JOELA 3:12 - PATHIAN LEKHABU IRTHIANG C.L. Bible (BSI)

¹² Namhai kha irphût irhlômhai sian, Jehosafata khurpadopa khan hong kâi ri sehai: kha khan a vêla nam murdi chunga roirêl hrangin ki itoi hrang a ni.

JOELA 3:12 ပူးပေါင်းရင်းမြစ်များ

2 THURCHI SUINA 20:26

A sûn minli nî chu, Baraka irhôra an irchuna, anni hranga a sinthohai sikin Rengpa chu an inpâka. Khasikin kha hmun kha Beraka, an iti tâk a ni.

INPÂKNA HLAHAI 7:6

O Rengpa, ningmurin thoiin lân, Ki râlhai ningmurna doiin irthok roh; Nangma ngei irthokin lân, ni changpui roh! Dikna hi nangma’n ni zong ngai a ni.

INPÂKNA HLAHAI 96:13

Rengpa makunga khan: ama chu a izuang hrang a ni; Irnênga roirêl hrangin a izuang hrang a nia: Rammual hi fel takin roi rêl pe a ta, Mi tinhai chu a thu takin roi rêl pe sa a ti.

INPÂKNA HLAHAI 98:9

Rengpa makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.

ISAIA 2:4

Nam tin chunga roirêl a ta, Irngeitirhai a ti, an khandaihai bu tûna hrangin incher an ta, an ufeihai khom theipui ôn tanna hrangin sin an ti. Nam dang chunga nam danghaiin chem hrei inlek ta no nihaia, irdoi dân khom irchu ta no nihai.

ISAIA 22:1

Inlârna irhôr chung thu chu: Imo nin ithôna inchung sîpa teh nin lui vinga?

ISAIA 3:13

A mihai sual târinlang hrangin Rengpa ar siam ta, an chung thu rêl hrangin a ngîr ta.

EZEKIELA 30:3

Nikhua chu anai ta, Rengpa chângna hrang sûn chu, nam tin ta hranga sûmpui zîngna nikhua le buaina nikhua chu.

EZEKIELA 39:11

Khan Rengpa’n, “Kha thilhai kha a tung tena chu Gog chu Israel rama tuipui thi nisua tianga khualinzinhai irhôr an itihna hmun kha thân hmunin pehai ki ta, khataka khan Gog le a sipai murdihai chu phûm ni an ta, khanchu irhôr kha Gog sipaihai irhôr ti ni ta a ti.

JOELA 3:14

Mi sâng tamtakhai kha Jehosafata irhôra an om khôm ta; kha khan a ni, Rengpa nikhua zuang tung hrang a ni.

JOELA 3:2

nam murdi buk khôm ki ta, Jehosafata irhôra hruai ki ti. Ki mi, ki’rchon dongtum Israel chunga an thiltho sikin an chungthu rêl ki ta; ram danga ki mihai an indartira.

MIKA 4:3

Khan, ama khan chi tamtak kâra roirêl a ta, hlataka nam hrât tak khom halirchu a ti; khan, an khandaihai kha âlkaina hmor irzumhai incher an ta, an ufeihai kha thei kunga tanna chem kolhaia incher an ti: nam dangin nam dang chunga khandai irlek ta no nihai, irdoi dân khom irchu ual ta no nihai.

ZAKARIA 14:4

Kha tena chu ama chu oliv tânga ngîr a ti, Jerusalem nisua tiang khan. Khanchu oliv tâng chu a laitaka nisua tiang ata nitâk tiang irhôr lian tak changin irsenphat a ta, a chimrip kha hmâr tiang irson a ta, a chimrip dang kha sim tiang irson a ti.

THUPHUANG 19:11

Khan, irvân irhong ki hmua, sakor ngoi le a chunga chuang iamom le dik taka an iti ki hmu sa. Ama khan fel takin roi a rêla, a râl a doi ngai.