JEREMIA 9:18 - PATHIAN LEKHABU IRTHIANG C.L. Bible (BSI)

¹⁸ Mipuihaiin an iti chu, “I lo hranga mithi chûl hla sak pehai hranga ni ihril, kin mithai mitrithi’n a sip zoi mâka, kin mit vunhai chapna sikin mitrithi’n an duitir zoi mâka chu,” tiin.

JEREMIA 9:18 ပူးပေါင်းရင်းမြစ်များ

INPÂKNA HLAHAI 119:136

Ki mitrithi hi tuidung angin a luang dût dûta, Mihaiin ni dân an zôm no sikin.

ISAIA 22:4

Ni rotsan ving roi, ki mithihai hi, châhai hrang ki ni, tûte’n nin thâi no roi.

JEREMIA 13:17

Nin mikuar nin sung nuam noa ni’n chu, nin irsongna sikin dâihrekin chap ki ti: chap ngûi ngûi ki ta, ki mitrithi luang zun zun a ti. Rengpa mihai chu intângna ina intâng hranga hruai an ni tâk sikin.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 3:24

Khannisian kin chîn lai ata kin pahai sin sôlna ra, kêlbelra pâl, sehrât pâl, nâipasalhai le nâinupanghai lua khom hi Baal inzakpui om pathian chubai mûk sikin kin inchânhai zoi tâka.

JEREMIA 3:25

Inzakin zâl kin ta, kin mualinphoina hin nir khû ri se. Keini le kin irchibulhai hin Rengpa kin Pathian chunga kin len sual ta ngai sikin, a thupêkhai zôm pe ngai ma ung,” nin tia.

JEREMIA 4:20

Vânduaina irkhêl tak an tungtir baka; Ram pumpui a isiat zoi a ni ta. Mitkhap kârin kin puan inhai a siat zoia; an puanzârhai ite om zoi ta mah.

JEREMIA 6:26

Rengpa’n a mihai kuang, “Bora puan sil unglân, irvut kâra inhlum roi. Nâipasal nei sûn ang takin mitrithi sômin chap roi, nangni doi hranga hong khan nangni an siat zêl hrang tâk sikin.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

JEREMIA 9:1

Ki lu hi tuikuang ni sian, ki mitrithi hi tuipût ni ri se, ti ki inuam chu! Ki mi thata omhai hrangin, a sûn a zân ki ichap hrang a ni.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:20

Ki iti chu, “Nupanghaio, Rengpa chong hi irngai unglân, a thuhai hi nin inhriat theina hrangin. Nin nâinupanghai chap dân irchuhai roi, nin rualhai mithi chûl hlasak dân irchutirhai roi.

CHAP HLA 1:2

Zâna khom chap khovârin, A bianga mitrithi irte don don a luanga. Ama irngaiirsânga lungkhamtu dang nei loiin a rualhai huangin, a râl an chang zoi ta.

CHAP HLA 2:11

Ki mitrithi suak hraina sikin, ite infel ma ung, Ki mihai dongtum kin sâpin kin renhai sabaka. Ki milung a siat sabak a ni. Nâipang le nâitesenhai khom kholaidunga ruak irtet dûlin an oma.

CHAP HLA 2:13

O, Jerusalem imo ki itih ta hrang? Nangma ang hi tu mo om? O, Zion dôngmate, itin mo lungngam nang ki la isak hrang? a natna tong chu tuipui lian anga irzatak a ni sikin, tu mo a lan dam thei hrang?

CHAP HLA 2:18

O, Jerusalem ni banghai khan Rengpa koi ta ri sehai, a sûn a zânin ni mitrithi chu tuipui angin luang ri se. Mong viat loiin chap mai ta roh.

CHAP HLA 3:48

A siat thei dôra siat kin tonga, ki mitrithi a iluang zul zul a ni.

AMOSA 5:16

Khasikin Rengpa, sipaihai Pathian, Rengpa khan hiang hin a ti: kholaidung irzat murdia chap rak rakna om a ta; kholai murdia, a poi bâka! ti an ta; chardong hrangin loi neituhai leh chap rak rak hrangin a sûn thiamhai koi an ti.

LUKA 19:41

Khan, a hong nâi uala khopui a hong hmu’n chu a chap tâka.