JOELA 2:12 - PATHIAN LEKHABU IRTHIANG C.L. Bible (BSI)

¹² Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân:

JOELA 2:12 ပူးပေါင်းရင်းမြစ်များ

2 SAMUELA 24:10

Khannisian mihriam a hong tep zoi tena chu Davida lungrîl kha a na pe oka. Davida khan Rengpa kuang, “Ki thil thoa hin a satêrengin ki lei insual tâk a ni. Nikhomsianlân atûn hin o Rengpa, mi sual pualoina hi nin za hrangin nang ki ingên a ni. Invêt chângin ki lei châng tâk a ni,” a tia.

2 THURCHI SUINA 30:6

Reng le a rualhaiin palaihai chu Judai ram le Israel rama mihai va fialhai hrangin an tîrhaia, ngênna lekha hiang hin an thonhaia, “Israel mihaio, Abrahama hai, Isaka hai, Jakoba hai Pathian Rengpa tiang hong irhei roi; keini, Assuria kuttum tuang loi, a hring a dama la omhai tiang hong unglân.

2 THURCHI SUINA 6:27

nangin irvân ata le’rngai pehaiin lân, an fena hrang lampui sa irhmuhaiin ni siahlohai le ni mi Israelhai sualna hi ngaidamin ni mihai irchon hranga ni ipêkna ramhai hin rua zuan thotir ro.

ESTHERI 4:16

“Fe’n lân, Susa khuaa Juda om murdi koi khômin lân, ki ta hrangin a sûn a zânin bu ngheiin sûn thum sûng chongchai roi. Ki siahlo dôngmatehai leh hin keini khomin khaang khan chongchai kin ti. Kha zoia chu dân ni no khom sian rêng makunga ki thi le ki thi irhuamin, va fe ki ti,” a tia.

FESUAKNA 33:5

Rengpa khan an kuanga hril pehai hrangin Mosia kha thu a pêka, “Mi tukullian tak nin ni. Zoro sôtnotea hrangin ni pôla fe sa hrang khomin, nangni ki’rhmangtir chit khom a ni thei. Atûn hin nin irvôna thil mantamhai kha khek unglân, imo nangni ki ilo hrang infel ki ti,” tiin.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

ISAIA 58:4

Bu nin ngheiin, nin ning an mura, nin inbuaihaia, irsual nuamin, kuttum nin thâk ngai. Hi nikhua nia nin chongchaina chu chunga mi’n inhre ri se, nin iti ma ni?

JEREMIA 3:22

Rengpa hnung song sanhai murdi, nin rêngin hong kîr nôk ving roi; nangni len damtir a ta, iamomin nangni siam a ti. Nangni’n, “A dik Rengpa tianga kin ihong hi, Ama kha kin Pathian a ni sikin.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

JEREMIA 4:1

Rengpa’n, “Israel mihaio, a kîr nôk nin nuama ni’n chu, keima kuang hong kîr roi. Millim ki ihnôlhai nin khâipaia, keima hrangin iamomin nin oma ni’n chu,

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

EZEKIELA 33:11

Khan an kuang khan Rengpa Pathian hring ki ini ang hin hiang hin ki iti a nih ti pehai roh. Mi sual thina hin lômna zel nei ma unga, kha nêkin chu a sual sinhai mâka, a ihring hi ki ilôm ual a ni. O Israel ni thilsual thohai kha ma ta ro: Itho sika thi ni inuam mai ma ni?

DANIELA 9:3

Bu ngheiin, bora puan hai, vâiphin irthua chongchaina le zongin, Rengpa Pathian tiang ki hor heia.

HOSEA 12:6

Khanchu, nangin chu ni Pathian kuang tiang irheiin lân, lungkhamna le roirêlna hmangin lân, ni Pathiana khan irnghat mai roh.

HOSEA 12:7

Kanaan-hai angin Israel khan vârna dik loi an leka, ihuang ringot a irzuk ngai a ni.

HOSEA 14:1

O Israel, Rengpa ni Pathian tiang khan kîr nôk ro, ni pualoina sika ngei ni itûk tâk a ni.

HOSEA 6:1

Thoi, Rengpa kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

ZAKARIA 7:3

Sipaihai Rengpa, ochai kuanga le deipuhai kuang khan, “Kha dôr ten kum sûnga kin lei itho ngai ang khan, tempil siatna sika tha ringanaa bu kin inghei ngai hi kin la itho mai hrang ma ni?” tiin an irdonhaia.

ZAKARIA 7:5

“Hi rama mipuihai le ochaihai kuang hin hiang hin hril ro, kum sômsari sûng tha ringana le tha sarina bu an inghei hi keima ta hranga an inghei ni mah.

MALAKIA 1:9

Atûn hin lung a nin kham theina hrangin Pathian lung inchuktirna zong roi. Hiang hin nangni kut suak ngei a ni, Nangni a lei ingaisâng hrang ma ni? Sipaihai Rengpa khan a ti.

TÎRTÔNHAI SINTHO 26:20

Khanchu, Damaska mihai kuanga insîr irphutin Jerusalema mihai kuang, Judai rama mi murdihai le Jentailhai kuang khom an sualna ata irleta Pathian tiang an irheia, an irlet tak tak a nih ti an langna hranga, sin an thôna hrangin thu ki ihril ngai a ni.

ROIRÊLTUHAI 2:4

Rengpa vântîrtônin kha thu kha a hril zoiin chu Israelhai chu an chap mur tâka.

ROIRÊLTUHAI 20:26

Israel mi murdi chu Bethel-a an fea, Rengpa makunga an chapa, an toia, khohloi dênin bu an ngheia, hâlirvôm thilinhlan le irngeina thilinhlan an inhlana.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.

1 SAMUELA 7:6

Khanchu Mizpa-a khan an irbûm tâka, tui an chôia, Rengpa kuang thilinhlanhai an bunthuana, kha nî khan chu a sûn nitungin bu an ngheia. “Rengpa chunga khan kin lei isual tâk a ni,” an tia. (Mizpa-a khan a ni Samuela’n Israelhai roi a irêl pehai.)