JEREMIA 7:7 - PATHIAN LEKHABU IRTHIANG C.L. Bible (BSI)

⁷ Nin innun dân nin thûlin chu, nin ilua mai hrang nin irchibulhai kuanga ki ipêk ram hin nangni inlêngtir ki ti.

JEREMIA 7:7 ပူးပေါင်းရင်းမြစ်များ

2 THURCHI SUINA 33:8

A millim siam chu tempila a siaa, Pathianin Davida le Solomona kuanga, “Israel nam murdihai laia Jerusalem le hi in hi ki’rhming lamna hranga inthang a ni. Kumtuanga ki thupêk murdi an zôma, ki thu’nkunghai le ki dânhai, ki siahlo Mosia ihrilhai kha an zômin chu Israelhai hi itiklai khoma an pahai kuanga ki ipêk hrang ram ata hi inhnotsuakhai no ning,” a tih tâka.

FESUAKNA 22:22

Meithâi mo, nâifara moh hnuaisiahai no roi.

ISAIA 1:19

Ki thu nin zômin chu, nin rama thil sahai fa nin ti.

JEREMIA 25:5

Rengpa’n nangni le nin irchibulhaiin nin nei mai hranga nangni a ipêk rama nin om thei maina hrangin, nin sual hringnun le nin thil saloi thohai masan hrangin nangni a ihril ngai a ni.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

JEREMIA 3:18

Kha nî khan chu Israel le Juda irzomna ata hmâr tianga sal intângna ram ata hongin an idongtum dettak ni hrangin nin irchibulhai ki ipêkna rama hong kîr an ti,” tiin.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 4:1

Rengpa’n, “Israel mihaio, a kîr nôk nin nuama ni’n chu, keima kuang hong kîr roi. Millim ki ihnôlhai nin khâipaia, keima hrangin iamomin nin oma ni’n chu,

ZEFANIA 3:7

Nangin ni chi photin lân, halirchûna hi lei pomin lân; khanchu ama chungchânga ki inkung murdihai ang khan a omna kha inboipai pat ni no nia, ki tia. Khannisian zînga an thoia, an thiltho murdi an tho’nchâi zit tâka.

DÂN INHNINA 4:40

Khasikin, a thu’nkunghai le a thupêkhai kha zôm roi, nin ta hrangin sa a ta, nin nâi le tehai ta hrangin sa a ti; kumkhuaa nin inei hranga nangni a ipêk rama khan dam insôt nin ti.