JEREMIA 7:18 - PATHIAN LEKHABU IRTHIANG C.L. Bible (BSI)

¹⁸ Nâipanghaiin thing an bûma, pasalhaiin mei an sêma, nupanghaiin irvân rêngnu ta hranga bai siam hrangin baidi an inhmet a ni. Nin natir hrangin uain thilpêkhai pathian danghai ta hrangin an ibunthuan ngai a ni.

JEREMIA 7:18 ပူးပေါင်းရင်းမြစ်များ

1 RÊNGHAI 14:9

Nang chu ni matona mihai nêkin ni sual uala; ki itheimâk tak, pathian danghai, millimhai siamin ni ni mâksana.

1 RÊNGHAI 16:2

“Ite bêa ibe ngai loi chu, Israelhai roirêltu hrangin nang kin thang. Atûn hin Jeroboama angin thil saloi tho’n ki mi Israelhai hruai suala, an sualna’n ki ning an inmurtir ta a ni.

INPÂKNA HLAHAI 16:4

Rengpa pathian dang irchihai chu, an beidongnahai la pung a ti: An thisen inhlanin mihai chu inhlan sa no ninga. Ki hmûrin an irhminghai irlam ual no ning.

ISAIA 3:8

Jerusalem chu a ichim a ni ta hi, Judai ram khom a isiat zoi a ni ta. Rengpa doiin an chonga, sin an tho ngai a ni, a roiinpuina an êsêl sikin.

ISAIA 57:6

Tui kôla lung inhlûm nin zonga, khahai kha Pathian in nin neihaia, uain buakin irbôlna’n nin inhlan ngaia, lôm thei hrangin nin ni isôn ma ni?

ISAIA 65:11

Rengpa chu mâksana, ki tâng irthiang irnghiltuhai chu Gad-a chubai irmûkna hmun sinsiama, an bingin uain in irhlômin om an ti.

ISAIA 65:3

Hi mihai hin ki inuam loi thil an tho nuama, irhuan serhaia irbôlna thil an inhlana, nam dang pathian maichâma mirimhoihai an hâla.

JEREMIA 1:16

Ki mihai chu pathian danghai kuang irbôlna inhlanin an ni huanga, millim an isiamhai chubai an mûka, thil sual an tho tâk sikin, anni chu dûk ki inthotirhai hrang a ni.

JEREMIA 11:17

Keima Rengpa itinrêng thothei hin Israel le Juda chu ki phuna; atûn chu vânduaina thilin ki iti a ni ta. Anni ngêtin an chunga an intungtir ta a ni, sual an sina, Baal kuang irbôlna inhlanin ki ning an inmurtir sikin,” a tia.

JEREMIA 17:2

Nin mihaiin maichâmhaia le tâng sîphaia thinghring kung tin hnuaia pathiannu Aseri millim chubai an mûka,

JEREMIA 19:13

Jerusalema inhai, Judai rama rêng inhai le irvâna ârsihai kuang mirimhoi hâla pathian danghai kuang uain an bun thuanna ngaihai kha Tofet hmun ang taka porinchetir ni a ti,” tia anni chu hril hrangin.

JEREMIA 25:7

Khannisian Rengpa hê irngai mak chêi a tia. Nin millimhai sika khan a ning nin inmurtir pea, a dûk thôna chu nangni ngeiin nin chunga nin intungtir ngai a ni.

JEREMIA 32:29

an ihâl hrang a ni, in chung sîpa mihaiin Baal hranga rimhoi hâlin le pathian danghai kuang uain thilinhlan dêngzuana ki ning an inmurtir ngai rêng kha.

JEREMIA 44:4

Zoro sôt ok loiin a ni zui, ki deipuhai nin kuang ki hong tîra, hi thil porinche ki ihnôl tho loi hranga nangni ki inhril a ni.

JEREMIA 7:17

Juda khopui le Jerusalem kotsuahaia an sin thohai ni ihmu loi mo?

CHAP HLA 5:13

ruathartehaiin bu sukna khôla an insuktirhaia; nâipanghai chu thingsâi hnuaia an dêngzuanhaia;

EZEKIELA 16:26

Ni tualbôm, Aigupta mi leh khan uire nin lei ni tâka; ni ninginmurtir hrangin ni hurna chu nin liantir ual a ni.

EZEKIELA 20:28

Pêk ki itum ram ki hruai intungin tâng irsânghai le thing hringhai an hong hmua; kha khan, an irbôlnahai an inhlan tâka, ki ninginmurtirna thilpêkhai an inhlana, an mirimhoihai an hâla, an thilinhlan uainhai an bunsuaka.

EZEKIELA 8:16

Rengpa khan in sûngrîl uala khan a ni hruaia, irngai ta, Rengpa in irthiang mikota khan tualbuk le maichâm kongkâra khan mi sômhni ringa vêl hi an lei oma. Rengpa in irthiang chu an hnung tiang irnghatin, an hmâihai chu nisua tiang an irheia, nisua tianga misa hong suak chu chubai an lei mûka!

EZEKIELA 8:17

Ama’n ki kuang, “O mihriam nâipa, hi hi ni hmu mo? thil porinche an tho tâk hi? Juda in sûngkua ta hrangin thil intirom mo ni ma? ram chu thilsual porinchena’n a sipa, ki ninginmurtir hrangin an itho nôk a ni, en ro, an hnâra sûlhna an siaa.

1 KORINTH 10:22

Rengpa chu ning ei inmurtir hrang ma ni? Ama nêkin ei ihrât ma ni?

DÂN INHNINA 32:16

Millim an ibiak kha a khôkmâk tak taka, thil porinche an ithohai khan a ning an murtira.

DÂN INHNINA 32:21

pathian ni loi an biak tika ki ningmur an kêlsuaa, an millimhai khan ki ning an inmurtira, Irchia tep kâi loihai hmangin ki ninginmurtir an ta, nam invêttak takhai khom hnarsa an ti.

DÂN INHNINA 4:19

Irvân tiang hong thîr nin ta, misa, tha, ârsihai le irvâna thil dang om tinrênghai khi chubai mûkin a sintho irzuk chin ni; a sân irdîn roi. Rengpa nin Pathian khan khihai khi nam dang biak hrang vaia a isia a ni.