JOELA 2:32 - PATHIAN LEKHABU IRTHIANG C.L. Bible (BSI)

³² Khan, hiang hin ni a ta, tukhom Rengpa irhming irlam murdi chu saninzôk ni an ta: Rengpa’n a insîr angin intân suakhai kha Zion tânga le Jerusalem khuaa om an ta, a la om sunhai laia khan Rengpa’n a ikoihai chu om an ti.

JOELA 2:32 ပူးပေါင်းရင်းမြစ်များ

IRPHUTNA 4:26

Khan, Setha khomin nâipasal a neia, a’rhming khom Enosa a phuaa. Kha rengata chu mihaiin Rengpa irhming an lei isâm phut a ni ta.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

ISAIA 10:22

Israel mihai chu tuikhanglian kôla chiai nêkin tam khomhai sian, tômte hong kîr an ti. Irhmang hranga inkung an nia, an irhoipui.

ISAIA 11:11

Kha ni khan chu Rengpa’n a bân phar nôk a ta, a mi la thi loihai. Assuria le Aigupta ramhai, Pathros ramhai, Sudan ramhai, Elam ramhai, Babulon ramhai, Hamath ramhai, tuikhanglian kôla tui le tui kâra omhai hruai kîrhai a ti.

ISAIA 11:16

Aigupta ram rengata Israelhai an suak theina hrangin, lamlian a iom ang khan, a mi la omhai hrang Assuria ram ata khom, lamlian om rum thei ta a ti.

ISAIA 4:2

Kha ni khan chu Rengpa ata a dôn thar hong suakhai chu intuai duamin om a ta, Israel rama la omhai ta hrangin satak le tuitakin la ra a ti.

ISAIA 46:13

ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.

JEREMIA 31:7

Rengpa’n hiang hin a ti. “Jakoba ta hrangin raifân takin hla sak unglân, nam tinin roiinpui tak ta hrangin khêk suak roi. Hril unglân, chôiindôm roi, ‘O Rengpa, Israel la damhai chu sansuakhai ro,’ tiin.

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

AMOSA 9:8

Rengpa thu suak khan, ‘Irngai u ta, Rengpa Pathian mit kha hi Israel ram sualhai chunga hin a chum tâka, irnêng chung ata ki inboipaihai ving hrang a ni. Aniachu, Jakoba insûng mihai kha inboipaihai zit no ning,’ a tia.

OBADIA 1:17

Zion tânga rêk chu, irtansuakhai kha om an ta, irthiang a ti. Khan, Jakoba insûng mihai khan an irchon donghai kha chang an ti.

OBADIA 1:21

Zion tânga khan Esaua tâng rêl pe hranga sansuaktuhai hong kâi an ta; Khan, ram kha Rengpa ta ni a ti.

MIKA 5:3

Khasikin nâiha irveitu khan a nei mâka chu anni kha irheisan a ti; khanchu a nâi la omsunhai kha Israela irchihai kuang kîr nôk an ti.

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

JOHANA 4:22

Nangni Samarihaiin chu nin inhriat loi chubai nin mûka, keini Judahaiin chu kin inhriat kêng chubai kin imûk ngai; saninhringna chu Judahai kuang ata hong suak a nia.

TÎRTÔNHAI SINTHO 15:17

Mi dang, Jentailhai murdi ki’rhming irputhai khan Rengpa an zongna hrangin, kha kairênghai kha inding ki ti, tiin.

TÎRTÔNHAI SINTHO 2:39

A inkung hi nangni le nin nâihai le ram hla taka mi murdihai hrang le Rengpa ei Pathianin a kuanga a ikoihai hrangin a ni,” a tia.

ROM KHUAA MIHAI KUANGA TÎRTÔN PAULA LEKHATHON 11:26

Kha tika khan kêng Israel mi murdi saninhringna an iom hrang a ni. “Zion ata Saninhringna kha a zuang isuak hrang a ni, Jakoba kuang ata Pathian ngaisak loina inboi a ti,

ROM KHUAA MIHAI KUANGA TÎRTÔN PAULA LEKHATHON 11:5

Atûn khom khaang dên khan Pathianin a lungkhamna sika a inthang suakhai tômte an la om.

ROM KHUAA MIHAI KUANGA TÎRTÔN PAULA LEKHATHON 11:7

Itin mo a ini hrang tâk? Israelhai khan an izong kha hmu mahaia, Pathian inthang tômte vaiin an hmua, mi danghai rêng rêng chu an sêt zoi zit tâk a ni.

ROM KHUAA MIHAI KUANGA TÎRTÔN PAULA LEKHATHON 9:24

Judahai lai ata vai ni loiin Jentailhai lai ata a ikoi suakhai hi, khaang bêlhai kha ei ni.

ROM KHUAA MIHAI KUANGA TÎRTÔN PAULA LEKHATHON 9:27

Isaia khom khan Israel mihai thu khêkpuiin, “Israel mihai chu tuikhanglian chiai dôrin tam khomhai sianlân, a ihrem ban tômte vai saninhring ni an ti.

1 KORINTH 1:2

Korinth khuaa Pathian Koiindang om, mi irthiang ni hranga koi, Krista Jisuaa irthiangtir le hmun tina ei Rengpa Jisua Krista, (anni le eini Rengpa) irhming irlam murdihai chubai kin mûkhai.

HEBRAI toc2 HEBRAI 12:22

Nangni chu Zion Tâng, Pathian hring khopui, vân Jerusalem le Vântîrtôn sâng tamtakhai omna nin ingîr a ni.