9 Inrû nin thoa, tual nin thata, nin uirea, khomâkirsâmin minlak nin thoa, Baal kuang irbôlna nin inhlana, nin laia inhriat ngai loi pathianhai chubai nin mûk ngai.
Elija chu mipui lai ata a ngîra, an kuang, “Sirirkain i dôr ten mo nin iom hrang? Rengpa hi Pathian nin iti a ni’n chu biak unglân, Baal nin biakin chu biak sabak roi,” a tia. Mipuihai chu an ngûi chit tâka.
Thil hor hlan kochok ta no roi, ite ar fêna om ma, rimhoi nin ihâlhai hi kin tir ta, tha tharhai, sabat hai, Inkhômpui nin itho ngaihai leh hin, Inkhômpui nin iuarhai khom hi, ki hnông zoi ta, sualin a sip tâk sikin.
A ni tin irzôm natin an ni zonga, ki inuam lam chu inhriat an nuama, diktaka sintho ngai nam ni irhoi an tuma, Pathian thilpêk zôm irkip chu tum ual loiin, diktakin roirêl lam an nir dona, Pathian nâi nuam tak anga inlang pumin.
Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.
Juda mihaiin khopuihai an inei dôr pathian khom an nei intama, Jerusalema omhai khomin intirom Baal pathian hranga irbôlna hrang maichâm, khopui kongkâr lamlian tam dôrin an isiam a ni.
Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.
Ki mihaiin chu an ni’rnghila, millimhai kuang mirimhoi an ihâl a ni. An lampui fena hrang ata an pêta, lampui milui kha zui ta mahaia; lampui irdang loi an izui tâk a ni.
Mihaiin an mâksana, hi hmuna ram dang pathian chongpuina’n an hmang tâka, anni le an irchibulhai Judai rama rênghai khomin, an inhriat ngai loi pathianhai kuang mirimhoi an hâla, mi siat sin loihai thisenin ki hmun hi an insip zoi ta.
an ihâl hrang a ni, in chung sîpa mihaiin Baal hranga rimhoi hâlin le pathian danghai kuang uain thilinhlan dêngzuana ki ning an inmurtir ngai rêng kha.
A sûnga mihaiin thil saloi an thoa, ki ning an inmurtir sikin, anni mo, nangni le nin irchibulhaiin chubai an imûk ngai loi pathianhai kuang irbôlnahai inhlanin pathian danghai sin an itho pehai a ni.
I lo hranga millimhai chubai mûkin le pathian danghai kuanga irbôla om hrangin nin izuangna Aigupta hin ningmur nin ni irlâktir? Rammuala nam tinin nangni hmusita nin irhming khomâksâma om hranga nin binga siat chitna nin itho mai?
Judai ram le Jerusalem kotsuahaia nin irchibulhai, Juda rênghai le an khopuihai an dôngmahai, nangni le nin dôngmahai, thilsual nin ithohai kha nin irnghil mo a ini tâk?
Moab mihai chu an hmun irsânghaia hâlirvôm thilinhlan le an pathianhai kuang irbôlna an inhlanhai, ki irngamtirhai hrang a ni. Keima Rengpa’n ki iti a ni.
Rengpa’n irdoina a siama, “I lo hrangin mo ki mihai sualna kin inzâhai hrang? Anni mâk raka pathian dang dik loihai chubai an mûk tâk sikin, ki mihai chu an khop mâka kin fâhaia, Khannisian an uire zoi tâka. Notizuarin an zoro an hmang inhek ta.
Ram dang mihai, farahai le meithâihai hnuaisia ma unglân, hi rama thilsual tho loihai that ma ta roi. Nangni an siat hrang sikin pathian danghai chubai mûk kha ma ta roi.
Khannisian, a pa khan chu mihai a huanga, deng an theihaia, mi tin chunga sinsiat a tho mai ngaia, khasikin, kha pa kha chu a sin sualnahai sikin a ithi ngêt hrang a ni.
Khasikin, Israel insûngkuahai hril ro, Rengpa pathian khan hiang hin a ti: Nin pahai hnung zuiin porinchein nin oma, an millim biak intirom takhai tiang nin zui zêla.
Khasikin, ki hring mai angin intir ni iomna murdi le ni iporinchenahai murdi khan ki hmun irthiang chu a porinchetir tâk sikin hong inboipai ngêt ki ti, ki mitin irhmâi viat no ning, lungthung viat no ning.
Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.
Khan, chol kop loi lômthu hril irbôlna kha inhlan unglân, mâni nuamlama inhlanhai kha hril unglân, inpuang roi: O Israel nâihaio, hi hi nin nuamlam tak a ni, Rengpa pathianin a tia.
Khan, roirêl hrangin nangni ki zuang inâi hrang a nia; Dôitheihai, uirehai, milaka khomâksâmtuhai chunga le meithâi le fara le irhlofâkhai hlo insiatpaia ngainêptuhai le nam dang lei paithâktuhai le ni chi loituhai chunga khan thu’nhretu sakhi satak ni ki ti, Sipaihai Rengpa’n a ti.