JEREMIA 8:2 - PATHIAN LEKHABU IRTHIANG C.L. Bible (BSI)

² Khataka a sin an itho, an zonga, an zuia, chubai an imûk ngai misa, tha, le irvâna ârsi murdi kôla phoi inlang ni an ti. Lâkkhôma omin phûm khom ni no nia, irnêng insatir ngai sahrok irnênga om angin an ruhai chu om a ti.

JEREMIA 8:2 ပူးပေါင်းရင်းမြစ်များ

2 RÊNGHAI 17:16

Rengpa an Pathian thupêk murdi chu an hnôla, dâr thîrin sehrâtte irlim inhni an irkula, chubai an mûka. pathiannu Aseri irlim an siama, ârsi chubai an mûka, Baal sin an thoa.

2 RÊNGHAI 21:3

A pa Hezekia insiat, nam dang pathian biakna hmun irsânghai chu a siam insata, Baal ta hrangin maichâm a siama, Israel rêng Ahaba ang khan Aseri irlim a phuna, irvâna ârsihai khom a biak ngaia.

2 RÊNGHAI 21:5

Tempil sûnga tentan inhnia khan irvâna ârsihai hrang maichâm ar tâng inbita.

2 RÊNGHAI 23:5

Juda khopui le Jerusalem vêla nam dang pathian biakna hmun irsânga thil inhlantu hranga Juda rênghaiin ochai an lei isia, Baal kôla, misa le tha kôlhaia ârsi le irvâna thil omhai kôla thilinhlan murdi kha a mâka.

INPÂKNA HLAHAI 53:5

Chitna rêng rêng om loinaa khan chi dor dorin an oma: Pathianin bei tuma pantu ruhai chu an thekindartir tâka; Pathianin anni chu a paithâk sikin ni mualinphoitir anni tâka.

INPÂKNA HLAHAI 83:10

Kha mihai kha Endor khuaa an irhmanga; Irnêng hrangin hri ang dên an hong ni tâk kha.

INPÂKNA HLAHAI 83:11

An mi lianhai chu Oreba le Zeeba ang khan siamin lân, A ni, an rêng murdihai chu Zeba le Zalmuna ang khan siam roh.

THUHRILTU 6:3

Mi’n nâi irzakhat neiin, kum tamtak hring sianlân, khannisian a milung chu thil sahaiin inlômtir thei loiin, sa ving khomin thânmual a liam thei noa ni’n chu, kha mi nêk khan nâite a thi saia suak chu a sa ual keiin chu ki iti a ni.

JEREMIA 14:16

Hi thilhai hi an ihril pe mipuihai khom khaang ngêtin ki ithathai hrang a ni. An hnâchangrôp chu Jerusalem inkhâr lamlianhaia pai ni an ta, tûte a phûm hrang om no nihai. Hi hi an dôngmahai, an nâipasalhai le nâinuhai an rênga chunga tung a ti, an tho’nchâina man ki ithuanhai hrang a ni,” a tia.

JEREMIA 16:11

hiang hin hrilhai ro, ‘Rengpa’n a ti, nin pahaiin hnung an ni songsana, pathian danghai leh chongin an sin an tho pehaia, an ni’rnghila, ki dânhai an izôm loi a ni.

JEREMIA 16:4

Insîna ichiom tak sikin thi an ta, mi tukhomin châhai no nihai, tukhomin a phûm hrang om no nihai. An ruakhai chu sahrok angin irnênga om rak a ti. Irdoina hmuna a ni no le châmna sikin thi an ta, an ruakhai chu vâhai le ramsahai bu ni a ti.

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 19:13

Jerusalema inhai, Judai rama rêng inhai le irvâna ârsihai kuang mirimhoi hâla pathian danghai kuang uain an bun thuanna ngaihai kha Tofet hmun ang taka porinchetir ni a ti,” tia anni chu hril hrangin.

JEREMIA 22:19

Sakuartung ruak hrê hrang ang taka hin, Ama chu kaitôlin om a ta, Jerusalem kul pên tianga paiin om a ti,” a tia.

JEREMIA 25:33

Kha nikhuaa khan chu Rengpa’n a ithathai ruak chu irnêng kil khat tianga irthokin kil dang tiang dênin irthek chit an ti. Tukhomin annihai kha a châ hrang om no nihaia; phûm hrang khomin chôi ni no nihai. Irnêng chunga khan sahrok sahrâi angin om rak an ti.

JEREMIA 31:40

Mithi phûmna le sahrok paina phâi pumpui le a kôlvêla ram pumpui Kidron vadung dênin, nisua tianga sakor lampui kil dênin Rengpa hranga indang a ni. Kha khopui kha chu itiklai khomin indarh le insiat ni ta no ni,” a tia.

JEREMIA 36:30

Khasikin atûn nang rêng Jehoiakima kuang, keima Rengpa’n ki iti a ni: ni irchi ata khom Davida rêng rama hin roirêl no ni. Ni ruak chu sûn misa le zân dâi tuangna hrang hmuna ipai ni a ti.

JEREMIA 9:20

Ki iti chu, “Nupanghaio, Rengpa chong hi irngai unglân, a thuhai hi nin inhriat theina hrangin. Nin nâinupanghai chap dân irchuhai roi, nin rualhai mithi chûl hlasak dân irchutirhai roi.

JEREMIA 9:21

Thinahai chu ei inkhâra a hong lûta, ei in roiinpui tak sûnga a hong lûta; Nâipanghai chu kotbâia a tuk inrîlhaia, kholaia ruatharhai khom a tuk inrîlhai ta.

JEREMIA 9:22

Loi laia seêk pông angin, mithi ruakhai chu hmun tina a irthek zen zun a ni ta, Bu ât sai, a âttuhaiin an imâk, bu tukhomin an irtik bûm loi ang hin, hi hi Rengpa’n inpuang hranga a ni iti chu a ni.

EZEKIELA 39:5

Anni chu kholaidunga thi an ti, kei Rengpa Pathianin ki iti a ni.

EZEKIELA 6:5

Israel nâihai ruak chu an millim bulhai khan siakhôm ki ta, an ruhai chu nin maichâm irhîla khan inthekindarh ki ti.

EZEKIELA 8:16

Rengpa khan in sûngrîl uala khan a ni hruaia, irngai ta, Rengpa in irthiang mikota khan tualbuk le maichâm kongkâra khan mi sômhni ringa vêl hi an lei oma. Rengpa in irthiang chu an hnung tiang irnghatin, an hmâihai chu nisua tiang an irheia, nisua tianga misa hong suak chu chubai an lei mûka!

ZEFANIA 1:17

Khan, mihriamhai chunga intakna zuang intung ki ta, Mitcho ang dênin fe an ta, Rengpa chunga an sual sikin; an thisen kha vâiphin angin bunpai ki ta, An taksahai khom êkvûng ang dênin.

ZEFANIA 1:5

In chung sîpa irvân tiang thilhai kuanga kûn ngaihai, Rengpa kuang khomâksâma Malkama sâla insam saa kûn ngaihai,

TÎRTÔNHAI SINTHO 7:42

“Khanchu, Pathianin anni kha ar heisanhaia, irvâna ârsihai an biak theina hrangin a rotsanhaia, deipu lekhabua: ‘Israel in sûng mihaio, kum sômminli sûngin ramchâra khan irbôlna sa thatin nin inhlan ma ni?

DÂN INHNINA 17:3

pathian danghai zuiin an sinthoa, biak loi hrang ki itihai, thahai le thil dang tamtakhai khi biak om sianlân,

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.