JEREMIA 9:20 - PATHIAN LEKHABU IRTHIANG C.L. Bible (BSI)

²⁰ Ki iti chu, “Nupanghaio, Rengpa chong hi irngai unglân, a thuhai hi nin inhriat theina hrangin. Nin nâinupanghai chap dân irchuhai roi, nin rualhai mithi chûl hlasak dân irchutirhai roi.

JEREMIA 9:20 ပူးပေါင်းရင်းမြစ်များ

JOBA 22:22

A chong suakhai chu pomin lân, Ni lungrîla vong insa mai roh.

ISAIA 3:16

Rengpa’n hiang hin a ti: Jerusalem nupanghai chu an irpâk bâka na! ir-ân otin an fea, an mit leh mi an kâp thiaia, silniang irhâi sirim sirim tiin an ke an thîna.

ISAIA 3:4

An hruaitu hrangin nâipang sia ki ta, an chunga nâipanghaiin roirêl an ti.

JEREMIA 14:16

Hi thilhai hi an ihril pe mipuihai khom khaang ngêtin ki ithathai hrang a ni. An hnâchangrôp chu Jerusalem inkhâr lamlianhaia pai ni an ta, tûte a phûm hrang om no nihai. Hi hi an dôngmahai, an nâipasalhai le nâinuhai an rênga chunga tung a ti, an tho’nchâina man ki ithuanhai hrang a ni,” a tia.

JEREMIA 23:16

Rengpa itinrêng sinthei khan Jerusalem mihai kuang a ti pea, “Deipuhai chong irngai no ro; tûngna dik loihaiin nangni an infâ a ni. Keima iti ni loiin an lungrîla an ingaitua kha nangni an ihril ngai a ni.

JEREMIA 23:28

Irmang nei deipu khan irmang papai a nih ti inhre ri se, khan deipu, ki chongbe inhriattu khan dik takin a inpuang hrang a ni. Fapôl le bu’rmal hin imo irangna a nei.

JEREMIA 6:11

Rengpa’n an chunga ni ninginmurna chu keima khom a ni kâng saa, ki ituang zoi loi a ni ta. Khanchu, Rengpa’n ki kuang, Ki ninginmurna chu nâipang kholâi chaihai laia le ruatharte irbukkhômhai laia insum ki ta, pasal le nupanghai hruaiin om an ta, a tarhai khom lêkhai no ni.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

JEREMIA 8:2

Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

JEREMIA 9:12

Keiin ki’rdona, “Rengpa i lo hranga ram insiatin, ramchâr anga ni inchâr, tûte inzin ta loi hranga siam a ini? A tu hi mo a vâr uala an hriatthiam hrang? Mi dang hril hrangin tu hi mo hi thilhai hrilinfel pehai hrang ni ipêk?,” ki tia.

CHAP HLA 2:19

Thoiin lân, zân khovârin Rengpa koi ro, Rengpa makunga ni lungrîl chu tui angin bunthuanin lân, Kholaidunga ni nâihai phîngchâm tuanghai hringna hrangin, bân phar pumin zong roh. Nâipang kotsua kil tina phîngchâm dangchârhai hringna hranga khan.

CHAP HLA 2:21

Kholaidunga nâipang le tarhai thi omhai, ruathar dôngma khandaia thi, lungkhamna nei viat loi hi a irsam loi moh.