JEREMIA 7:29 - PATHIAN LEKHABU IRTHIANG C.L. Bible (BSI)

²⁹ “Châ roi, O Jerusalem mipuihai, Nin sam ep inkol unglân pâi roi; Tâng sîphaia mithi chûl hla sak roi. Keima Rengpa chu ki ning an mura, ki mihai ki hnôl tâk sikin.

JEREMIA 7:29 ပူးပေါင်းရင်းမြစ်များ

2 RÊNGHAI 17:20

Rengpa’n Israel murdi chu a ihnôlhai a ni ta, deng an theihaia, râl ichiom tak takhai kuta a pêkhaia, a hmu phâk loina hrang hmuna a tîrhai ta a ni.

JOBA 1:20

Khanchu Joba kha a thoia, a songkol irfual an pot thêra, a lu a voi inkola; hnuaia inbokin Pathian a biaka.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

JEREMIA 12:7

Rengpa’n a ti, “Israel ki mâksan rak tâka, ki nam inthang ki imâk tâk a ni. Lung ki ithunghai chu an râlhai kuta ki ipêk tâk a ni.

JEREMIA 14:19

Rengpa Judahai chu ni ihnôl phar ma ni ta? Zion-a mipuihai chu ni ipaihai rak ma ni? I lo hrang mo irtharngamna kin zonga, khannisian ite thil sa tung maka; dam hrangin kin sabeia, lungkângna kêng a itung.

JEREMIA 16:6

Irchong le inriang, hi rama hin thi an ta, tûte’n phûmin châ no nihai. Mi tukhomin a ichâ a nih ti irdangna’n a taksa inphopin a lu khom ep inkol no nihai.

JEREMIA 3:2

Tâng sîphai khi hong thîr ngân ta, notizuar anga ni om loina mo a om? Arab-haiin ramchâra mi an inruang ngai ang khan, ni indithai chu lampui tuana ni inghâk ngai angin, ni notizuarna le ni pualoinahaiin ram chu ni iporinchetir zoi a ni ta.

JEREMIA 3:21

Tâng sîp ata irhâi inhriat a nia, Israelhai chap irhâi le an ni ingênna irhâi, sualnaa sip hringnun an hmanga, Rengpa an Pathian an irnghil tâk sika a ni.

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

JEREMIA 48:37

An rêngin an lu an ep inkola, an hnerkamulhai an paia, an rêngin an kut an âta, mi tinin bora puan an sil tâka.

JEREMIA 6:30

Anni chu lûtna nei loi, thîr êk tia bê ni an ti. Keima Rengpa ngêtin anni chu ki ihnôlhai tâk a ni sikin,” a tia.

JEREMIA 9:10

Keima’n, “Mual tin ta hrangin chûlpui angin ki om ta, sûlhring hmunhai hrangin chap ki ti, an châr zoi tâk sikin, Tûte khatak khan an zin nuam om ta mahai. Sa pâl irhâi inhriat hrang khom om ta ma, vâ le sahai khomin laizâm tho’n an rot zoi tâka,” ki tia.

JEREMIA 9:16

Anni’n mo, an irchibulhaiin mo an inhriat loi namhai laia, anni chu irthekindartir ki ta, anni ki’rhmangtirhai zoi mâka chu doiin sipai pâl ki itîr hrang a ni,” a tia.

CHAP HLA 5:22

Aninole, nangin ni ni ihnôl sabak mani tâk? Kin chunga ni ning a inmur sabak ma ni ta?

EZEKIELA 19:1

Rengpa’n Israel rênghai ta hrangin sûnna hla phua inlân, hiang hin ti roh.

EZEKIELA 28:12

“Mihriam nâipa, Tura rêng chunga thil tung hranghai sikin ni charindongin lân, a kuang Rengpa Pathianin hiang hin a ti,” ti roh. Matona khan chu satirkip irkhînahai ni lei nei ngaia, ni vârin ni hmêl khom a sân a saa.

AMOSA 5:1

O, Israel irchihaio, hi thu hi nangni sûnna hranga ki insîr hi inhre roi.

MIKA 1:16

Irziat inkolin lân, ni nâi inditom takhai sikin ep inkol ro: râikoso angin irvoi inkol intam ual ro; ni kuang ata sala hruaiin an om tâka.

MATHAIA 12:39

Jisua’n an kuang, “Atûnlai thoiinthar sual tâk le uire hmang ngaihai, irsinsiana thilirkhêl nin izong na! Khannisianlân, deipu Jona irsinsiana vai ti no chu irsinsiana thilirkhêl dang rêng nin kuang pêk ni no ni.

MATHAIA 16:4

Atûnlaia thoiinthar mi sual tak le uire hmanghai! irsinsiana sinirkhêl nin ni izong na? Jona sinirkhêl ti no chu nin kuang irsinsiana sinirkhêl dang pêk ni no ni,” tiin a sâma, khanchu, a mâksanhai tâka.

MATHAIA 23:36

Thudik nangni ki hril, khahai murdi kha atûnlai mihai chunga a itung hrang a ni.

MATHAIA 3:7

Khan, Farisaihai le Sadukai tamtak hong a hmu’n an kuang, “Mirûl irchihaio, ningmur hong tung hrang rengata zôk hrangin tu mo baptisma chang hranga nangni inthor?

TÎRTÔNHAI SINTHO 2:40

Thu dang tamtakin a hrilfiaa, “Atûn lai mi sualhai ata hi irdîn roi” tiin a ngênhaia.

DÂN INHNINA 32:5

Pualoina a inei ma ni? Nei make, A nâihai kha kêng dem om chu, Irlo beng ngarhai le ihnanghai kha.