JEREMIA 7:25 - PATHIAN LEKHABU IRTHIANG C.L. Bible (BSI)

²⁵ Nin irchibulhai Aigupta ata an suak nia irthokin hi nikhua dên dapin, a ni zui deipuhai nin laia ki tîrhai ngai.

JEREMIA 7:25 ပူးပေါင်းရင်းမြစ်များ

2 THURCHI SUINA 24:19

Rengpa’n anni chu hruai kîr hrangin deipuhai a tîra; khannisian mihaiin an thu irngai pe mahaia.

2 THURCHI SUINA 36:15

Tempil le a mihai chu a san nuamhai sikin, mipuihai irchutir hrangin an irchihai Pathian khan deipuhai a tîrhai maia.

EZRA 9:7

Kin pi le puhai ata atûn ten hin theiloi kin ichang zoi a ni; kin inchâinahai sikin kin rênghai le kin ochaihai le ram danga rêng an ichela, khandaia thathai, sala intânghai, inrûknahai kin tonga, a vuanhaia kin iom ang hin.

NEHEMIA 9:26

Khannisian an irhmôla, nang an tehel pea, ni dânhai mâksanin, nangma tianga hong nôk hranga hriltu deipuhai an thata, ningmurom thilhai an thoa.

NEHEMIA 9:30

Khannisian kum tamtak anni chu ni donhaia, irtha tianga deipuhai hmangin nir chutirhaia; khannisian an mikuar sêt angin an oma; khasikin kha rama mihai kuta khan ni pêk ta.

ISAIA 5:4

Ki insâp nêka tam ki grep irhuana, Imo ki la insâp mai hranga? Grep ra sa hmu ngêt hrangin ki tuma, a dol inzenin a ni ra pea;

JEREMIA 11:7

An irchibulhai Aigupta ata ki hruaisuak nî ata a vuan tena hin, ki thu zôm hrangin ki lei hong ihrilhai an ni.

JEREMIA 25:3

“Kum sômhni inthum sûng, Amona nâipa Josia, Judai rama an lal kum sômhleithumna irthokin a vuan sûn ten hin, Rengpa’n ki kuang thu an sîra, kha a iti kha nangni hril loiin om ngai ma ung. Kha kha nin iuksak loi ngai a ni.

JEREMIA 25:4

Rengpa’n a deipuhai a zuituhai a zuang tîrhai mai ngai khoma chu, irngaiin mo, nin iuksak nuam loi a ni.

JEREMIA 29:19

A ni zui ki deipuhai hmanga an kuanga chongbe ki ithon ngai, an zôm no sika khan, hi hi an chunga a itung hrang a ni, an irngai nuam no sikin.

JEREMIA 35:14

Jonadaba irchihaiin chu uain in loi hranga thupêk kha an zôma, a vuan sûn ten hin nin laia inkhat khom uain in la om mahai. Khan keima’n chu nin kuang thu kin sîr khomin ki thu zôm nuam ngai mak chêia.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 44:4

Zoro sôt ok loiin a ni zui, ki deipuhai nin kuang ki hong tîra, hi thil porinche ki ihnôl tho loi hranga nangni ki inhril a ni.

JEREMIA 7:13

Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

EZEKIELA 2:3

Khan ki kuang, “Mihriam nâipa, kôkirhel Israel nâihai chu ki chunga a sân an suala, an kuang nang ki itîr hrang a ni. An irchibul pi le puhai rengata atûn ten hin ki chunga thilsual an itho a ni.

HOSEA 11:7

Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.

HOSEA 12:10

Deipuhai kuanga khom thu kin sîr ngaia, inlârnahai kin pungtira; Deipuhai hmangin ki lei hala.

AMOSA 2:11

Khan, deipu ni hrangin nin nâipahai laia mi le Nazarit ni hrangin nin ruathartehai laia mi ki siama. O, Israel nâihaio, khaangin a ini loi ma ni? Rengpa thu suak khan a ti.

MALAKIA 3:7

Nin puhai zoro ata kha ki thu’nkunghai nin pêtsana, zôm khom zôm ngai mak chêi. Ki kuang hong kîr unglân, khanchu nin kuang zuang kîr ki ti, Sipaihai Rengpa’n a ti. Nangni’n chu, ia hin mo kin ikîr hrang? nin tia.

LUKA 11:49

Khasikin, Pathian vârna’n, ‘Deipuhai le tirtônhai tîr ki ta, senkhathai that an ta, senkhathai dengintheitir an ti,’ a tia.

DÂN INHNINA 9:7

Ramchâra khan Rengpa nin Pathian kha ning nin inmurtir kha inhre mai unglân, irnghil no roi. Aigupta ram nin suaksan nî ata atûn ten hin Rengpa ata tehel zong intam ngai nin ni.