JOELA 2:11 - PATHIAN LEKHABU IRTHIANG C.L. Bible (BSI)

¹¹ Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

JOELA 2:11 ပူးပေါင်းရင်းမြစ်များ

INPÂKNA HLAHAI 18:14

Khan, a thalhai kha a kâp suaka, annihai kha an darhtirhaia; A ni, kôlhai a’rtêktir zor zor saa, an buaitirhai chit tâka.

INPÂKNA HLAHAI 46:6

Nam tin an irse mur mura, ramhai chu an hnînga: Ama chu ar hâi a suaka, irnêng hi a hong zôi tâka,

INPÂKNA HLAHAI 68:18

Nang chu chung tiang ni kâia; Ni ichelhai kha suakin ni hruaia; Mihriamhai ata thilpêkhai ni donga, A ni, tehel zonghai laia khom; Rengpa Pathian kha an kuang a om theina hrangin.

ISAIA 13:4

Tânga irhâi omhai khi irngai roi, ram tin ata nam tinrêng honghai, irhâi a ni duah; itinrêng Rengpa’n a sipai râl doi hranga a ibukhai a ni.

ISAIA 42:13

Irdoi hranga mi hrâthai irdoipui thei dôrin Rengpa chu a hor thokin a hong khêka, a hnuk a suaka, a râlhai lai ata a hrât lam chu an langtir ta.

ISAIA 7:18

Kha nikhuaa khan chu Rengpa’n Aigupta rama tui, Nail vadung hnâr ata irrualin luang suak a ta, Assuria ram ata khom khuaipâl koihai a ti.

JEREMIA 25:30

“Nangma Jeremia hin ki itihai chu ni inpuang hrang a ni, hihai hi mipuihai ni ihrilhai ngêt hrang chu a ni, ‘Rengpa chu irvân ata khêk a ta, irvân hmun irsângna ata irthokin a hnuk insua a ta. A mihai doiin khêk a ta, mi grep ra chîltu angin khêk suak a ti. Irnênga mi tinin inhria an ta,

JEREMIA 30:7

Kha ni sûn kha irkhêl tak ni a ti! Khaang kha om thei no ni, Jakoba chardong zoro hrang chu a ni, khannisian sansuak ni a ti,” tiin.

JEREMIA 50:34

Anni inzôktir hrang chu mi hrât a nia, ar hming chu Rengpa Itinrêngthothei a ni. Anni chu thophai mai a ta, irnênga irngeina inlêng a ta, Babulon ram mihai chunga rêk chu buaina intungtir a ti,” a tia.

EZEKIELA 22:14

Ngam takin mo om theiin? Nang hrem hranga ki zuang tena ni’rnak nei mo lan hre theiin? Kei Rengpa hin ki iti a ni, ki iti tâk chu ki itho ngêt hrang a ni.

JOELA 1:15

Kha nikhua kha a chung a rike! Rengpa nikhua kha anai tâka, Itinrêng thotheitu ata irhmangna ang zuang tung a ti.

JOELA 1:6

Nam hrât tak, tep zoiloi, ki rama a zuang suak tâka, a hâ chu kâmkeibaknei hâ ang a nia, kâmkeibaknei lian tak hapui ang a inei sa a ni.

JOELA 2:1

Zion-a khan bekul tum unglân, ki tâng irthianga khan râl irdîpna inpuang roi; hi ram sûnga mi murdihai kha inthing ri sehai: Rengpa nikhua kha a zuang tung thiaia, a inâi tâk a ni;

JOELA 2:2

inthimna le khor-uina nikhua, inthimna le khor-ui, sûm zîng le izîng irsa khak angin mi huaisen tamtak pâl la hmu ngai loi, itiklai khoma hmu nôk ta loi hrang hong pût an ta, tâng kha kôlirsal ituam angin hong tuam an ti.

JOELA 2:25

Nin laia ki sipai rual tamtak ki tîr, khâihmimse hai, thing irnge hai, longak hai, thing irnge longakhaiin an ifâk zoi kumhai kha nangni thuan nôk ki ti.

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

JOELA 3:14

Mi sâng tamtakhai kha Jehosafata irhôra an om khôm ta; kha khan a ni, Rengpa nikhua zuang tung hrang a ni.

JOELA 3:16

Pathianin a mihai satvur a ti. Khan, Rengpa kha Zion tâng ata inrûm dur dur a ta, Jerusalem khua ata ar hâi insua a ta; irvân le irnêng inhnîng a ta: khannisianlân Rengpa kha a mihai ta hrangin irsûnghualna ni a ta, Israel irchihai hrangin kulbang ni a ti.

AMOSA 1:2

Khan, ama khan “Rengpa kha Zion tâng ata inrûm dur dur a ta, Jerusalem khua ata ar hâi suak a ta; belra enkoltuhai sâ lêngna hmunhai kha an char a idong a ni, Karmel tâng sîp kha châr a ta,” a tia.

AMOSA 5:18

Rengpa nikhua nuamhaio, nin chung a zîng e! Ithoa mo Rengpa nikhua kha nin inuam? vâr ni loiin inthim a ni ual.

AMOSA 5:20

Rengpa nikhua kha vâr ni loiin inthim a ini loi hrang ma ni? Inthim irsa le vâr rêng rêng khom nei loiin?

OBADIA 1:15

“Nam murdi chunga Rengpa nikhua kha anai tâka: ni lei itho tâk ang dênin ni chunga itho nih a ta; ni itho lam ang ngeiin ni chunga a hong irlet hrang a ni.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

MALAKIA 3:2

“Khannisianlân, a zuangna nikhuaa khan tu mo om thei hranga? Ama a zuang inlang tika chu tu mo ngîr ni? ama fiana mei ang le puan sôptu sabon ang a nia;

NAMBAR 24:23

Balaama’n hi leihrilna thu hi a hrila, “Kho tianga mi mo an ini, hmâr tiang irbûmhai hi?

1 THESALONIKA 4:16

Rengpa ngei kha thupêk khêk irhai le, vântîrtôn roiinpui tak irhai le, Pathian bekul irhai le irvân ata zuang chum a ti, Kristaa thi tâkhai kha thoi masa an ti.

THUPHUANG 18:8

Khasika khan, sûn khat sûngin hremnahai, natnathai, beidongna hai, le châm hai hong tung zit a ti. Meiin hâlirhmang ni a ti, a roirêltu Rengpa Pathian kha a hrât sikin,” a tia.

THUPHUANG 6:17

An ningmurna nikhua ichiom tak kha a itung tâk kêng, tu mo ngîra doi thei hrang?” an tia.