JEREMIA 7:20 - PATHIAN LEKHABU IRTHIANG C.L. Bible (BSI)

²⁰ Hi sika hin keima Rengpa Pathian hin ki ningmurna tak hi tempil chunga hin bun ki ti. Mihriamhai le sahai chunga ir-angnatin bun ki ta, thing le chîmuhai chunga khom; ki ningmur chu tûte’n an ithat thei loi, mei ang ni a ti.

JEREMIA 7:20 ပူးပေါင်းရင်းမြစ်များ

2 RÊNGHAI 22:17

An ni rotsana, pathian dang kuanga thil an inhlana, an sintho dânhai hi ki ning a inmur a ni. Jerusalem chunga hin ki milung ir-al a ta, doi thei ta no ni. Rengpa’n a ti.

ISAIA 10:17

Israelhai invârtu chu mei chang pehai a ta, an mi irthiang chu meiri-al chang a ti. Sûn khat khomin tinrêng kâng zoi thei a ni. Hloitharpa le ilhlingnei sûl khom kâng zoi a ti.

ISAIA 42:25

A ningmurna chu a chunga an sum pehaia, Irdoina irkhêltak an tuang ta. Israel chunga ningmurna chu ar al tâka, an kâng innahaia, inhre mahaia, ite uksak nuam viat loiin an oma.

ISAIA 66:24

An suak tiang chu keima ni doia tehelzong ngaihai ruak kha hmu an ta, a thua irlung omhai chu thi zoi zât ni no ni, a kâng hrang mei khom chuai no ni, mi murdi’n intirom ti ok an ti.

JEREMIA 11:16

Zoro khat chu a hnâ irbom le a ra sip oliv thing tin ki lei koihai ngai, khan atûn chu, khonri angin ar hâi neiin a hnâhai chu hâlhai ki ta, a ônhai khom ngôtpai ki ti.

JEREMIA 12:4

Idôra sôt mo kin ram hi a ichâr hrang, hmun tina hloisûlhai hi an ichâr hrang? Kin mihai sualna sikin ramsahai le vâhai chu an thi tâk sikin, mipuihaiin, “Pathianin ei omdân hi hmu viat maka,” an ti ngai.

JEREMIA 14:16

Hi thilhai hi an ihril pe mipuihai khom khaang ngêtin ki ithathai hrang a ni. An hnâchangrôp chu Jerusalem inkhâr lamlianhaia pai ni an ta, tûte a phûm hrang om no nihai. Hi hi an dôngmahai, an nâipasalhai le nâinuhai an rênga chunga tung a ti, an tho’nchâina man ki ithuanhai hrang a ni,” a tia.

JEREMIA 17:27

Hianga ki thu zômin Sabat nî chu sûn irthiangin an iser ngêt hrang a ni. Kha ni khan Jerusalema dâi mikothai khêlin ite an ichôi hrang ni maka. An chôi duaia ni’n chu, Jerusalem dâi mikothai chu mei leh hâl ki ta, kha mei khan Jerusalema rêng inhai le a rêngin kâng ving a ta, tukhomin that thei no nihai,” a tia.

JEREMIA 17:4

Ki ram nang pêk chu masan ni ta, ram ni la inhriat ngai loi hmuna ni râlhai sin thoin nangni siam ki ti. Ki ningmur chu mei ang a nia, a ikângpai hrang a ni,” a tia.

JEREMIA 18:23

A ni, Rengpa an ni inrûka thuphan dân hi nin hriat vinga. An tho’nchâina mo, an sualna chu ngaidam no roh. Ni ningmur lai takin anni chu intem takin paihai ta ro,” tiin.

JEREMIA 42:18

Rengpa, Israelhai Pathianin, ‘Ki ningmurna khan Jerusalema mihai chunga insuma a iom angin, ki ningmurna chu nin chunga, Aigupta nin fe’n chu insumin om a ti. En intak takin om nin ta; mihai ihmusit tuang nin ta, nin irhming khomâksâmna’n hmang an ta, hi ram hi hmu nôk ta no chin ni,’ tiin” ki tia.

JEREMIA 44:6

Khasika khan ki ningmurna chu Judai ram khuahaia le Jerusalem kotsuahaia ki bukhai ta, mei leh ki ihâl a ni ta. Anni chu ramin le en intak takin a vuana an iom ang hin ki imâksanhai a ni ta.

JEREMIA 6:11

Rengpa’n an chunga ni ninginmurna chu keima khom a ni kâng saa, ki ituang zoi loi a ni ta. Khanchu, Rengpa’n ki kuang, Ki ninginmurna chu nâipang kholâi chaihai laia le ruatharte irbukkhômhai laia insum ki ta, pasal le nupanghai hruaiin om an ta, a tarhai khom lêkhai no ni.

JEREMIA 6:12

An inhai khom mi dang pe ni a ta, an loi le an dôngmahai khom khaang dên khan hi rama mihai hi dûk ki ithohai hrang a ni.

JEREMIA 8:13

“Mi’n chîmu a ibukkhôm angin, ki mihai khom ki buk nuama; khan grep hrui ra boi angin, theipui ra boi, a hnâ khom thêm tâk angin nin oma, khasikin ram dang mihaiin ram hi an ilâk ki iphal a ni.

CHAP HLA 4:11

Rengpa’n a ningmur chu insum zoi loiin Zion khan a ningmurna mei an suaa; a lung phûmhai dênin a siat zoi ta.

EZEKIELA 22:22

Anni chu tangkarua hâlinzôina meisûmpuia inzôi angin Jerusalema khan hâlinzôiin om an ti. Kha tena chu Rengpa ningmurna chu bunthuanin a iom a nih ti inhresuak ta an ti,” a tia.

EZEKIELA 7:12

Zoro chu a hong tung ta, nikhua chu a hong nâi tîr tîr ta; irchôktu chu raiinfân no sianlân, a zuartu chu beiindong ual no ri se; ningmurna chu an rênga chunga a itung hrang a ni sikin.

EZEKIELA 7:14

Bekul chu an tuma, tinrêng siam irfûk a ni tâka; khannisian irdoinaa khan tûte fe mahai; ki ninginmurna chu mipui murdi chunga a oma.

DANIELA 9:11

A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

LEVI DÂN 26:28

ningmurin nin chunga insum ki ta, a bâk saria nain nangni hrem ki ti.

NAHUMA 1:6

A milung hoiloina makunga khan tu mo ngîr thei hranga, a ninginmurna irkhêl tak khan tu mo om thei hrang? A ninginmurna kha mei anga bunpai a nia, lungpuihai kha a irnôitir chit a ni.

ZEFANIA 1:2

Irnêng chung ata thil murdi inboipai zit ki ti, ti hi Rengpa thu suak a ni.

ZEFANIA 1:3

Mihriam le sahai inboipai ki ta; chunglêng vahai le tuipuia ngahai inboipai ki ta; Mi sualhai kha intûktir ki ta; Irnêng chung ata mihriam inboipai zit ki ti, ti hi Rengpa thu suak a ni.

ZAKARIA 7:12

lung angin an inngartira. Matona deipuhai hmanga ki thuhrilhai kha an irngai no sikin, a sân an chunga ki ning an mur tâka.

MALAKIA 4:1

Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai Rengpa’n a ti.

MATHAIA 3:12

Ama’n chu Irtha Irthiang leh meiin nangni baptis a ti; a hruizôla bu kha zâp infâia, panga thun hrangin a mira kha a chôi tâka, a’rsîhai kha chu that theiloi meia hâl irhmang a ti,” a tia.

THUPHUANG 14:10

kha mi tak khan Pathian ningmurna uain, a ningmurna khilâta a isung insip kha in a ti. Vântîrtôn irthianghai leh Belrate makunga mei le kâta dengintheiin om a ti.