JOELA 1:14 - PATHIAN LEKHABU IRTHIANG C.L. Bible (BSI)

¹⁴ Bu nghei zoro ser irthiang unglân, inkhômpui ir-up siam unglân, Rengpa nin Pathian ina khan putarhai le hi rama lêng murdihai kha hruaikhôm unglân, Rengpa kha insam roi.

JOELA 1:14 ပူးပေါင်းရင်းမြစ်များ

JONA 3:8

Mihriam le sahai khan bora puan sil ualhai sianlân, a satêrengin Pathian insam ri se: a ni, mi tinin mâni lam saloi le an kuta sin sualna kha irheisan ri sehai.

2 THURCHI SUINA 20:13

Judai rama mi murdi chu an dôngma le an nâihai leh tempil mikota an ngîra.

LEVI DÂN 23:36

Sûn sari sûng chu a nitin bu le bâl thilinhlan inhlan hen nin ta, a sûn sari ni chu irbukkhôm nei nôk nin ta, bu le bâl thilinhlan khom nin inhlan hrang a ni, Pathian chubai mûk nî a ni, sin nin itho hrang ni mah.

NEHEMIA 8:18

A sûn tin a’rphut ata a tôp dênin Pathian dân bu a tepa, khan sûn riat nî chu kût hek nî a nia, thupêk angin ir-up taka inkhômin an ichîn ngai a ni.

2 RÊNGHAI 10:20

“Baal biakna hrang nî sûn indang roi,” Jehua’n a tia. A sûn an indang tâka.

ESTHERI 4:16

“Fe’n lân, Susa khuaa Juda om murdi koi khômin lân, ki ta hrangin a sûn a zânin bu ngheiin sûn thum sûng chongchai roi. Ki siahlo dôngmatehai leh hin keini khomin khaang khan chongchai kin ti. Kha zoia chu dân ni no khom sian rêng makunga ki thi le ki thi irhuamin, va fe ki ti,” a tia.

JEREMIA 36:9

Juda rêng Jehoiakima an lal kum ringana, a tha kuakna khan, Rengpa lunghoina hrangin mihaiin bu an ngheia. Jerusalema om murdihai le Judai ram khopuihaia irthoka mi honghai khan bu nghei nikhua an ichâm a ni.

JOELA 1:2

Putarhaio, hi hi inhre roi, hi rama om murdihaio, nin mikuar sung roi. Hi hi, nin zoro lai le nin puhai zoro lai khomin a om ta ngai mo?

JONA 3:5

Ninevi mihai khan Pathian an iam tâka; bu nghei hrang tiin an inpuanga, an laia a lian tak ata a chîn tak dênin bora puan an sil tâka.

ZEFANIA 2:1

O nam inzakna lam inhre loihaio, Thu’nkung a zuang suak mân le nikhua kha favâi anga a hek mân, ki Rengpa ninginmurnaa ichiom tak kha nin chunga a zuang tung mân le, Rengpa ninginmurna nikhua kha nin chunga a zuang tung mân hin, Intân khôm roi, a ni, intân khôm mur mur roi.

JEREMIA 14:2

“Judai ramin a tuanga, a khopuihai chu a iram thiai a ni ta, a mihai chu beidongin irnênga an zâla, Jerusalem chu a san hrang zongin a khêka.