JOELA 2:19 - PATHIAN LEKHABU IRTHIANG C.L. Bible (BSI)

¹⁹ Rengpa khan a mihai kuang, “Irngai unglân, nin kuang bu hai, uain hai, hriak hai zuang intung ki ta, kha khan, khop nin ta: namhai laia khan hrilsiatin nangni inomtir viat no ning:

JOELA 2:19 ပူးပေါင်းရင်းမြစ်များ

EZEKIELA 34:29

Ram satakhai pehai ki ta, kha ram ata kha châm khom inboipai ta ki ta, nam danghaiin hmusit ta no nihai.

EZEKIELA 36:15

Ram khan nam danghai nuisona thu inhre ta ngai no nia, mihai innuisan tong ta ngai no ni. Ram khan a nâi le tehai chu longindarh ta ngai no ni, Rengpa Pathianin a ti,” tiin.

MATHAIA 6:33

A ram le a felna chu zong masa roi, khanchu, hihai murdi hi nangni pêk bêlsa a ti.

JOELA 2:24

Hruizôlhai kha buin sip a ta, uain le hriak khurhai kha sip lêt a ti.

JEREMIA 31:12

Râifân taka khêkin Zion tâng sîpa hong an ta, Rengpa satna sikin an hmêl raifân takin om a ti. Buhai, uainhai, hriakhai, belra le sahai sikin lôm an ta. Anni chu inhnê taka tui leh buak ngai irhuan ang ni an ta, an chardong ta no ni.

JOELA 1:10

Loi kha insiat a nia, ram khan a charindonga; bu kha insiat a nia, uain thar kha a kanga, hriak kha a châra.

HOSEA 2:15

Khan, kha tena khan chu, a grep irhuanhai kha a kuang pe ki ti, Akor irhôr khom sabeina mikot hrangin: khataka khan a thoibop lai nikhuahai le Aigupta ram ata a zuang suak nikhua ang khan, sâm a ti.

EZEKIELA 39:29

Israel mihai chunga ki’rtha chu buak ki ta, anni lai ata itiklai khom a dang tiang irheisanhai ta no ning, kei Rengpa Pathian hin ki iti a ni,” a tia.

LEVI DÂN 26:5

Grep ra irhmal zoro dênin bu ât nang a ti, bu tû zoro dênin nin grep ra irhmal nang a ti. Nuam do dôra fâk hrang nei nin ta, nin rama khan irtharngam takin om nin ti.

HOSEA 2:21

Kha nikhua khan hiang hin ni a ta, changpui ki ta Rengpa thu suak khan a ti. irvânhai chongpui ki ta, khan anni’n irnêng chongpui an ti.

HOSEA 2:22

Khan, irnêng khan bu mani, uain mani, hriak mani chongpui an ta; khan, anni khan Jezreel chongpui an ti.

DÂN INHNINA 11:14

Rua masa le ro hnungkhôn kha nin rama a zoro taka inthotir a ta, nin buhai, nin grephai, nin olivhai, a zoro taka ât thei nin ti;

RUTHI 1:6

Khan Rengpa’n a mihai changpuia fâk nêk a pêkhai ti thu Moab ram ata a lei inhriat sikin, a moihai inhni le Moab ram ata kîr nôk hrangin an irsiam tâka.

EZEKIELA 36:29

Thil tinrêng nangni porinchetirtu rengata kha nangni inzôk ki ta, khan bu khom pung hrangin thu pe ki ta, khanchu châm rêng rêng inhre ta ngai no chin ni.

EZEKIELA 36:30

Nin theikunghai le nin loihai chu ra tamtak insuatirhai ki ta, khanchu châm rêng rêng om ta ngai no nia, nam tinhai laia hmâimôkin nangni inomtir ta no ning.

ZAKARIA 8:12

Lungthi takin an loimânhai tho an ta, an grep kunghaiin ra tamtak insua a ta, irnêngin bu le bâl insua a ta, rotui khom tamtak om sa a ti. Hi satvurna murdihai hi ki nama mi la omsunhai chunga intungtir ki ti.