: khannisianlân Rengpa kha a mihai ta hrangin irsûnghualna ni a ta, Israel irchihai hrangin kulbang ni a ti.

JOELA 3:16 ပူးပေါင်းရင်းမြစ်များ

INPÂKNA HLAHAI 18:2

Rengpa chu ki lungpui le, ki kulpui le ni saninzôktu a ni; Ki Pathian, ki lungpui dettak a nia, amaa khan iamna irnghat ki ti; ki phô le, ki saninhringna irki le, ki kulpui irsâng a ni.

INPÂKNA HLAHAI 29:11

Rengpa khan a mihai kuang hrâtna pehai a ta, Rengpa khan a mihai kha irtharngamna’n satvurhai a ti.

INPÂKNA HLAHAI 61:3

Nang chu ki hrangin saninzôkna, Doituhai ata râl enna in irsâng dettak ni nia,

THUVÂRHAI 18:10

Rengpa chu kulpui det tak ang kha a nia, mi felhai an intân lûta an zôk ngai.

ISAIA 33:16

Hmun irsângtaka om a ta, kul bing chunga omhai angin zôk a tih, fâk hrang nghâkin tui irsam no ni.

ISAIA 33:21

Khatak khan chu, Rengpa roiinpuina nin entir a ta, tui tamna rama, tui lam hoitak hmuna om ei ta, râlhaiin irkuang hong chôi thei loina hmuna, irkuang lian hong lût thei ta no ni.

ISAIA 42:13

Irdoi hranga mi hrâthai irdoipui thei dôrin Rengpa chu a hor thokin a hong khêka, a hnuk a suaka, a râlhai lai ata a hrât lam chu an langtir ta.

ISAIA 51:16

Irvân khi ki kaiphara, irnêng irnghatna ki phûma, Zion mihai kuang, “Ki mihai nin ni, nin hmûra ki thu ki sia ta, ki kut zapha laia ki sia insa ta,” ki iti kha.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 17:17

Ki ta hrangin chu ichiom ni no ni; nang chu buaina tung zoroa ki zôkna ni ni.

EZEKIELA 38:19

Ki ninginmurna sikin ki lei hril tâka, kha nî sûn khan Israel rama hnîngnupui tho a ti.

HOSEA 11:10

Rengpa kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

AMOSA 1:2

Khan, ama khan “Rengpa kha Zion tâng ata inrûm dur dur a ta, Jerusalem khua ata ar hâi suak a ta; belra enkoltuhai sâ lêngna hmunhai kha an char a idong a ni, Karmel tâng sîp kha châr a ta,” a tia.

AMOSA 3:8

Kâmkeibaknei an hrûmin tu mo chi loi hrang? Rengpa pathian khan thu a hrila, tu mo hril loi theiloi hrang? tiin.

NAHUMA 1:7

Rengpa kha a saa, chardong nia kul det a ni; amaa an iamna irnghattuhai kha an hriat.

HAGAIA 2:6

Sipaihai Rengpa khan hiang hin a ti: voikhat chu sôtnote irvânhai le irnênghai le tuikhanglianhai le mual le tânghai kha inhnîngtir ki ti.

HAGAIA 2:7

Nam tinrênghai kha inhnîngtir ki ta, nam tinrêng thil inuamhai kha hong tung a ta, hi in hi roiinpuina’n insiptir ki ta, sipaihai Rengpa khan a ti.

ZAKARIA 10:12

Ki mihai chu hrât takin siamhai ki ta, ni biak an ta, Kei chu ni zôm an ti,” tiin Rengpa’n a hrila.

ZAKARIA 10:6

Juda mihai chu inhrâttirhai ki ta, Israel mihai chu saninzôkhai ki ti. An chunga lungkhamna nei ki ta, an rama hong hruai kîrhai nôk ving ki ti. Anni chu ki lei ihnôl tâkhai angin om no nihaia, Kei Rengpa an Pathian hin an chongchainahai chu zuang sâm ki ti.

ZAKARIA 9:12

O nangni atûna sabeina nei, sal intânghai, Lungthi taka nin omna hrang hmun tiang kîr nôk roi. Nangni ki hril, nin dengtheinahai kha a lêt hniin satvurna’n nangni thuan ki ti.

HEBRAI toc2 HEBRAI 12:26

Kha laia khan a hnukirhai khan irnêng hi an hnînga, khan, atûn chu, “Voikhat chu irnêng vai ni loiin irvân khom lan hnîng ki ti,” tiin chong a inkung tâk a ni.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 11:19

Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.

THUPHUANG 16:18

Khan, kôl a’rtêka, irhai a zuang suaka, khonri, hnîngnu a hong inhnînga. Mihriam siam phut ata khaang dôra hnîngnu tho kha la om ngai mah. Khaanga hnîngnupui kha a natak a ni.

1 SAMUELA 15:29

Israelhai roiinpuina Pathian kha irsîr no nia, a lungrîl khom thûl no ni. Ama chu mihriam anga lungrîl irthûl ngai ni ma,” a tia.