JOELA 2:1 - PATHIAN LEKHABU IRTHIANG C.L. Bible (BSI)

¹ Zion-a khan bekul tum unglân, ki tâng irthianga khan râl irdîpna inpuang roi; hi ram sûnga mi murdihai kha inthing ri sehai: Rengpa nikhua kha a zuang tung thiaia, a inâi tâk a ni;

JOELA 2:1 ပူးပေါင်းရင်းမြစ်များ

1 THURCHI SUINA 15:28

Israel mi murdihai chu raifân takin an khêka, bekulhai, kêl irkîhai tumin, têngrep hai sukin, perkhuanghai inper pumin Thuthung Bôm chu Jerusalema an chôikâi tâka.

INPÂKNA HLAHAI 119:120

Ki takpum hi nangma chi sikin an thinga; Ni roirêlnahai chu ki ichi a ni.

INPÂKNA HLAHAI 87:1

A lungphûm chu tâng irthianghaia khan a om.

FESUAKNA 10:14

Khanchu khâi tamtak Aigupta ram sûnga khan an oma; Aigupta ram an bit zoi ta, an tam lam chu irkhêl tak a ni. Matona khan hiang reng hin khâi lei tam ngai mahaia, anni zoia hin khom om khom om ta ngai no ni.

ISAIA 13:6

Khêk sup sup unglân, Rengpa nikhua chu anai ta, itinrêng thotheiin siatna intungtir a ti.

ISAIA 13:9

Rengpa nikhua hong tung a ta, a ningmurna an lang tena chu, ramhai chu inthim a ta, a sûnga om mi sualhai chu irhmang an ti.

ISAIA 2:12

Kha ni tena chu itinrêng Rengpa’n, lârirpâkhai, irngaiirsânghai, le mi huang hmang murdihai, irhnuaitirhai a ti.

ISAIA 66:2

Thil tinrêng hi keima kut ngêia ki isiam an nia, khanchu an hong oma, Rengpa thusuakin a ti. Ki ihmu nuamhai hi tuhai moh an ini? Lungrîla irngaiintôm le irsîra ki hê lâkhai hi kêng an ini.

ISAIA 66:5

Rengpa chia, a thu lâkhaiin chu, a thuhril hi irngai roi, nin u le sanghaiin nangni en nuam mahaia, Rengpa roiinpuina chu hor lang ri se, nin lôm ngân moh inhre thei kin ti! an la ti mai mualphoi irla an ti.

JEREMIA 16:10

Hi thil murdi hi anni nin hrilhai zoi le, i lo hrang mo hiang dôra siatna irkhêl Rengpa’n kin chunga a intungtir hi? Thil dik loi imo kin itho, kin Pathian chunga kin itho insualna? an ti’n chu,

JEREMIA 16:7

Mânia lungirthunghai an thi zoro khomin tûte’n lungngam sakin hmunkhatin fâkin in no nihai. Nu le pahai inthi tâkhai chunga lua tûte’n an ituangpuina inlangtir no nihai.

JEREMIA 4:5

Bekul chu ram pumpuia tum unglân, inring tak le fel takin inpuang roi! Judai rama mihai le Jerusalem mihai chu kul nei khopuihaia intâna lût hrangin hrilhai roi.

JEREMIA 5:22

Keima hi Rengpa chu ki ni, itho mo nin ni ichi loi? Ki makunga hin nin inthing loi hrang mo? Tuipui idîl phâk ten indangna hrangin chiaiphoi ki siama, a ikhêl thei loi hrang ramri det chu. Tuipui irsok khomsian, khêl thei no nia, tuiirsok khomin pha thei no ni.

EZEKIELA 12:23

Khasikin Rengpa pathian khan hiang hin a ti: Hi thuvâr tôi hi kin boipaia, Israel rama thuvâr tôia hmang ta ngai mahai; sûn chu anai tâka, inlârna tinrêng tung indik nî hrang chu, tiin an kuanga hril lem roh.

EZEKIELA 21:12

Mihriam nâipa, chapin lân, inrûm vong vong ro, Ki mihai tuang hrang an nia, ki mihai chu Israel mi lianhai leh khandaia that an ini hrang a ni. Khasikin beidongin ni rôp irchûm roh.

EZEKIELA 30:3

Nikhua chu anai ta, Rengpa chângna hrang sûn chu, nam tin ta hranga sûmpui zîngna nikhua le buaina nikhua chu.

EZEKIELA 33:3

Khan, râl honghai a hmu tena chu bekul tum sianlân, mi tin irningchakin om ri sehai.

EZEKIELA 33:6

A hrungtu khan râl honghai chu a hmua, khannisian bekul kha tum loiin râlhai kha hongin mi sualhai kha lei that tahai sian, an thina chungthua a hrungtu kha theiloi inchangtir ki ti.

EZEKIELA 7:10

Irngai ro, Israel ta hrangin nikhua chu a hong tung e, ni siatna hrang chu a hong suak ta, tuangna chu a hong punga, omlianna chu a hong irsâng tâk.

EZEKIELA 7:12

Zoro chu a hong tung ta, nikhua chu a hong nâi tîr tîr ta; irchôktu chu raiinfân no sianlân, a zuartu chu beiindong ual no ri se; ningmurna chu an rênga chunga a itung hrang a ni sikin.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

DANIELA 9:16

O Rengpa nang ki ngên, ni felnahai sikin ni ningmurna le nuarna chu ni khopui Jerusalem tâng irthiang ata kîr sianlân; kin sualhai le kin pahai dik loina sikin Jerusalem le ni mihai hi kin kôla om murdihai hi insîrinsiat kin ni ta.

DANIELA 9:20

Keima le ni mi Israelhai sualna sikin thuphachôia, chongchaia, thuhrila, Rengpa ki Pathian kuanga Pathian tâng irthiang hranga ki zong lai takin,

HOSEA 5:8

Gibia khuaa bekul tum unglân, Rama khuaa bekul mût roi; Bethaven-a khêk mur mur roi, o, Benjamina, ni hnung tiang kha, tiin.

HOSEA 8:1

Bekul kha ni hmûra irsuntir ro, Rengpa sûngkuahai chunga irmupui angin a zuang e, ki thuthung an tho’nchâia, ki dân an lôipai sikin.

JOELA 1:15

Kha nikhua kha a chung a rike! Rengpa nikhua kha anai tâka, Itinrêng thotheitu ata irhmangna ang zuang tung a ti.

JOELA 2:11

Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

JOELA 2:15

Zion-a khan bekul tum unglân, bu nghei zoro ser irthiang unglân, inkhômpui ir-up tak siam unglân:

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

JOELA 3:14

Mi sâng tamtakhai kha Jehosafata irhôra an om khôm ta; kha khan a ni, Rengpa nikhua zuang tung hrang a ni.

JOELA 3:17

Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

AMOSA 3:6

Khopuia mi chi loi hrangin bekul an tum thei ma ni? Rengpa itho ni no’n chu khopuia khan siatna a iom thei ma ni?

AMOSA 5:18

Rengpa nikhua nuamhaio, nin chung a zîng e! Ithoa mo Rengpa nikhua kha nin inuam? vâr ni loiin inthim a ni ual.

AMOSA 8:2

Khan, ama’n, “Amosa, imo ni ihmu?” a tia. Keima’n “Kholum thei kok,” ki tia. Khan, Rengpa khan ki kuang, “Ki mi Israelhai mongna hrang a zuang tung ta; tehel zong ta no ning,” a tia.

OBADIA 1:15

“Nam murdi chunga Rengpa nikhua kha anai tâka: ni lei itho tâk ang dênin ni chunga itho nih a ta; ni itho lam ang ngeiin ni chunga a hong irlet hrang a ni.

ZEFANIA 1:14

Rengpa nikhua roiinpui tak kha anai tâk e, a nâiin a itheng lat hrang a ni, Rengpa nikho irhâi kha irkhêl tak a ni; kha khan mi hrât kha khêk rak rak a ti.

ZEFANIA 1:16

Kulpuia irkul khopuihai chunga le khua kul irsânghai chunga khan bekul le râl doi irhâi inringna nikhua a nia.

ZEFANIA 1:7

Rengpa pathian makunga khan dâihrek roh: Rengpa nikhua kha anai tâk sikin: Rengpa khan irbôlna a sinsiam tâka, A mi fialhai khom a’rthiangtirhai tâk a ni.

ZEFANIA 3:11

Kha nikhuaa khan ki chunga ni tho’nchâina thiltho sikhaia khan inzak ta no chi ni, kha tika chu ni sûng ata ni mi, lârirpâkna raiinfânpuituhai kha la pai ki ta, ki tâng irthianga hin lârirpâk hrangin om ta no chi ni.

ZAKARIA 14:1

Roirêl hranga Rengpa toina hrang nikhua chu anai ta! khanchu Jerusalem chu longindarh ni a ta, râllâk sumhai chu ni mithmu ngeia irsem an ti.

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

NAMBAR 10:2

“Tangkarua bekul inhni siamin lân, isuka sukin siam ro; mipui bukkhômna hrangin le riakbuk mâksanna hrangin ni ihmang ngai hrang a ni.

NAMBAR 10:3

Bekul inhnihai kha zoro sôt an tum hnungin mipui murdi chu ni kuang irtongna Biakbuk kotbâia an irbuk zit hrang a ni.

1 KORINTH 14:8

Bekul khom mumal neia an tum no’n teh tu mo râl doi hranga irsiam hrang?

FILIPI 2:12

Khanchu, ki indit takhaio, ki om laia ki thu nin izôm ang khan atûn ki om no khomin nin zôm nôk ual a inang a ni. Pathian chi le inthing pumin nin saninhringna irkiptir hrangin sin mai roi.

1 THESALONIKA 5:2

Rengpa Nikhua chu zâna inru angin a itung hrang ti nangni ngeiin fel takin nin inhriat.

JAKOBA toc2 JAKOBA 5:8

Nangni khom diar takin om unglân, lungrîl det tak irput roi; Rengpa zuang nôkna hrang anai ta.

1 PETERA toc2 1 PETERA 4:7

Thil tinrêng mongna zoro chu anai tâka, nin chongchai theina hrangin lungrîl irfîm tak irputin irvong infel roi.

THUPHUANG 6:17

An ningmurna nikhua ichiom tak kha a itung tâk kêng, tu mo ngîra doi thei hrang?” an tia.