JOELA 2:17 - PATHIAN LEKHABU IRTHIANG C.L. Bible (BSI)

¹⁷ Ochai, Rengpa sinthotuhai kha, bokrop le maichâm kâra khan chaphai sianlân; “O Rengpa, ni mihai hôiin lân, nir chonhai hi hrilsiata oma namhaiin an chunga roirêl pehai hrangin pe no roh: ‘An pathian kha khôn mo a om tâk’, tiin mipuihai laia khan ithoa mo an iti hrang?” ti ri se.

JOELA 2:17 ပူးပေါင်းရင်းမြစ်များ

EZEKIELA 8:16

Rengpa khan in sûngrîl uala khan a ni hruaia, irngai ta, Rengpa in irthiang mikota khan tualbuk le maichâm kongkâra khan mi sômhni ringa vêl hi an lei oma. Rengpa in irthiang chu an hnung tiang irnghatin, an hmâihai chu nisua tiang an irheia, nisua tianga misa hong suak chu chubai an lei mûka!

INPÂKNA HLAHAI 115:2

Ithoa mo nam tinin, “Khôn mo an Pathian kha?” an ni iti.

INPÂKNA HLAHAI 79:10

Ithoa mo nam tinin, “Kho mo an Pathian kha te?” an iti. Ni siahlohai thisen suak phuba lâkna chu ei mithmua nam tin laia hin inhriat ni ri se.

MATHAIA 23:35

Khanchu, Abela, mi fel tak thisen nin insua ata, hmun irthiang le maichâm kâra Barakia nâipa Zakaria thisen nin insua dên khan, irnêng chunga mi fel thisen suak murdi moh chu nangnihai chunga chum a ti.

AMOSA 7:2

Khan, kha rama sûlhna an fâk zit hnungin, “O Rengpa Pathian, ngaidam ro, hi nang ki ngên; Jakoba chu itin mo a ingîr thei hrang, ama kha a chîna?” ki tia.

JOELA 1:9

Baidi inhlanhai, in hranga inhlanhai kha Rengpa in ata inboi a nia; ochai, Rengpa sinthotuhai kha an char a donga.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

1 RÊNGHAI 6:3

Tempil hmun irthiang maton tiang sum hrêna pûk a’rzat lam mûk sômhni le an thûk lam mûk sômin, a siama.

FESUAKNA 34:9

“Rengpa ni milung ki chuk tak takin chu kin kuanga fe sa hrangin nang ki ngên. Hi mihai hin an tukullian bâk khomsian, kin pualoina le sualnahai nin za’n lân, ni mi ni hrangin ni pom ro,” a tia.

MIKA 7:10

Khanchu ki râl kuang, khôn mo Rengpa ni Pathian, titu khan kha kha hmu a ta, mualinphoina’n ama kha irkhu a ti. Ki mithai hin ama kha en a ta; atûn chu kholai dialdôk anga sirbe ni ta a ti.

AMOSA 7:5

Khan, keima’n, “O Rengpa Pathian mong ro, nang ki ngên: Jakoba kha itin mo a inding thei hrang? Ama kha a chîna,” ki tia.

EZEKIELA 20:9

Khannisian, an omna namhai mithmua ki’rhming a siat loina hrangin an chunga ite tho ta ma unga, Aigupta ram rengata hruaisuakin an kuang ki inhriattir zêl a ni ta.

ISAIA 37:20

Rengpa atûn hin a kut ata ni sansuakin lân, khanchu rammual murdia mihaiin nang vai hih Rengpa chu ni nih ti nan hre ving an ti,” a tia.

INPÂKNA HLAHAI 89:51

O Rengpa, nangma doituhai hrilsiatna, Ni sahriak pol hnunghai hrilsiatna chu.

INPÂKNA HLAHAI 89:41

Lampuia fe murdi’n a thil an lâkpai pe ngai: A kôl vêla mihai hrilsiatin a om tâka.

INPÂKNA HLAHAI 79:4

Ei kôl vêla mihai hrilsiatin ei lei oma, Ei kôl vêla mihai hmusit le innuisanin ei lei om tâka.

INPÂKNA HLAHAI 74:10

O Pathian, doitu’n chu i dôr ten mo nang a hril insiat hrang? Râlin chu kumkhua’n nang a insîr insiat hrang ma ni?

INPÂKNA HLAHAI 42:10

Ki rua khandai om ang dênin a ni doituhai khan an nin sîrinsiat ngaia; “Khôn mo ni Pathian te?” an ni lei tia.

2 THURCHI SUINA 8:12

Tempil mikota maichâm a sina, Solomona’n hâlirvôm thilinhlan an hlana.

DÂN INHNINA 32:27

‘A mihai kha kin soisak ngheka,’ tiin. Nin râlhai kha irsor an tih ti ki chitinrîm a ni, A soisaktu chu keima ki ni lik tâk a ni.

MATHAIA 27:43

Pathian a iama, Pathian Nâipa’n a’rbêa; Tho lei en rei, Pathianin an zôk nuam mo?” an tia.

MALAKIA 1:9

Atûn hin lung a nin kham theina hrangin Pathian lung inchuktirna zong roi. Hiang hin nangni kut suak ngei a ni, Nangni a lei ingaisâng hrang ma ni? Sipaihai Rengpa khan a ti.

NEHEMIA 9:36

Irngai ro, atûn hin chu suak kin ni tâka, a sûnga thil sa le thil ra tamtak kin pi le puhai fâk hranga ni ipêkna rama hin suak kin nia.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

INPÂKNA HLAHAI 42:3

Ki mitrithi hi a sûn a zânin ki bu a ni. “Khôn mo ni Pathian te,” a ni la tia.

2 THURCHI SUINA 7:20

nangni ki ipêkna ram ata hi nangni paisuak ki ta, nin ni ibiakna hrang hmun, ki tempil ki irthiangtir sai khom hi irzêltir nôk ki ta, mi tinin innuisan an ta, hmusit ok an ti.

1 RÊNGHAI 9:7

ki mi Israelhai chu an ni lua hrang ram ki ipêkhai rengata inhnothai ki ti. Hi tempil nin ni biakna hrang hmun hranga ki inhlan irthiang sai khom hi rotsan ki ti. Rammuala nam tinhaiin Israelhai chu êsêlin innuisan ni an ti.

DÂN INHNINA 28:37

Rengpa nangni indartirna rama khan a hmu ka kai khan nin chunga thil tung kha a’rkhêl ti an ta, nangni hnuaisia an ta, nuiza siamna’n nangni hmang an ti.

NAMBAR 25:6

Khan irngai roi, Israel laia mi inkhat, Midian nupang hi Mosia le mipuihai chu irtongna Biakbuk kotbâi kôla an chap lai tak hin an mithmua puan ina a hruaia.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

JOSUA 7:9

Kanaan mihai le hi rama omhaiin an inhriatin ni’rhual an ta, ni that zit an ti! khanchu, a mihai khom hualsûng zoihai mah ni ti ngêt an ti,” a tia.

INPÂKNA HLAHAI 42:4

Hi thil hi kin hriat maia, ki hringna hi ki sûnga a bunpaia, Mipui laia ki fea, raifânna le inpâkna irhâi le, mi tamtak hruaithe, Pathian biak in pana, an maton ki ihruai ngaiziahai kha.

INPÂKNA HLAHAI 42:11

O ki hringna, ithoa mo ni ikûn chian? Ithoa mo ki sûnga hin ni ibuai? Pathian sabei roh: ama chu ki la inpâk hrang a ni. Ki hmêl indamtirtu le ki Pathian chu.