JEREMIA 9:11 - PATHIAN LEKHABU IRTHIANG C.L. Bible (BSI)

¹¹ Rengpa’n a tia, “Jerusalem chu inram chim angin insiamtir ki ta, sihalhai fena hmun chang ta a ti. Judai ram khopui chu ramchâr chang a ta, tûte’n lua ta no nihai,” a tia.

JEREMIA 9:11 ပူးပေါင်းရင်းမြစ်များ

NEHEMIA 4:2

Khanchu a urênghai le Samari sipaihai makunga thu a hrila, “Hi Juda mi siat le sahai hin i zât mo an itho? khopui siam insa nôk an itum ma ni? An irbôl thei hrang mo an isôn? Sûn khat sûnga hin hlo mo chuk thei nihai? Sahrok om khômna vai a sa tâk hi, lung kâng zoi saihai hi, an indingthar thei nôk hrang mo?,” a tia.

INPÂKNA HLAHAI 107:43

Tukhom vâr ka kaiin khahai kha vong insa an ta, Rengpa lungkhamnahai ngaitua an ti.

INPÂKNA HLAHAI 44:19

Nangin sihalhai omnaa ni ni soisak chita, Thina daihlîma nir khûna hrangin.

INPÂKNA HLAHAI 79:1

O Pathian, iamloi namhai chu nir chona hin an lûta, ni biak in irthiang hi an porinchetira, Jerusalem hi an insiat tâka.

ISAIA 13:22

Kul binga khan sihal inrung an ta, rêng in hoitak sûnga khan ine inhrâm an ti. Babulon siatna zoro a hong nâi ta, a sûn a hong tung vâng ta.

ISAIA 25:2

Khopuihai chu nin siattir theia, A kulhai khom nin chimtira, Nam dang khopuihai ram zoiin, siam insa ni ta no ni.

ISAIA 34:13

Reng inhai chu ilhlingin bôm a ta, irkul sûng khom hloi hruirâng bit zoi ta a ti, sialhai omna ni a ta, fapitenu bu bukkhômna hmun ni a ti.

ISAIA 44:26

ki siahlohai thu kin detpuihaia, ki tîrtônhai iti hlo kin chuk pehai ngai. Jerusalem khua chu lua nôk an ta, Judai rama khuahai khom inding nôk an ti, a siathai khom siaminsa nôk ki ta,” ki tia.

JEREMIA 1:15

hmâr tianga nam tinhaiin hitaka hong hrangin ki koi sikin. An rênghai hong an ta, Jerusalem kotbâihai le kul bang irhualin an rêngtoihmunhai dong an ta, Judai ram khopui danghai khom hual sa an ti.

JEREMIA 10:22

Irngai ta roi, thuthang a hong tung ta! Hmâr tianga mihai irchunkhôm nî chu; Judai ram khopui inram chita, sihalhai lêngna hmun siam hrangtuhai chu,” ki tia.

JEREMIA 16:10

Hi thil murdi hi anni nin hrilhai zoi le, i lo hrang mo hiang dôra siatna irkhêl Rengpa’n kin chunga a intungtir hi? Thil dik loi imo kin itho, kin Pathian chunga kin itho insualna? an ti’n chu,

JEREMIA 25:11

An ram pumpui chu ramin masan ni a ta, mita hmua inlâi thei ni a ti. A kôlvêla nam tinin Babulon ram rêng sin kum sômsari sûng chu tho an ti.

JEREMIA 25:18

Jerusalem le Judai ram khopuihai chu, an rênghai le an hruaituhai leh khan ramchâr thil irkhêl inlaina an ni theina hrangin le mihaiin an irhming kha khomâksâmna hranga na hmang theina hrangin, atûn tena an la ihmang ngai ang hin annihai chu hi khilât ata lei in intirhai hi a ni.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:9

I lo hrang mo Rengpa irhmingin hi tempil hi Silo angin om a ta, hi khopui hi siat chitin a sûnga tûte om ta no nihai ni iti?” an tia. Khanchu mipuihaiin an ni irhual tâka.

JEREMIA 34:22

Thu pe ki ta, hi khopuia hin hong kîr nôk an ti. Judai ram khopuihai chu ramchâr, tûte om thei loina hmunin siam ki ti. Keima, Rengpa’n ki iti a ni,” a tia.

JEREMIA 4:27

Rengpa khan, A ram pumpui chu rotsan ni a ta, Khannisian, a mongna chu intungtir no ning.

JEREMIA 44:2

Rengpa Itinrêngthothei, Israelhai Pathianin a iti a ni, “Nangni ngêtin Jerusalem le Judai ram khopui danghai siat chitna ki intungtir kha nin ihmu a ni. Atûn ten khom hin an la iram mai a nia, tûte a sûnga la om mahai.

JEREMIA 49:33

Hazor chu ramchârin sia mai ta ki ti. Sihalhai omna hrangin, a sûnga tûte zel om ta no nihai. Keima Rengpa’n ki iti a ni,” a tia.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

JEREMIA 51:37

Kha ram kha hmun ram, rama sahai lêngna chang a ti. En irkhêl tak chang a ta; kha khan tûte om no nihaia; mi tin a hmuhaiin a sate’n chi an ti.

JEREMIA 8:22

Gilead thinghnâi hloi a iom ta loi ma ni? Kha khan nin damtir thei an iom loi mo? Khaang khan a ni’n teh itho mo ki mihai indamin an iom loi?

CHAP HLA 1:4

Zion panna lampui chu a ping khaka, Kût hmang hrang khom tûte om ta mahai, An khopui mikothai khom a siat zoi tâka, Changpân a ap zoi ta. Hla sak thei dôngmatehai khom an irzal zoi ta, An deipuhai khom khêkin an inrûm a ni ta.

CHAP HLA 2:2

Rengpa’n ite indîn loiin, Judai ram khuahai chu an siatpaia, A ningmurin an irkulna banghai khom chim zoiin a om ta. An ram le an ulianhai khom a’rzaltirhai zoi ta.

CHAP HLA 3:47

Thil irkhêl tak le tuang theiloi rakin kin iom a ni ta.

LEVI DÂN 26:32

Nin ram inkoltir zit ki ta, a luatu nin râlhai khan, a’rkhêl ti tak tak an ti.

MIKA 1:6

Khasikin, Samari kha sûla thil siat om khôm angin siam ki ta, grep irhuan hmun ang dênin: khan, kha hmuna lunghai kha ivadung rôl tiang inhlumpai ki ta, a lungphûmhai kha inlang ki ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.

MIKA 6:16

Omria thu’nkunghai kha vong mai a nia, Ahaba sûngkua thiltho murdihai leh an inkungnahai khan nin ife a ni: khanchu hmun irama nangni ki isiam hrang a ni, a sûnga omhai hi nuiza siamna’n om an ta, khan, ki mihai irhming siatna kha pêl ni ti.

DÂN INHNINA 29:23

nin loihai chu ram chôp, kât le chi tamna ram ni a ta, ite phun thei ni no ni, hloisûl ten khom mông thei no ni. Nin ram chu Sodom le Gomora hai, Adma le Zeboim, Rengpa ningmur irkhêl tak sika a insiat tâk khuahai ang kha ni a ti.

THUPHUANG 18:2

Ama khan hnukirhai inring takin, “Babulon kho roiinpui an rîl ta! an rîl ta! Ramilhlihai omna le irtha porinche hai, va porinche tinrêng chêng inbualna a hong ni ta.