JEREMIA 7:31 - PATHIAN LEKHABU IRTHIANG C.L. Bible (BSI)

³¹ Hinom irhôra an nâipasalhai le nupanghaiin mei leh hâlin an irbôl theina hrangin maichâm ‘Tofet,’ iti an siama. Hi tho hranga hin thu pe ma unga, ki irngaituana lua a ilût phâk loi a ni.

JEREMIA 7:31 ပူးပေါင်းရင်းမြစ်များ

2 RÊNGHAI 17:17

An nâinu le nâipahai khom nam dang pathian makunga hâlirvôm thil inhlanin ram khohri le mitphil theihai leh irthopin. Rengpa mithmua thil saloi tinrêng tho hrangin an irpêk lût a ni; khasikin, a ning an inmurtir a ni.

2 RÊNGHAI 23:10

Molekhai, an nâipasalhai an that thei ta loi hranga Hinom irhôra Tofet kha a soisak ngheka.

2 RÊNGHAI 23:20

Khaanga sinthotu ochaihai a thata maichâma khan mihriam ru a hâla, Jerusalema a hong kîr nôk ta.

2 THURCHI SUINA 28:3

Hinom irhôra mirimhoi a hâla, Israel mihai makunga Rengpa inhnotsuakhai nam dang tho dân intirom tak takhai chu a thoa, a nâipasalhai ngêt khom millimhai makunga hâlirvôm thilinhlan hrangin a thata.

2 THURCHI SUINA 33:6

Hinom irhôra hâlirvôm thilinhlanna’n a nâipahai an hlana;

ISAIA 30:33

Assuria rêng hâlna hrang meipui irsiam sai a ni tâka, thing tamtak an thîn sa maia, a kâng hrangin Rengpa’n mei le kât ir-al tui angin zuan luangtir a ti.

ISAIA 57:5

Sesua thing hnuaia Pathian irhmingin nin inhoia, thing dâihlîm hnuai nin pana, nin nâitesuihai irbôlna’n nin thathaia, tui kôla rôl panghai laia nin inhlanhaia.

JEREMIA 19:2

Harsit mikota suakin Ben-Hinom irhôra khan fe’n lân; kha khan, thu nang ki ihril hrang kha inpuang roh.

JEREMIA 2:23

Porinchein om ma unga, Baal khom chubai mûk viat ma ung, itin mo ni la iti mai hi? Irhôra ni sual dânhai kha enin lân, ni thil thohai kha hmu roh. Rama saringseipui ihura om hrang dân inhre loia an tâna.

JEREMIA 32:34

An millim intirom tak lua keima ni chongpuina hranga isin, ki tempil sûnga an siaa, an iporinchetir a ni ta.

JEREMIA 32:35

Hinom phâia an nâipasalhai le nâinupanghai Moleka pathian kuang irbôlnaa inhlan hrangin Baal maichâmhai an siama, hianga tho hrangin thu khom pehai ma unga, khaanga thil tho an ta, Juda mipuihai sualin siam an tih ti khom ki irngaitua loi a ni,” a tia.

EZEKIELA 16:20

Khakhêla khom, ni nâinu ni nâipa, ni inei pehai chu an kuanga irbôl hranga hmang zit hrangin ni pêka; ni hurna hi thil irnêp a ini ma ni?

EZEKIELA 20:26

An thilinhlanhai leh khan anni inporinchetirhai ki ta, an nâilutîrhai khom irbôlna hrangin hmang an ta; thei loi chang an ta, khanchu kei hi Rengpa chu ki nih ti an inhriat theina hrangin.

EZEKIELA 20:31

Millim kuanga thilinhlan le irbôlna hrangin nin nâihai hâl hrangin a vuan nî ten hin porinche’n nin la oma, Israel insûnghaio, ni chongpui hranga hong mo nin ni? Mi hring ki ni hi, Rengpa pathian thusuakin a ti. Nangni ni chongpui zât ni ma ung.

LEVI DÂN 18:21

Moleka biakna hrang hâlirvôm hrangin ni nâi ni ipêk viat viat hrang ni ma, ni Pathian irhming ni porinchetir ni ti, Rengpa ki ni.

MIKA 6:7

Rengpa kha ki belra chal sâng tamtak mani, sahriak dung sîngkhathai manin milung a inchuk hrang ma ni? ki tho’nchâina sikin ki nâilutîr kha ki pêkin, ki’rtha sualna sikin ki taksa ra kha ki ipêk hrang ma ni?

DÂN INHNINA 12:31

An Pathian an ibiak hrang ni ma; Rengpa intir lam tak, thil chi tinrêng tho hi an uar ngai. An maichâmhai khan an nâinu le nâipa hai ngêt khom hâlirvôm thilinhlana an hâl ngai a ni.

DÂN INHNINA 17:3

pathian danghai zuiin an sinthoa, biak loi hrang ki itihai, thahai le thil dang tamtakhai khi biak om sianlân,

DÂN INHNINA 18:10

Nin laia tukhomin maichâma hâlirvôm hrangin nin nâihai nin inhlan sa hrang ni ma; kutzia en hai, tasân hai, pânzia en hai, dôi hai,

JOSUA 15:8

Jebus-hai khua Jerusalem omna sim tianga irhôr, Hinom chu a dêna, ramri chu Hinom nitâk tiang panga irhôr bula om tâng sîpa a fea, kha kha Refaim hmâr tiang pang irhôr mongna tak a ni.