JEREMIA 7:26 - PATHIAN LEKHABU IRTHIANG C.L. Bible (BSI)

²⁶ Aniachu, tukhomin irngaiin uksak nuam ngai mahaia. Kha nêkin nin tukul nin inliantir ual ngai, nin irchibulhai nêkin tehel nin ihrât ual a ni.

JEREMIA 7:26 ပူးပေါင်းရင်းမြစ်များ

1 RÊNGHAI 14:22

Juda mihai chu Rengpa mithmua a sân an sual sikin, an puhai nêkin Rengpa ning an mur pe uala.

1 RÊNGHAI 14:9

Nang chu ni matona mihai nêkin ni sual uala; ki itheimâk tak, pathian danghai, millimhai siamin ni ni mâksana.

2 RÊNGHAI 17:14

Khannisian, zôm nuam viat mahaia, an puhai angin tukullian an songa, an Pathian Rengpa chu iam nuam viat loiin an oma.

2 RÊNGHAI 17:15

A thupêkhai kha zôm nuam loiin an oma, an pahai le thuthung chu an mâksana, an irchutirna inkhat khom zôm nuam loiin an oma. Chanlamboi thu, millimhai biakin an oma, Rengpa’n an omdân la no roi” a ti an kôla nam danghai omdân an lâka.

2 THURCHI SUINA 30:8

Anni angin nin tukulinlian ta no roi, Rengpa thu chu zôm ta roi. Nin Pathian Rengpa Irthiangtir sai Jerusalem tempila hin hong ta unglân; hitak hin ama chubai hong mûk roi. Khanchu a ningmurna hek a ti.

2 THURCHI SUINA 33:10

Rengpa’n Manasea le a mihai kuang thu a hrila, irngai pe nuam mahaia; khasikin Assuria sipai hruaitu chu Rengpa’n Judai ram an doitira.

2 THURCHI SUINA 33:23

Khan, a pa angin irngaiintômna nei maka, Rengpa tiang irhei nuam maka, a pa nêkin a isual ual a ni.

NEHEMIA 9:29

ni dâna ni hruai lûthai theina hrangin nir chutirhaia; khannisian lârirpâk takin sin an thoa, ni thupêkhai pom loiin ni roirêlna sêlin thilsual an thoa, an zôma hringpui nêkin an tukullianin irngai nuam mahai.

THUVÂRHAI 29:1

Mi’n an hril intam dôr a tukullian chu voikhat rengin lan rîl a ta, thoi nôk thei viat ta no ni.

ISAIA 48:4

Nin tukul a liana, nin ring chu thîr anga ngar a ni. Nin michal laka thîr irbun anga ngar a ni.

ISAIA 5:4

Ki insâp nêka tam ki grep irhuana, Imo ki la insâp mai hranga? Grep ra sa hmu ngêt hrangin ki tuma, a dol inzenin a ni ra pea;

JEREMIA 11:8

Khannisian irngai nuam mahaia, a zôm khom nuam mahai. Tukullianin a nitin sual sin an la itho mai ngai a ni. Thuthung zôm hrangin anni kha thu ki pêka, an inuam loi a ni. Khasikin hi thuthunga chuang, tuangna murdihai an chunga ki insum a ni ta,” a tia.

JEREMIA 16:12

Nangni len vângin chu, nin pahai nêkin nin sual uala, tûte’n ki thu zôm mak chêia, tukullian songin nin thu ang takin nin iom a ni.

JEREMIA 17:23

An irchibulhai khan ki thu le’rngai mahaia, an lei irngaisak loi a ni. An tukul an inliantira; ki thupêk zômin mo, keima kuang irchu nuam mahai.

JEREMIA 19:15

Itinrêng thothei Rengpa Israelhai Pathianin a iti a ni, “Hi khopui le a kôlvêla khuahai chunga dûk tuangna insum ki ta, ki ti kha a itung hrang a ni ta, nin tukul nin inliantira, ki itihai nin irngai no sikin,” tiin.

JEREMIA 22:21

Nin sat lai takin Rengpa’n nangni a chongpuia, nikhomsianlân irngai nuam mak chêi! Kha kha nin dam sûnga nin itho ngai a nia; Rengpa thu ni izôm viat loi hrang tihna a ni.

JEREMIA 25:3

“Kum sômhni inthum sûng, Amona nâipa Josia, Judai rama an lal kum sômhleithumna irthokin a vuan sûn ten hin, Rengpa’n ki kuang thu an sîra, kha a iti kha nangni hril loiin om ngai ma ung. Kha kha nin iuksak loi ngai a ni.

JEREMIA 25:7

Khannisian Rengpa hê irngai mak chêi a tia. Nin millimhai sika khan a ning nin inmurtir pea, a dûk thôna chu nangni ngeiin nin chunga nin intungtir ngai a ni.

JEREMIA 26:5

A ni zuihai, ki deipuhai nin laia ki zuang itîr maihai ngai chonghai khom lei ngaipoimo hrangin. an ihrilhai nin lei izôm ngai loi a ni.

JEREMIA 29:19

A ni zui ki deipuhai hmanga an kuanga chongbe ki ithon ngai, an zôm no sika khan, hi hi an chunga a itung hrang a ni, an irngai nuam no sikin.

JEREMIA 3:13

Ni itho insual a nih ti le Rengpa ni Pathian chunga ni tehel a nih ti inlang roh. Thingkung hringhai hnuaia nam dang pathianhai lung ni la thung maia, ki thupêk ni izôm loi dânhai irphuang suak ta ro, Keima Rengpa’n ki iti a ni.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

JEREMIA 34:14

tu Hebrai suak khom an sin kum ruk a lei hong tho tâk kha, an insua hrang a nih tiin kin hrila. Khannisian nin irchibulhaiin an irngaisak loi a ni.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 44:16

“Rengpa irhminga kin kuanga thu nin insîr kha, irngai no ni ung.

JEREMIA 5:3

A dik takin Rengpa’n iamomna hi a izong a ni. Nangni a vîka, khannisian ite bêin bê mak chêia. Tukullian nin nia, nin sual ata irlet nuam mak chêi.

JEREMIA 6:10

Keima’n, “An kuang ti pehai khom inlân, tu mo a ni irngai pe rêk hranga? Tukullian le ni thu chu irngai nuam loi an nia, hril pehai hranga ni nih iti hi an minui vai a inza pehai a ni.

JEREMIA 6:17

Khanchu Rengpa’n irningna hrang bekul irhâi irngai hrangin râl hrungtu a siahaia. Khannisian anni khan, “Irngai no ni ung,” an tia.

JEREMIA 7:24

Khannisianlân zôm nuam loiin uksak ta maka. Kha nêkin an lungrîl insêtin tho loi hrang ti an tho nuam ual tâka, sa ual nêkin an isiat ual tâk a ni.

JEREMIA 9:13

Rengpa’n a ni sâma, “Ki mihai ki irchutirna pêk an mâksan sika hin, hi thil hi a itung a ni. Ki thuzômin ki inhrilhai, tho nuam mahaia.

EZEKIELA 12:2

“Mihriam nâipa, mi tehelzong insûngkua, hmûna hranga mit neia hmu loihai, inhriatna hranga mikuar neia inhriat loihai laia om ni ni, mi tehelzong in sûngkua an lei ni ngaia.

EZEKIELA 12:3

Khasikin, nang mihriam nâipa, sala intângnaa fe hrang angin ni neinunhai intêl infelin lân, khan sûn khovâra an mithmu ngêta sala intâng hrangin fesuak ro, an mithmu ngêta hi hmun ata hmun danga irson ro, tehelzong insûngkua an nina kha, an ngaitua thei nâk mo.

EZEKIELA 20:30

Khasikin, Israel insûngkuahai hril ro, Rengpa pathian khan hiang hin a ti: Nin pahai hnung zuiin porinchein nin oma, an millim biak intirom takhai tiang nin zui zêla.

DANIELA 9:6

ni siahlo kin rênghai, hruaituhai, pa le a rama mipuihai murdi kuang nir hminga thuhril ngai deipuhai thu irngai nuam loiin.

HOSEA 11:7

Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.

ZAKARIA 7:11

Khannisian mihaiin chu an tukullian insua’n, irngai nuam loiin an oma; an milunghai khâr khapin,

MALAKIA 3:7

Nin puhai zoro ata kha ki thu’nkunghai nin pêtsana, zôm khom zôm ngai mak chêi. Ki kuang hong kîr unglân, khanchu nin kuang zuang kîr ki ti, Sipaihai Rengpa’n a ti. Nangni’n chu, ia hin mo kin ikîr hrang? nin tia.

MATHAIA 21:38

Khannisianlân, irhuan nghâkhai khan a nâipa kha an lei hmu’n chu ‘Hi mi hi a chongpu nâipa a ni; Tho that ei ta, ar chon hi lei lua pe rei!’ an tia.

MATHAIA 23:32

Fe unglân, nin irchibulhaiin an lei iphut kha irzoitir roi.

TÎRTÔNHAI SINTHO 7:51

“Mi pualoihai, sertanloi mi ang, milung le beng ngarhaio; Irtha Irthiang nin doi maia, nin puhai ang dênin nangni khomin nin tho ngaia.

ROM KHUAA MIHAI KUANGA TÎRTÔN PAULA LEKHATHON 2:5

Ni tukullian le ni milung ngar sikin Pathian ningmurna nikhua, dik taka Pathianin roi a rêlna nikhua tika mani hremna bukkhôm chian ni ni.

DÂN INHNINA 8:20

Rengpa nin Pathian irhâi hi nin uksak no’n chu, nin iluapai pehai hrang nam Rengpa’n a inboipai angin nangni khom nangni inboi ngêt a ti.