JEREMIA 9:10 - PATHIAN LEKHABU IRTHIANG C.L. Bible (BSI)

¹⁰ Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:10 ပူးပေါင်းရင်းမြစ်များ

ISAIA 41:15

Irngai ro, bu chîlna khôl thar a ha ngaih tak nei angin, nan changtir ki ti. Tânghai chîl ni ta, indi chit a ta, mualhai khom vâiphin chang zoi a ti.

ISAIA 49:19

Nin ramhai a siat zoiin a iram chit a ni kha te, A lua hranghai an hong tungin chu, chîn pehai hrai a ta, nangni inramtirtuhai chu irhmang zoi an ti.

JEREMIA 12:10

Ram dang roirêltu tamtakin ki grep irhuan an insiata, Ki loihai chu an chîlpol neng tâka. Ki ram enhoi tak chu ramchârin an siam zoi ta.

JEREMIA 12:11

Ramchârin an siam tâka, ki makunga rong luaiin a om ta. Ram pumpui chu ramchâr a chang zoi ta sikin tûte’n donsui ta mahai.

JEREMIA 12:4

Idôra sôt mo kin ram hi a ichâr hrang, hmun tina hloisûlhai hi an ichâr hrang? Kin mihai sualna sikin ramsahai le vâhai chu an thi tâk sikin, mipuihaiin, “Pathianin ei omdân hi hmu viat maka,” an ti ngai.

JEREMIA 14:6

Tâng chârna rama sakuartunghai an ngîra, Sihal angin an inrunga; sûlhring fa hrang an hmu ta no sikin, an mit a inthim zoi a ni ta.

JEREMIA 2:15

Kâmkeibaknei angin an inhrâm khuma; A ram chu ramchârin an siama, a khopui khom a lua hrang boiin a ram zoi tâk.

JEREMIA 2:6

Aigupta ram ata ni hruai suaktu, ramchâr khur inthûkhai, tûte om zoi loina ramsêt, Tûte fe ngai loina, om ngai loi hruai inkhêltirtu, Rengpa chu kho tiang mo a iom?” tiin ni ngaitua mo.

JEREMIA 23:10

Ram chu Rengpa ta hranga iamom loi mihaiin an sipa; pualoi hringnunhai hmangin an irchamneina an ihmang insual a ni. Rengpa khosâlna sikin ram chu a ngûia, sûl hringna hmunhai a châr zoi tâk.

JEREMIA 50:3

“Babulon doi hrangin hmâr tianga nam inkhat a hon ding tâka, ramchârin a isiam hrang a ni. Mihriamhai le sahai rot ving an ta, tûte kha khan om ta no nihai,” tiin.

JEREMIA 7:29

“Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

JEREMIA 8:18

Ki milung natna hi indam thei ni ma, lungrîla na ki ni.

CHAP HLA 1:16

Khasikin kêng hiang dôra ki ichap, Ki mitrithi khom a irte don don a ni. Lungngam saktuhai an irthekindarh zoia, A nin hartir thei tûte om ta mahai, Râlhai an hrât tâk sikin, Ki nâi le tehai khom an chaninvâi zoi ta.

CHAP HLA 2:11

Ki mitrithi suak hraina sikin, ite infel ma ung, Ki mihai dongtum kin sâpin kin renhai sabaka. Ki milung a siat sabak a ni. Nâipang le nâitesenhai khom kholaidunga ruak irtet dûlin an oma.

CHAP HLA 5:18

Zion tâng chu a chuai tâk sikin, sihalhaiin a sûnga an lênga.

EZEKIELA 14:15

“Ram sahrânghai an ram kin fe suaktira, ram chu an inpon chitin, lei sêhaiin, ramsa sika mi tûte fe ngam loiin omhai sian;

EZEKIELA 27:2

“Mihriam nâipa, Tura ta hrangin chûlpuina hla sak ro,

EZEKIELA 29:11

Mihriam mani, ramsa mani khom, kha khan inlôi thei ni no nihai, kum sômminli sûng chu tûte lua thei ni no ni.

EZEKIELA 33:28

Ram chu inpon chitin siam ki ta, an irsorpui ngai sinthotheinahai khom kha hek ta a ti, Israel rama tânghai chu ramsêt inchangtir ki ta, khataka khan mi tukhom inlôi thei no nihai.

EZEKIELA 6:6

Nin omna hmun murdia khan khopuihai chu insiat ni a ta, millim irbôlna hmunhai chu ramchit a ta; nin maichâmhai insiat le inram a ni theina hrang le nin millimhai inkhoia, a boi theina’n le nin pathian illimhai chu irkitpaia a om theia, nin sinthohai chu a hek theina hrangin.

HOSEA 4:3

Khasikin ram khan sûn a ta, a sûnga lêng tinrêng sôl an ti, ramsahai chunglêng vahai le; a ni, tui khangliana ngahai dênin lâkpai ni an ti.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

JOELA 1:19

O, Rengpa, nang kin sama: mei khan ramchâr ram hloisûl hmun kha a kâng zit tâka, mei dôn khan rama thing murdi kha a kâng fâi zit tâka.

AMOSA 5:1

O, Israel irchihaio, hi thu hi nangni sûnna hranga ki insîr hi inhre roi.

AMOSA 5:16

Khasikin Rengpa, sipaihai Pathian, Rengpa khan hiang hin a ti: kholaidung irzat murdia chap rak rakna om a ta; kholai murdia, a poi bâka! ti an ta; chardong hrangin loi neituhai leh chap rak rak hrangin a sûn thiamhai koi an ti.

MIKA 2:4

Kha nikhuaa khan nangni demin chongirkhekna thu siam an ta, chap hla beidong om insamin, ilong zitin kin iom tâk a ni hi te: ki mihai dongtum an danglamtira: ki kuang ata a isonpai tâk a ni hi! Tehel hmanghai kuang kin lei sem indarh tâk a nih ti an ti.

MIKA 3:12

Khasikin Zion kha nangni sika khan, loi anga lâk nôk ni a ta, Jerusalem kha thil siat om khôm ni a ta, biak in omna tâng kha ramhnuai hmun irsâng ang ni a ti.