JEREMIA 8:21 - PATHIAN LEKHABU IRTHIANG C.L. Bible (BSI)

²¹ Ki mihai lungnatna’n ki khêkpuia, ki chapa, lungzîngin ki om tâka;

JEREMIA 8:21 ပူးပေါင်းရင်းမြစ်များ

NEHEMIA 2:3

Keima’n rêng kuang khan, “Reng chu kumtuangin dam sôt ri se: ki irchibulhai thân omna khua chu a ramin a inkhârhai a kânga, beidong hmêl irput loiin mo ki ini hrang?” ki tia.

JEREMIA 14:17

Khanchu Rengpa’n ki chardongna chu mipuihai kuanga hianga hril hrang hin a ni hrila: “A sûn a zânin ki mitrithi luang mai sianlân, ki chap hi mong no inlân, ki mihaiin intakna popliam an tong tâka an na hrai tâk sikin.

JEREMIA 14:2

“Judai ramin a tuanga, a khopuihai chu a iram thiai a ni ta, a mihai chu beidongin irnênga an zâla, Jerusalem chu a san hrang zongin a khêka.

JEREMIA 17:16

Khan khomin Rengpa an chunga vânduaina irkhêl intung hrangin nang lei ngên ngai ma unga, an ta hranga vânduaina zoro a iom hi ki inuam ni mah. Rengpa, hi hi nin hriata, ki iti kha ni inhriat a ni.

JEREMIA 4:19

A na! tuang zoi ta ma ung, a na! Ki milung a na hraia a nin buai zoi ta! ki idâihrek thei ta loi a ni hi; bekul tum irhâi le irdoina khêk irhâi kin hriat tâk sikin.

JEREMIA 8:20

Mipuihai khêk suaka, “Kholum a heka, favâng ar zoi tâka, khan khomin saninhringin la om mak me,” tiin.

JEREMIA 9:1

Ki lu hi tuikuang ni sian, ki mitrithi hi tuipût ni ri se, ti ki inuam chu! Ki mi thata omhai hrangin, a sûn a zân ki ichap hrang a ni.

CHAP HLA 3:1

A ningmurna khianghrola vîk tuangtu ki ni.

JOELA 2:6

An matona mipuihai kha an kamanga: an hmêlhai kha a hong dông zita.

NAHUMA 2:10

Inrongtirin a oma, a rong chiana, a iram a ni: an milung kha a zôi tâka, an irkhûkhai kha a ngara, An konghai khom a na zit tâka, an hmêlhai khom a dông zoi zit tâka.

LUKA 19:41

Khan, a hong nâi uala khopui a hong hmu’n chu a chap tâka.