JEREMIA 8:10 - PATHIAN LEKHABU IRTHIANG C.L. Bible (BSI)

¹⁰ Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

JEREMIA 8:10 ပူးပေါင်းရင်းမြစ်များ

JOBA 31:10

ki dôngma’n mi dang hrang bu er pe sianlân, Mi dangin zâlpui ri sehai.

ISAIA 28:7

Deipu le ochaihai khomin, uain inruiin an khêka, uain le rakzu an in intama, an inrui buaia, an hong irtet an va irtet zoi ta. Deipuhaiin inlârna an ihmu ite donsui thei loi rakin an inruia, ochaihai khom ite rêl thei loiin an inruia.

ISAIA 57:17

An sualna le huatirham hrai sikin, an chunga ki ning an mura, ki hremhaia, ningmurin ki mâksanhai ta. Khanchu, anni nuam lam ngot tho pumin, an iom a ni ta.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 14:18

Dâi pên tiang ki fe lakin, irdoina hmuna thi miruak tamtak ki hmua; Kho sûnga ki lûtin, phîngchâma thi mipui ki hmuhaia. Deipuhai le ochaihai chu an inhriat loina ram an pan tâka,” tiin.

JEREMIA 17:11

Dik loi taka sum hlo suaktu chu varungte ama irtui ni loi, op inkhêitu ang a ni. A la vânglai takin ar chongnahai dok a ta, A mongna chu invêt ti no chu a ihlo hrang dang om mah.

JEREMIA 22:17

Khan dik loi taka inlâp tumin ni mit nin lêngtira, Thil poi tho loihai ni thata, nakhrât insua’n ni mihai ni sirbehaia. Rengpa’n a iti tâk a ni.

JEREMIA 32:32

thil saloihai Judai ram le Jerusalem mihai, an rênghai, hruaituhai, an ochaihai le deipuhai an rênga thôna sikin.

JEREMIA 38:22

Kha inlârna khan Babulon ram sipai ulianhai kuang nupanghai an rêngin, rêng in ata an hruaihai lai ki ihmu a ni. An suak lai taka an iti chu irngai roh: ‘Reng a rual satakhaiin ama kha an hruai insuala, an thuhnuaia an sia tâka. Atûn dialdôka a ke an ôk pe tena chu, a rualhaiin an mâk tâka,’ an tih” tiin.

JEREMIA 42:1

Khanchu, sipai hruaituhai Karea nâipa Johanana, Hesaia nâipa Azaria le mipui a chîn a lian an honga,

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

CHAP HLA 4:13

Deipuhai sual sikin le ochaihai dik loina sika a ni, kho sûnga khan mi dikhai thisen an insuak sika a ni.

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

AMOSA 5:11

Khasikin mi’nrianghai sirpha’n nakhrâtin bu nin lâkpai pea: lung irchuan inhai nin sina, khannisianlân a sûnga lêng no chin ni; grep irhuan hoihai nin siama, khannisianlân a uain in no chin ni.

MIKA 2:4

Kha nikhuaa khan nangni demin chongirkhekna thu siam an ta, chap hla beidong om insamin, ilong zitin kin iom tâk a ni hi te: ki mihai dongtum an danglamtira: ki kuang ata a isonpai tâk a ni hi! Tehel hmanghai kuang kin lei sem indarh tâk a nih ti an ti.

MIKA 3:11

Khataka hruaituhai khan fâkinrûkna sabeiin roi an rêla, khataka ochaihai khan hlo sabeiin an irchûtira, khataka deipuhai khan sum sabeiin pânzia an ena: khaang dôr khom khan Rengpa kha ei laia a iom loi ma ni? Thil saloi ei chunga zuang tung no ni tiin Rengpa chunga nin irnghat a ni.

MIKA 3:5

Pêk hrang neihai kuang, irtharngamna tia khêka, pêk hrang nei loihai irdoina om a ti, tia insîrtu deipuhai khan ki mihai an huanga, an chungchâng thu Rengpa’n hiang hin an sîr:

HABAKUKA 1:6

Irngai roi, Kaldai mi, Nam pualoi tak le milung inrem tak, lêngna hmun, an ta ni loi khom nei tuma hmun tina irvâk vêl ngaihai kha! ki ikaithoihai an ni.

ZEFANIA 1:13

Khan, an sumhai kha râllâk hong chang zoi a ta, An inhai kha ram a ta; a ni, inhai sin an ta, Khannisian lua no nihai; Grep irhuanhai siam an ta, khannisian a uain kha in no nihai.

TITA toc2 TITA 1:11

Khahai bâi kha hîp pehai hrang a ni; a sûngkua kuain mihai an inbuaihaia, sum hmu hrang sabeiin irchutir loi hrang hrang mi an irchutir ngaia.

TITA toc2 TITA 1:7

Koiindang hruaitu chu Pathian sûngkua enkoltu a nia, demnaboi ni ri se; mâni thu ringot nuam, milunginrem, zu’n rui mi, mi zêm song, porinche taka hlep nuam mi ni no ri se.