JOELA 2:3 - PATHIAN LEKHABU IRTHIANG C.L. Bible (BSI)

³ An maton tiang le hnung tiang kha a kâng fâi thiaia; an hmabâk ram kha Eden irhuan ang ni khomsian, an khêl hnung chu ramchâr ram chârkhohroi a ni thiaia, ite hôi nei mahai.

JOELA 2:3 ပူးပေါင်းရင်းမြစ်များ

IRPHUTNA 13:10

Khanchu Lota chu ram a en vêla, Zoar khua tiang pan balamin, Jordan phâizôl murdi chu Rengpa irhuan ang le Aigupta ram anga tui tamna hmun a nih ti an hriata; Sodom le Gomora khom kha Rengpa’n a la insiat mân kha a nia.

IRPHUTNA 2:8

Khan Rengpa Pathianin nisua tiang Eden irhuan a siama; a mihriam siam kha an omtira.

INPÂKNA HLAHAI 50:3

Ei Pathian chu zuang a ta, dâihrek no ni: A maton tiang chu mei chok zur zur a ta, A kôl vêla khan a sate’n phâivopui tho a ti.

INPÂKNA HLAHAI 97:3

A maton tiang chu mei a fea, A kôl vêla ama doituhai chu a kâng irhmang ngai.

FESUAKNA 10:15

Hnuai chung chu an dâp vinga, a ram an thimtir tâka; rama sûlhna hring murdi le, thing rahai, irial idêng that mihliahai an fâka; Aigupta ram pumpui chu loia chîmu hnâ le thilhring om viat thei ta maka.

FESUAKNA 10:5

hnuai chung hmun tin hi a dâpin hor dâp an ta, irnêng hmu thei loi rakin om a ti; irial la insiat zoi loi, ni la idonghai kha fapai ving an ta; ni ta hranga loia thing mông tharhai khom fapai ving an ti.

ISAIA 14:17

“Ama hi kêng hnuai inhnîngtira, ram tin inhnîngtirin, rammual hi an chârin, khua omhai irhmangin sala omhai an mâni in sûng tianga tîrhai ngai loi,” tiin ni thurchi la hril an ti.

ISAIA 15:6

Nimrim tui a kang tâka, pârhai chu a chuaia, a cher tharhai khom ite thil hring om thei ta maka.

ISAIA 33:4

Khâi intâm angin râl sum chu an irchua, a hrût hrangin an irvâk soi a ni ta.

ISAIA 51:3

Rengpa’n Zion khua chu lung a thunga, A khua chîn sûnga omhai irtharngam a sakhaia; a ram ite sa thei ta loihai khom, Eden irhuan angin siam a ta, a ram siat tâk chu Rengpa’n irhuan inchangtir a ti. Kha khan râifânna le lômna om a ta, lômthu hrilin inpâkna hla sak an ti.

ISAIA 9:18

Sual hi hloitharpa le ilhlingnei kâng theitu mei ang a ni. Rampui hnuaia sûlhai khom a kâng theia, a ikhu hlut hlut ngai a ni.

ISAIA 9:19

Itinrêng Rengpa ningmurna khan, ram chu an kângtira, mihriamhai chu hâl hranga irtikkhôm mai mai an ni. Tûte mâni urênghai khom san thei loiin;

JEREMIA 5:17

Nin chîmuhai le nin buhai fâkin ne ving an ti, nin nâipasalhai le nupanghai that an ti. Nin kêlbelra le sehrâthai khom thathai an ta, nin grep kung le theipui kunghai insiat zoi an ti. Nin irnghatna kul nei khopuihai chu an sipaihaiin insiat an ti.

EZEKIELA 36:35

Khanchu mi tinin, ‘Hi ram hi matona khan chu ramchâr a nia, khannisian itina mo Eden irhuan anga omin, hi khopui insimpaia, longindara, siata mâksana omhai khom kha lua nôkin kulhai indinga a iom nôk tâk ma ni?’ tiin la hril an ti.

AMOSA 7:4

Rengpa khan inlârna a nir hmutir nôka, a mihai hremna hrangin mei a ikoi lai ki hmua, mei khan tui inthûk tak kha a kâng zita, ram khom kâng hrang a nia.

HABAKUKA 1:6

Irngai roi, Kaldai mi, Nam pualoi tak le milung inrem tak, lêngna hmun, an ta ni loi khom nei tuma hmun tina irvâk vêl ngaihai kha! ki ikaithoihai an ni.

ZAKARIA 7:14

Kêllaiher angin, ram danga om hrangin ki phît infâihai zit tâka. Hi ram satak hi masanin khoram inchangtirin, mi inkhat lua a sûnga om loiin an siam tâk a ni.