JOELA 2:10 - PATHIAN LEKHABU IRTHIANG C.L. Bible (BSI)

¹⁰ An makunga irnêng an thinga; irvânhai an hnînga; misa le tha an thima, ârsihaiin an vâr an thupa:

JOELA 2:10 ပူးပေါင်းရင်းမြစ်များ

INPÂKNA HLAHAI 114:7

O nang irnêng, Rengpa makunga inthing ro, Jakobahai Pathian makunga khan.

INPÂKNA HLAHAI 18:7

Kha zoro lai khan irnêng hi an hnînga, an thing tâka.

ISAIA 13:10

Irvâna ârsi le sikhovârhai khi, an vârna tôm a ta, misa suak khom inthim a ta, tha khom vâr ta no ni.

ISAIA 34:4

Irvâna omhai khom khi râl angin, lekha angin irvân khi inzuatin om a ta, irvâna om murdi khi tâ an ti. Grep le theipui hnâ a ichil ang hin.

ISAIA 5:30

Kha zoro kha a hong tungin chu, tuikhanglian irhâi nêka siatin Israel ram sûnga la hong irsok siat a ti. Ramhai chu chardong le lungzîngna’n a sipa, vâr chu zîngin a’rkhu zoi tâka.

JEREMIA 4:23

Irnêng ki thîr vêla, a rongkunga; Irvân tiang khom a vâr zel om maka.

JOELA 2:2

inthimna le khor-uina nikhua, inthimna le khor-ui, sûm zîng le izîng irsa khak angin mi huaisen tamtak pâl la hmu ngai loi, itiklai khoma hmu nôk ta loi hrang hong pût an ta, tâng kha kôlirsal ituam angin hong tuam an ti.

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

JOELA 3:4

Nangni Tura le Sidon, nangni Filistia ramhaio, ki chunga phubâ lâk nin itum ma ni? Ki chunga phubâ lâk nin itum a niin chu inrang takin nin chunga phubâ la kîr nôk ki ti.

AMOSA 5:8

Sîruk le sîvazûn siamtu le thina dâihlîm zînga inchangtirtu le sûn kha zân inthima siamtu, tuikhanglian tuihai koia, irnêng chunga inluangtirtu kha, ama kha zong unglân, ar hming chu Rengpa a ni,

NAHUMA 1:5

Tâng lianhai kha ama sikin an inhnînga, tâng chînte tehai kha a hong zora; a makunga khan irnêng hi an thinga, rammual le a sûnga om murdihai leh khan,

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

MATHAIA 27:51

Khanchu, tempil sûnga puanzâr kha a chung ata a mong dênin a têr thai ta. Kha hnung chu irnêng an hnînga, lungpuihai an koia,

TÎRTÔNHAI SINTHO 2:20

Misa inthim a ta, tha thisen chang a ti; Rengpa nikhua roiinpui le poimo tak zuang tung mân.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

THUPHUANG 6:12

Belrate’n irsinsiana ki rukna an hong lai kha ki ena, Hnîngnupui a hong inhnînga, misa kha samul puan vom angin a hong duka, tha khom thisen ang dôrin a hong sen tâka.

THUPHUANG 8:12

Vântîrtôn a minlina khan a bekul a hong tuma, khanchu, misa hmun thuma sena hmunkhat, tha hmun thuma sena hmunkhat le ârsihai hmun thuma sena hmunkhat chu intôk siat a nia, khahai kha hmun thuma sena hmunkhat an thim theina hrangin. Khanchu, sûn hmun thuma sena hmunkhat chu vâr om ta maka, zân khom hmun thuma sena hmunkhat chu an thim khak tâka.

THUPHUANG 9:2

Ârsi khan khurmongboi kha a inhonga, khur ata kha meikhu, meipui thi theiloi khu khak angin a hong suaka, kha meikhu sika khan misa le irvân hai a hong inthim ta.