JEREMIA 7:21 - PATHIAN LEKHABU IRTHIANG C.L. Bible (BSI)

²¹ “Ki mihaio, irbôlna senkhat chu maichâma a pumin nin hâlpai ngaia, senkhat chu fa hrangin iphal nin ni. Khan keima Rengpa’n ki iti chu an rêngin fa ving ta roi.

JEREMIA 7:21 ပူးပေါင်းရင်းမြစ်များ

INPÂKNA HLAHAI 50:8

Ni irbôlnahai sikin nang halirchu no ning; Ni hâlirvôm thil irhlanhai chu ki makunga a om chiana.

ISAIA 43:23

Hâlirvômna hrangin kêlbelra ni pe mak chea, irbôlnahaiin ite ni chôiindôm mak che. Nin laia thil inhlan chu nangni inphût ma unga, mirimhoi khom nangni insôltir ma ung.

JEREMIA 14:12

Bu ngheihai khomsian changpui hranga an khêkna kha irngai pehai no ning, an hâlirvôm le an chîmu irbôlna inhlan sika khan, an chunga lôm ual no ning. Irdoina hai, châmna le hri le hraihaiin anni chu ki ithathai hrang a ni,” a tia.

JEREMIA 6:20

Seba ram ata irthokin bero mirimhoihai mo, ram hlataka thil namhoitak an ni hong ichôi pehai hi, keima hrangin imo a hlutna om? An thilinhlanhai pom pehai no ninga, an irbôlnahai khom lôm ual no ning.

EZEKIELA 33:25

Khan, kei Rengpa Pathian hin hiang hin ki iti a nih ti an kuang hril pehai ro: Hmê a thi om pumin nin fâka, millimhai nin biaka, mi nin thata, i zât thil ngânin mo hi ram hi nin ta anga nangni a inngaituatir a ini tâk?

HOSEA 8:13

Ki ta hranga thil inhlan irbôlnahai chu hmê an inhlana, an fâka; khahai kha Rengpa’n pom mah: khanchu an pualoina an hriat maia, an sual a hrema, anni kha Aigupta rama kîr nôk an ti.

DÂN INHNINA 12:27

Rengpa nin Pathian maichâma hâlirvôm thilinhlan zâthai, maichâma thisen intheka, a hme fâkhai hrang zât kha, kha ngêta khan nin hong ichôi hrang a ni.