JOELA 1:13 - PATHIAN LEKHABU IRTHIANG C.L. Bible (BSI)

¹³ Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

JOELA 1:13 ပူးပေါင်းရင်းမြစ်များ

JEREMIA 4:8

Khasikin bora puan sil unglân, chapin inrung ta roi, Rengpa ningmur ichiom tak khan; Judai ram chu hnung a la isongsan loi a ni sikin.

JOELA 2:17

Ochai, Rengpa sinthotuhai kha, bokrop le maichâm kâra khan chaphai sianlân; “O Rengpa, ni mihai hôiin lân, nir chonhai hi hrilsiata oma namhaiin an chunga roirêl pehai hrangin pe no roh: ‘An pathian kha khôn mo a om tâk’, tiin mipuihai laia khan ithoa mo an iti hrang?” ti ri se.

EZEKIELA 7:18

Bora puanhai sil an ta, chitnain anni chu inkhum a ta; an hmêlhai chu inzakna’n inlang a ta, an lua samhai kol zit a ti.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

1 RÊNGHAI 21:27

Elija’n kha thu a hril zoiin chu Ahaba khan a puansil an potthêra, bora puan a sila, bu a ngheia, bora puan leh a zâla, ngûi takin a om tâka.

2 KORINTH 11:23

Krista sinthotuhai mo an ini? Into ang riaiin hong hrilin lân, anni hrangin chu tirtôn sa ual ki ni! Sintho intam uala irnak song ual ki ni, intângna ina kin tâng intam uala, zêm laka ki tuang intam ual taka, thi zôi zel theina khom ki tong intam tâk a ni.

2 KORINTH 6:4

Kha nêkin, kin sinthôna tinrênga buainahai, dengtheinahai le intaknahai diar taka tuangin, Pathian sinthotuhai kin nih ti kin inlang ual ngai.

2 KORINTH 3:6

Ama khan Thuthung Thar sintho inrukin a ni siama, kha kha, Dân, horopa irziak ang kha ni maka; Thuthung Thar, Irthaa irziak kha a ni. Dân, horopa irziak khan, thina an tungtira, Irthaa chu hringna an tungtir a ni.

1 KORINTH 9:13

Pathian biak ina sintho mihai khan biak ina irthokin an fâk hrang an hmu ngai tih le maichâma irbôlna inhlan ngaihai khomin maichâm le dongtum an nei ngai ti nin inhriat loi ma ni?

1 KORINTH 4:1

Keini hi Krista tirtôn le Pathian thutak irthup enkoltuhaiin ni bê roi.

ISAIA 61:6

Nangni hi chu ‘Rengpa Ochai’ tih ni nin ti. Pathian sinthotuhai nangni ti an ti. Nam tinhai irchongna chu fa nin ta, an roiinpuinahai leh irvô nin ti.

2 SAMUELA 12:16

Davida’n nâite ta hranga khan Pathian kuang a chongchaia, bu a ngheia, a tentana a lûta, zânsôt irnênga a zâl raka.

NAMBAR 29:6

Hihai hi tha khatna sûn maton taka pum hâlirvôm thilinhlan le baidi thilinhlan le a nitina pum hâlirvôm thilinhlan le baidi thilinhlan le uain thilinhlan ti bana chu nin inhlan hrang chu a ni. Hi fâk chi thilinhlanhai hi Rengpa ta hranga mirimhoi chu a ni.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

EZEKIELA 21:12

Mihriam nâipa, chapin lân, inrûm vong vong ro, Ki mihai tuang hrang an nia, ki mihai chu Israel mi lianhai leh khandaia that an ini hrang a ni. Khasikin beidongin ni rôp irchûm roh.

HOSEA 9:5

Inkhômpui ir-up nikhua le Rengpa kût nikhuaa khan imo nin itho hrang tâk?

JOELA 2:14

Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

NAMBAR 28:4

Kêlbelrate inkhat kha zîng tiang inhlan nin ta, inkhat dang kha khohloi tiang inhlan nin ti.

NAMBAR 28:7

Khan uain thilinhlan hrangin uain khilât sei khat chu maichâma ni ibuak hrang a ni.

NAMBAR 28:14

Uain thilinhlan chu hiang hi ni a ti, sehrâtchal leh khan khilât sei inhni ni a ta, belrachal leh khan khilât sei inkhat le a chimrip ni a ta, khan belrate leh khan khilât sei inkhat seng ni a ti. Hi hi kumtuanga a tha tina nikhua masa taka pum hâlirvôm thilinhlan dân hrang chu a ni.

EZEKIELA 27:31

Nangma ta hrangin an sam ep an ta, bora puanin irvo an ta; an chap lia an milung la na pehai liain om an ti.

JOELA 2:12

Rengpa khan, “Khaang ten khomin atûn nin milung murdi’n, bu ngheiin, chapin, chardongin ki tiang hong irhei unglân: