JOELA 2:14 - PATHIAN LEKHABU IRTHIANG C.L. Bible (BSI)

¹⁴ Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

JOELA 2:14 ပူးပေါင်းရင်းမြစ်များ

2 SAMUELA 12:22

Davida khan, “Nâite dam lai khan bu ki ngheia, ki chap ngaia. Nâite a dam theina hrangin Rengpa’n lung a nin kham duaiin ki iti a ni.

2 SAMUELA 16:12

Rengpa’n ki dengtheizia hi zuang hmu a ta, Rengpa’n a vuana khomâk a ni isâm hi a sa lam pangin a ni thuan duai khom a ni thei,” a tia.

2 RÊNGHAI 19:4

Pathian hring êsêl hranga Assuria rêng itîr, Rab-sakea ihril ang kha, Rengpa ni Pathianin nang len hre suak a ti; Rengpa ni Pathianin inhriatin deng nan theitir khomsian, kin mihriam a la damhai ta hrangin, nangma’n chongchai ro,” an va tia.

FESUAKNA 32:30

Zînga chu Mosia’n mipuihai kuang khan, “Sual ichiom tak nin itho a ni ta; khan atûn hin Rengpa kuang tânga hong fe nôk ki ta, nin sual inboi hrangin ngaidamna ki hmu duaiin chu,” a tia.

ISAIA 65:8

Rengpa’n hiang hin a ti: “Grep dôn tûte’n pai ngai mahai, uainin kêng an siam ngai. Ki siahlohai khom hi an rêngin, thathai ving no ning.

JEREMIA 18:8

kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

JEREMIA 26:3

Mipuihaiin an irngaia an omdân saloihai an mâk theina hrangin, an mâksan theiin chu an thil sual thohai sika khan an chunga vânduaina intung hranga ki irêl sai kha irlêktir pehai ki ti,” a tia.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

JOELA 1:16

Ei mithmua fâk hrang inboi a ini loi ma ni, a ni, ei lômna le ei lômna kha ei Pathian in ata inboipai a ini loi ma ni?

JOELA 1:9

Baidi inhlanhai, in hranga inhlanhai kha Rengpa in ata inboi a nia; ochai, Rengpa sinthotuhai kha an char a donga.

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

JONA 1:6

Khanchu irkuang hruaitu kha a kuang a honga, “O nang a in, itho mo ni ini? thoiin lân, ni Pathian koi ro, Pathianin ei irhmang loina hrangin, ni ngaitua no ni mo”, a tia.

JONA 3:9

Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

HAGAIA 2:19

A chi kha fasiara a la iom ma ni? Grep hruihai, theipui kunghai, dalim le oliv thinghai kha la ra mah; a vuan ata hi sat nangni vur ki ti.

2 TIMOTHEA toc2 2 TIMOTHEA 2:25

Ama doituhai khom tuangdiarthei takin a suiôi hrang a ni, thutak inhre hrangin Pathianin an lungrîl a irlettir zôi thei.

JOSUA 14:12

Khasikin, kei le ki ifepuihai leh ile chong kin hong intung laia Rengpa iti, hi tâng ram hi ni pe ro ba, Anak mi, milianhai chu kul lianpa pa sûnga an om tiin nangni kin hong inhril kha; Rengpa’n ni ompui mai a ta, Rengpa thupêk angin kin hnotsuak zit thei itinin,” a tia.

1 SAMUELA 6:5

Pangpo millim ringa le nin ram insiattu châichek millim ringa nin isiamhai khan Israelhai Pathian kha chôiindôm roi. Khanchu nangni le nin pathianhai le nin ram kha kuttum nangni a tho ta no khom a ni thei.