JEREMIA 7:34 - PATHIAN LEKHABU IRTHIANG C.L. Bible (BSI)

³⁴ Ram chu ramchâr inchang a ta, Juda khopuihai le Jerusalem kholâihaia raifân le lômin hri inboitir ki ta, irneina hruaithe irhâi hoihai ten lua inmongtir ki ti,” a tia.

JEREMIA 7:34 ပူးပေါင်းရင်းမြစ်များ

JOBA 3:7

Kha zân kha zân beidong ni sian, râifânna irhâi ite om no ri se.

INPÂKNA HLAHAI 78:63

Meiin an ruathartehai kha a kâng irhmanga, An dôngmatehai khan inneina hla rêng rêng nei ta mahai.

ISAIA 1:7

Nin ramhai khom ar hmang zoi ta, nin khua khom a kâng irhmang ta, nin mithmua nam danghaiin nin ram an lua zoi ta, nin râlhaiin an insiat zoi a ni ta.

ISAIA 3:26

Kho sûnga hruaituhai khom chap khêka inrûmin om an ta, kho sûnga mihai khom korongin toi ta an ti.

ISAIA 6:11

Keima’n chu “Rengpa i dôr ten mo khaang khan an iom hrang?” ki tia. Ama’n chu, “Khopuihai chu a luatu om loiin a ram zoia, inhai khom an lumtu om loiin a ram zoi mâka chu!

JEREMIA 16:9

Keima Rengpa itinrêng thothei Israelhai Pathianin ti hrang ki inei hi irngai roh. Nin dam sûng ngêtin nin mithmua raifân le lôm irhâi, irneina hruaithe lôm irhâi hi, ki indâipai hrang a ni.

JEREMIA 22:6

“Ki ta hrangin Juda rêng in chu Gilead ram le Lebanon tâng anga enhoi tak a nia; khan mi tûte om loina hmun inthimin siam ki ti.

JEREMIA 25:10

An raifân le lômnahai le irneina hruaithe inhoihaia irngam ki ta, an meisera thun hrang a tui nei ta no nihaia, bu suk khôl irhâi khom om ta no ni.

JEREMIA 27:17

An chong khom irngai pehai no roi! Babulon thuhnuaia irpe unglân, hring nin ti! I lo hrang ngân mo hi khopui hi sahrok sahrâi a ichang hrang?

JEREMIA 33:10

Khan Rengpa’n, “Mipuihaiin hi hmun hi mihriam le ramsahai om loina ramchâr hmun ang chu a ni, an tia; a ni, an ihril indik kêng, a rong ving tâka, khataka khan mihriamhai le ramsahai khom om mahai. Khannisianlân hi hmunhaia hin inhre nôk ni ti,

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

JEREMIA 4:26

Ram hoi le satak khom a châr zoi tâka; A khopuihai chu Rengpa ningmur irkhêl tak sika khan a ram zoi tâka.

JEREMIA 4:27

Rengpa khan, A ram pumpui chu rotsan ni a ta, Khannisian, a mongna chu intungtir no ning.

JEREMIA 44:6

Khasika khan ki ningmurna chu Judai ram khuahaia le Jerusalem kotsuahaia ki bukhai ta, mei leh ki ihâl a ni ta. Anni chu ramin le en intak takin a vuana an iom ang hin ki imâksanhai a ni ta.

CHAP HLA 5:14

Upahaiin mikot kul kôla an rotsanhaia, ruatharhai mâksanin.

EZEKIELA 26:13

Ni hlasak irhâi murdihai inboipai ki ta, ni serânda lian irhâi khom inhriat ni ta ngai no ni.

EZEKIELA 7:11

Hur le nghalna khan thil saloi an pungtira, an neina ite lak om loiin, an sum le puanhai, an sin sôlna rahai, an inhoina tinrêng boi zit a ti.

HOSEA 2:11

A raiinfânna murdi, a kût hai, a tha thar hai, a irngam nikhua hai le mi pung khômna zoro murdihai, inboipai sa ki ti.

HOSEA 2:13

Mirimhoi a hâl pe ngai Baal nikhuahai kha a chunga thuan ki ti, kha lai khan a bômzoihai le a irvônahai ar bela, ar ditpuihai a pana, keima a ni irnghil a nih ti hi Rengpa thu suak a ni.

LEVI DÂN 26:33

Irdoina hong tung a ta, nam dang rama nangni hruai indarh an ta, nin khopuihai kha chim remrum a ti.

MIKA 7:13

Khaang dôra khom khan ram kha, a sûnga lênghai sik le an thiltho ra sika khan inramtir ni an ti.

THUPHUANG 18:23

Meiser vâr khom ni sûnga hmu nôk ni ta no ni, pasal le moi irhai ni sûnga inhre nôk ni viat ta no ni. Ni bepârhai kha rammual pumpuia mi lianhai an nia, ni dôi milakin rammual pumpuia mihai huangin an iom a ni ta!” a tia.