JEREMIA 9:15 - PATHIAN LEKHABU IRTHIANG C.L. Bible (BSI)

¹⁵ Khasikin keima Rengpa itinrêng thothei Israel Pathianin ki tho hrang hi irngai ro: ki mihai hloisûl kha fâk zât le tûr in hrang, ki ipêkhai hrang a ni.

JEREMIA 9:15 ပူးပေါင်းရင်းမြစ်များ

JEREMIA 8:14

Itho sika ei itoi mai ma ni? Hong roi, khopui kul neihaia rot ei ta, so taka son va thi ei ti. A chunga ei tho’nsual sika khan Rengpa ei Pathianin thi hrangin thiamloi a nin chang tâk sikin, ei in hrangin tûr a ni ipêk tâk a ni.

CHAP HLA 3:15

Ki hnông tâk khomin thil khazât a nin intira, thil irkhêl tak a ni intuangtir a ni.

INPÂKNA HLAHAI 80:5

Anni kha mitrithi baiin nin fâa, Mitrithi hi in hrangin irtêna lian takin ni pêk ngai.

JEREMIA 23:15

Khasika khan, itinrêng sinthei Rengpa, keima’n Jerusalem deipuhai chungthu chu hiang hin ki iti a ni. Anni chu thil khâ fâk hrang le tûr in hrang pe ki ti. Ram pumpuia Pathian chit loina an inthekindartir tâk sikin,” a tia.

THUPHUANG 8:11

(Kha ârsi irhming kha “A khâ” a ni). Tui hmun thuma sena hmunkhat chu a hong khâ tâka, kha tui kha an ina, mi tamtak an thi ta, a kha tâk sikin.

CHAP HLA 3:19

Ki tuangna le kin vâinahai, inhresuak hi antak ki iti a ni ta.

JEREMIA 25:15

Rengpa Israelhai Pathianin a iti chu, “Hin uain khilât ki ningmurna sip chu a iom a ni. Nang ki itîrna nam tinhai kuang fe’n lân, hi khilât ata hi anni chu in intirhai roh.

ISAIA 2:22

A thi thei mihriamhai chunga irnghat no roi. Ite lua ni mahai.

ISAIA 2:17

Mihriam irpâkna om ta no nia, An irngaiirsângna khom irhniamtir ni a ti.

INPÂKNA HLAHAI 75:8

Rengpa kuta chu khilât a oma, a uain chu a phûla: Thil dang leh inchok polin a sipa, khatak ata kha a bun suaka: A’rnôihai ten khom irnênga mi siahai murdi’n infâipai rip an ti.

INPÂKNA HLAHAI 69:21

Ki bu hrangin i i khâ an ni pêk saa; ki dang a châr lakin uain thûr in hrang an ni pêka.

INPÂKNA HLAHAI 60:3

Ni mihai hi thil ngar tak nin tongtira: Lu’nhnâina uain chu ni nin intir tâka.

DÂN INHNINA 29:18

pasal khom, nupang khom, sûngkua mani, nam pumpui mani khom, Rengpa ei Pathian irheisanin hi nam dang pathianhai hi biak likna chin ni, nin thil irzum inchor, tûr khatak paia irson liantak ang hi ni nin ti.

DÂN INHNINA 28:36

Rengpa khan, nin rênghai le nam dang ram, nin pi le puhai la om ngai loina rama khan suaka nangni hruai a ta; kha rama khan thing le lunga siam pathianhai biak nin ti.

JEREMIA 24:10

Anni le an irchibulhai ki pêkna rama an hek ving mâka chu, an chunga irdoina, châmna, le hri le hrâi ki inlêngtir hrang a ni,” a tia.

JEREMIA 44:27

Vângsak loia nin tei chitna ni hrangin ki irngaitua hrang a ni. Inkhatte lua hôi loiin nin om mâka chu, khandaiin aninole hri le hrâiin nin ithi ving hrang a ni.

JEREMIA 49:37

Elam mihai chu anni that nuam, râlhai, chi hrangin siam ki ti. Ki ningmurin Elam mihai chu insiat ki ta, anni ke hnuaia an hek mâka chu, an râlhai doi hrangin tîrsuak ki ti.

EZEKIELA 5:2

Hmun thuma sena hmun khat chu khopui rûna a om sûng nîhai a hek tika khan khopui laia meia ni ihâl hrang a ni, hmun thuma sena hmun khat dang chu la ni ta, khopui pên tiang a rêngin khandaiin sât irnôi ni ta; khan, hmun thuma sena hmun khat dang chu phâivua’n insêm indartir hrangin pai ni ta, keiin khandaiin doi ki ti.

EZEKIELA 5:12

Hmun thuma sena hmun khat chu hriin mani, châmin mani, nin laia mi thi an ta; hmun thuma sena hmun khat chu ni vêla khandaiin thi an ti; hmun thuma sena hmun khat dang chu thekindarhai zit ki ti, khandaiin irzûlhai thiai ki ti.