JOELA 2:30 - PATHIAN LEKHABU IRTHIANG C.L. Bible (BSI)

³⁰ Irvâna le irnênga thilirkhêlhai irhmutir ki ta, thisen hai, mei hai, meikhu inding hai leh.

JOELA 2:30 ပူးပေါင်းရင်းမြစ်များ

IRPHUTNA 19:28

khan Sodom le Gomora phâizôl murdihai chu a thîra, a ena; kha rama meikhû kha hâlirhmang chit angin a khû irzâm hlut hlutin a oma.

HLAHAI HLA 3:6

Tu mo bepârthohai lai ata bero le mura lâka mirimhoi innam chot chota, ramchâr ata meikhu inding hlot hlota hong tâk so?

JEREMIA 4:28

Khasika khan irnêng chu ngûi ruaiin om a ta, irvân khom a inthim khap hrang a ni. Rengpa iti lam tak ni ta a ti, a milung inchong thûl ta no nia, thu mongna chu a siam zoi tâka, irlêktir ta no ni.

ZAKARIA 14:6

Kha zoro kha a hong tung tena chu, a dâi le izil om ta no nia,

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

LUKA 21:11

Hnîngnupui tho a ta, hmun dang danga châm tâk a ta, hrihai pung a ta, irvân ata ichiomhai le siatna irkhêl tak tak hong om a ti.

JOSUA 8:20

Ai khua mihai chu an hnung tiang an irheia, an khua kâng meikhu ngut ngut kha an hmua, ramkâra intânhai khan an doi nôka, intânna hrang rêng rêng inhre ta mahai.

THUPHUANG 18:18

a ikângna meikhu kha an hmu’n chu, “Hi kho roiinpui anga hi chu la om viat ngai mah!” tiin an khêka.

THUPHUANG 18:9

Irnênga rênghai a uirepui ngaihai le a nuamninga a iompui ngaihai khan, a kângna khu kha an hmu tikin chu beidongna’n la chap an ti.

THUPHUANG 8:7

Vântîrtôn inkhatna khan a bekul a hong tuma, irial le mei thisen leh irpol a hong oma; ama kha irnênga bunpaiin a om ta. Khanchu, irnêng hmun thuma sena hmunkhat chu a kânga, thingkunghai khom hmun thuma sena hmunkhat a kânga, hloisûl hringhai murdi khom a kâng sa ta.

ROIRÊLTUHAI 20:38

Israel sipai bulpui le lei irbîk inrûka omhai khan irsinsiana an siama, khua ata meikhu a suak zut zut an hmu’n chu,

ROIRÊLTUHAI 20:40

Khua rengata meikhu a suak zut zutin chu Benjamina irchihaiin an hong thîra, khua a kâng zit tâk ti an hmu’n chu ar khêl an ti tak taka.