JOELA 2:6 - PATHIAN LEKHABU IRTHIANG C.L. Bible (BSI)

⁶ An matona mipuihai kha an kamanga: an hmêlhai kha a hong dông zita.

JOELA 2:6 ပူးပေါင်းရင်းမြစ်များ

INPÂKNA HLAHAI 119:83

Meikhu iur savun kok ang kha ki ni tâka, Khannisian, ni thupêkhai chu irnghil ma ung.

ISAIA 13:8

Irtha’nvâiin intakna tuang an ti, nâiha ise angin inhrûm an ti; an ichina an hmuin chu irzakpui irhlôm an ti.

JEREMIA 30:6

Thîrin irdonhai hi roi, pasalin nâiha an irvei ngai mo? Itina mo nupang nâiha isê angin, pasal ni pumin a pum ar dom lika, a hmêl a idang zoi tâk hi?

JEREMIA 8:21

Ki mihai lungnatna’n ki khêkpuia, ki chapa, lungzîngin ki om tâka;

CHAP HLA 4:8

An hmêlhai chu meihol nêkin a duk zoi ta. Tuala an om le om loi inhriat thei ni ta mahai, a hong incher tharhai khom, an em inremin thingkung châr angin an om zoi ta.

NAHUMA 2:10

Inrongtirin a oma, a rong chiana, a iram a ni: an milung kha a zôi tâka, an irkhûkhai kha a ngara, An konghai khom a na zit tâka, an hmêlhai khom a dông zoi zit tâka.

NAHUMA 2:11

Tûte inchitir loia an oma, kâmkeibaknei chalhai, kâmkeibaknei puihai, kâmkeibaknei têhai an ichai vêlna, kâmkeibaknei irbu zôl le kâmkeibaknei têhaiin an fâkna hmun kha khôn mo a ini?