JEREMIA 7:14 - PATHIAN LEKHABU IRTHIANG C.L. Bible (BSI)

¹⁴ Khasikin Silo chunga ki itho ang khan, hi ki tempil nin iiam chunga hin ki itho hrang a ni. Hi hmun hi nin irchibulhai le nangni ki ipêk chunga; Silo chunga ki itho ang takin tho ki ti.

JEREMIA 7:14 ပူးပေါင်းရင်းမြစ်များ

2 RÊNGHAI 25:9

Tempil chu a hâla, rêng inhai le Jerusalema mi lianhai in khom a hâl pehaia.

2 THURCHI SUINA 7:21

“Atûn chu hi in hi mi tinin irngaiirsâng an ta, kha tena chu a kôla fe murdihaiin ar khêl tih an ta, Itina mo Rengpa hin hi ram le hi tempil hi hianga a isoisak hi! ti an ti.

INPÂKNA HLAHAI 78:60

Khanchu Silo biak in, Mihriam laia a puan in sia kha a rotsana;

ISAIA 64:11

Kin in irthiang le hoi, kin pi le puhai nang inpâkna hmunhai, meiin a kâng zoia, kin omhmun sahai khom a chim siat zoi ta.

JEREMIA 12:7

Rengpa’n a ti, “Israel ki mâksan rak tâka, ki nam inthang ki imâk tâk a ni. Lung ki ithunghai chu an râlhai kuta ki ipêk tâk a ni.

JEREMIA 23:39

anni chu lahai ki ta, a ni, anni le an irchibulhai ki ipêk khopui chu hlataka dêngzuan ki ta, ti hi hrilhai roh.

JEREMIA 26:18

“Hezekia kha Judai ram rêng a ni laiin, Moreset mi deipu Mika khan Rengpa itinrêng thothei iti kha mipuihai kha a hrila, ‘Zion chu loi anga inrît inphit chit ni a ta, Jerusalem chu thil saloi bukkhômna ang ni a ta, Tempila ruathartehai chu rampui chang an ti,’ tiin a hrila.

JEREMIA 26:4

Rengpa khan mipuihai kuang hril pehai hrangin a ni hrila, “Keima Rengpa’n nin laia irchutirna nangni ki ipêkhai khom lei ngaipoimo hrangin, kha dungzuiin ki thu hi nin izôm ngêt hrang a ni, ki tia.

JEREMIA 7:10

Hi hi ki thil thohai nin hnôla, khanchu ki makunga ki biak ina hong ngîrin, ‘Ei zôk ta,’ nin ti ngai.

JEREMIA 7:12

Ki’rhming irlamna hrang hmun ki inthang masatak Silo khuaa fe unglân, ki mi Israelhai sualna sikin an chunga ki sintho va en roi.

JEREMIA 7:4

‘Ei zôkna! hi hi Rengpa Tempil a ni, hi hi Rengpa tempil kêng a ini, hi hi Rengpa tempil a ni!’ tia irhuangna tonghai iamhai mai ta no roi.

CHAP HLA 2:7

A maichâm chu Rengpa’n a hnôla, a hmun irthiang a mâksana, a banghai khom râlhaiin an insiatpai ta. Râifân taka kût lian an hmang lai ang khan, An râlhai an hong irbuk pehai hut huta.

CHAP HLA 4:1

Rângachak chu a zîng khak tâk e, rângachak irthiang khom chu a danglam bâk tâka! Hmun irthiang sinna lunghai khom, Kholaidunga an dêngzuanhaia,

EZEKIELA 23:31

Ni unu lampuihai ni hro sikin, hremna khilât ir-ang mai kha nang pe ki ti,” a tia.

EZEKIELA 24:21

Hi thu hi nangni Israel mihai kuang hril hrangin a ni zuang hrila, biakbuk hrâtna chu nin irsorpui oka, a en nin nuama, kha khan nin fe nuam ngai. Khannisian Rengpa’n porinchetir hrang a ni ta. Khanchu nin nâipasalhai le nupanghai Jerusalema mâksana omhai kha khandaiin thi an ti.

DÂN INHNINA 12:5

Israel nam murdi ramchâr lai ata Rengpa khan a’rhming omna hrang hmun inkhat inthang a ta, kha khan a makunga nin ihong irchun ngai hrang a ni.

DÂN INHNINA 28:52

Rengpa nin Pathianin nangni a ipêk hrang rama nin lêngna khua murdi doi an ta, nin kul irsângtak tak, det nin ititak takhai kha inchimtir zit an ti.