JEREMIA 9:16 - PATHIAN LEKHABU IRTHIANG C.L. Bible (BSI)

¹⁶ Anni’n mo, an irchibulhaiin mo an inhriat loi namhai laia, anni chu irthekindartir ki ta, anni ki’rhmangtirhai zoi mâka chu doiin sipai pâl ki itîr hrang a ni,” a tia.

JEREMIA 9:16 ပူးပေါင်းရင်းမြစ်များ

NEHEMIA 1:8

Ni siahlo Mosia kuang, ‘Nin insiatnahai sikin nam tin laia irthekindarh nin ta;

INPÂKNA HLAHAI 106:27

An irchi hranghai chu nam tin laia an tûktira, Ram tina an darhtirna hrangin.

THUHRILTU 12:5

Hmun irsânghai chu chi ni ta, ni lampuia thil chînte khom irfûi hrangin chi ni ta, ni samhai chu almond thing pârhai angin hong ngoi ta a ta, kal ni chôi tika khom khâisor angin lôn ni ta, hring ni irzukna murdihai chu irhmang ving ta a ti, khanchu ni kumtuang ina fe ta ni ta, ni ruak chu thâna an chôi laiin, nang a sûntuhai chu kotsuahaia irbuk an ti.

JEREMIA 13:24

Ramchâra phâivua’n bu’rsi a isêm invuang ngai angin, Rengpa’n nangni inthekdartir a ti.

JEREMIA 24:10

Anni le an irchibulhai ki pêkna rama an hek ving mâka chu, an chunga irdoina, châmna, le hri le hrâi ki inlêngtir hrang a ni,” a tia.

JEREMIA 25:27

Kha hnung chu Rengpa’n ki kuang, “Keima hi Rengpa itinrêng thothei Israelhai Pathianin mipuihai chu in hrangin thu ki pêk a nih ti inhre roh. An inruia, an inluak mâka le an inrîla, an thoi thei ta no mâka chu in hrangin annihai kuang khandai ki itîr hrang sikin.

JEREMIA 29:17

Rengpa Itinrêng thotheiin a ti, ‘Khandaiin, châmin, hri le hrâi an chunga ki insum hrang a ni, theipui ra fa hranga a thûr angin siam ki ta,

JEREMIA 44:27

Vângsak loia nin tei chitna ni hrangin ki irngaitua hrang a ni. Inkhatte lua hôi loiin nin om mâka chu, khandaiin aninole hri le hrâiin nin ithi ving hrang a ni.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

JEREMIA 8:19

Ram dang le kha ki mihai chapna ki inhriat hi irngai roi. “Zion-a Rengpa chu a iom ta loi ma ni? Khatak khan Zion rêng chu a iom ta loi ma ni?” Rengpa an rêng khan a sâma. Ni millimhai chubai mûkin; nin ram dang pathian hmanghmunboihai makunga lu kûnin, “I lo hrang mo ki ning nin inmurtir,” a tia.

EZEKIELA 11:17

Khasikin Rengpa’n hiang hin a tia, “Nam danghai ata chu nangni hruaikhôm nôk ki ta, inthekindara nin omna ramhai ata nangni koikhôm nôk ki ti, Israel ram chu nangni pêk ki ti.

EZEKIELA 12:15

Khan, namhai laia inhnotsuak ki ta, ram tina ki inthekindarhai tika khan Rengpa chu ki nih ti inhriat an ti.

EZEKIELA 14:17

“Aninole, kha rama khan, khandai zuang irlek ro, ki ti’n chu mi le sa murdi chu that zit ni a ti,

EZEKIELA 20:23

Ramchâra khan, ‘Nam danghai laia thon darhai ki ta, ram tina indartir zit ki ti,’ tiin chong kin kung tâka.

EZEKIELA 27:2

“Mihriam nâipa, Tura ta hrangin chûlpuina hla sak ro,

EZEKIELA 5:12

Hmun thuma sena hmun khat chu hriin mani, châmin mani, nin laia mi thi an ta; hmun thuma sena hmun khat chu ni vêla khandaiin thi an ti; hmun thuma sena hmun khat dang chu thekindarhai zit ki ti, khandaiin irzûlhai thiai ki ti.

EZEKIELA 5:2

Hmun thuma sena hmun khat chu khopui rûna a om sûng nîhai a hek tika khan khopui laia meia ni ihâl hrang a ni, hmun thuma sena hmun khat dang chu la ni ta, khopui pên tiang a rêngin khandaiin sât irnôi ni ta; khan, hmun thuma sena hmun khat dang chu phâivua’n insêm indartir hrangin pai ni ta, keiin khandaiin doi ki ti.

LEVI DÂN 26:33

Irdoina hong tung a ta, nam dang rama nangni hruai indarh an ta, nin khopuihai kha chim remrum a ti.

AMOSA 5:16

Khasikin Rengpa, sipaihai Pathian, Rengpa khan hiang hin a ti: kholaidung irzat murdia chap rak rakna om a ta; kholai murdia, a poi bâka! ti an ta; chardong hrangin loi neituhai leh chap rak rak hrangin a sûn thiamhai koi an ti.

MIKA 2:4

Kha nikhuaa khan nangni demin chongirkhekna thu siam an ta, chap hla beidong om insamin, ilong zitin kin iom tâk a ni hi te: ki mihai dongtum an danglamtira: ki kuang ata a isonpai tâk a ni hi! Tehel hmanghai kuang kin lei sem indarh tâk a nih ti an ti.

ZAKARIA 7:14

Kêllaiher angin, ram danga om hrangin ki phît infâihai zit tâka. Hi ram satak hi masanin khoram inchangtirin, mi inkhat lua a sûnga om loiin an siam tâk a ni.

DÂN INHNINA 28:25

Rengpa khan nin râlhai kha inhnêtu ualin nangni inchangtir a ta, lam inkhata fe’n doi nin ta, kil tin panin rot nin ta, indarh nin ti. Rammuala mi murdi’n nin chunga thil tung kha a’rkhêl ti an ti.

DÂN INHNINA 28:36

Rengpa khan, nin rênghai le nam dang ram, nin pi le puhai la om ngai loina rama khan suaka nangni hruai a ta; kha rama khan thing le lunga siam pathianhai biak nin ti.

DÂN INHNINA 28:64

Rengpa khan rammual pumpuia, nam tin laia nangni indartir a ta; kha khan thinga siam le lunga siam pathianhai chubai nin mûka, nin pi le puhai khomin an ibiak ngai loihai kha nin ibiak hrang a ni.

DÂN INHNINA 32:26

Tûte inhriat ta loi hrangin ki’rhmangtir chit hrang mani ki ti lik tâk a ni.

DÂN INHNINA 4:27

Rengpa khan nam tin laia nangni indartir a ta, kha khan tômte chu hring suak chu om vi viat nin ti.

JAKOBA toc2 JAKOBA 1:1

Pathian le Rengpa Jisua Krista suak Jakoba khan nam sômhleihni rammuala inthek indarhai kha chubai ki mûk.