JOBA 7:4 - PATHIAN LEKHABU IRTHIANG C.L. Bible (BSI)

⁴ Ki zâlin, itika mo ki thoi ki tia; Khannisian, zân hi a sôttak taka, Zîng khovâr nghâkin in thei loiin hongirlet var letin ki oma.

JOBA 7:4 ပူးပေါင်းရင်းမြစ်များ

DÂN INHNINA 28:67

Nin thil chi le nin mita ichiom nin ihmuhai sikin zînga, ‘Khohloi ni ri seh ti nin ta, zâna chu khuavâr ta sian,’ ti nin ti.

INPÂKNA HLAHAI 77:4

Zân sôtin a nin mengtir mai ngaia: Chong theiloi rakin ki char a dong ngai.

JOBA 17:12

Zân chu sûn an changtira, ‘Vâr khan inthim an nâitir ta,’ an tia.

ISAIA 54:11

O Jerusalem, soisakna tong, tuiirsoka irsok invuang, lungkham hlo ngai loi, lung a sa chi hmangin nang siam inding nôk ki ti, ni’rnghatna hrang Safir lung phûm ki ta,

INPÂKNA HLAHAI 130:6

Vêngtuhaiin khovâr an ithîr nêka nghâkhmo’n, A ni, vêngtuhaiin khovâr an ithîr nêka nghâkhmo’n. Ki hringna hin Rengpa chu a ithîr mai a ni.

INPÂKNA HLAHAI 109:23

Khohloi irhlîm angin ki boi thiai tâka; Khâihmimse angin sêm invuangin ki om ta.

INPÂKNA HLAHAI 6:6

Zâmirzalin ki’rzal tâka; Zân tin ki zâlna chu ki mit irthi’n a duia; Ki zâlna chu ki mit irthi’n kin duitir ngai.

JOBA 30:17

Zân khovârin ki ruhai khom a na zoi ta; A nin rêthai hi boi thei ta mah.