JEREMIA 7:13 - PATHIAN LEKHABU IRTHIANG C.L. Bible (BSI)

¹³ Hi sualnahai murdi hi nin itho a nia, vêl tamtak nangni ki hril khomin irngai nuam mak chêi. Nangni ki koi zoro’n nin ni isâm ngai loi a ni.

JEREMIA 7:13 ပူးပေါင်းရင်းမြစ်များ

THUVÂRHAI 1:24

Nangni ki koi maia, hong hrangin nangni ki ifial a ni, khannisianlân, ite bê’n bê mak chêia, keima tiang khom nin mikuar sung nuam mak chêi.

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

ISAIA 65:12

Nin ituang hrang rammual hi chu khandaia thi a ni, that hrangtu kuang la kûn nin ti. Hihai hi ki koihai lai khan chu ni sâm mahaia, ki inuam loi sualna an thoa, ki hril laiin irngai nuam mahai, ki inuam loi lam tho an nuam ngai.

ISAIA 66:4

Keima’n anni hranga thilirkhêl tak tho pehai ki ta, an ichitak thil intungtir pehai ki ti; ki khêk lai khan ni lei sâm mahaia, ki hrilhai lai khan irngai mahaia, ki mithmua ki inuam loi thil an thoa. Ki ilôm loi hrang thil tho an inthanga.

JEREMIA 11:7

An irchibulhai Aigupta ata ki hruaisuak nî ata a vuan tena hin, ki thu zôm hrangin ki lei hong ihrilhai an ni.

JEREMIA 11:8

Khannisian irngai nuam mahaia, a zôm khom nuam mahai. Tukullianin a nitin sual sin an la itho mai ngai a ni. Thuthung zôm hrangin anni kha thu ki pêka, an inuam loi a ni. Khasikin hi thuthunga chuang, tuangna murdihai an chunga ki insum a ni ta,” a tia.

JEREMIA 13:10

Hi mi pualoihai ki thu irngai nuam loia, tukulliana om ngai pathian dang sinthoa chubai mûk ngaihai hi diar hmanghmunboi ang hin ni an ti.

JEREMIA 13:11

Mi’n diar an ikai mai ngai ang khan, Israel in sûngkua le Juda in sûngkua murdi ki kuanga om mai hrangin le, nin pâka ni chôiirsâng hrangin ki’rfûktira, khan ki thu zôm nuam mahai,” a tia.

JEREMIA 25:3

“Kum sômhni inthum sûng, Amona nâipa Josia, Judai rama an lal kum sômhleithumna irthokin a vuan sûn ten hin, Rengpa’n ki kuang thu an sîra, kha a iti kha nangni hril loiin om ngai ma ung. Kha kha nin iuksak loi ngai a ni.

JEREMIA 26:5

A ni zuihai, ki deipuhai nin laia ki zuang itîr maihai ngai chonghai khom lei ngaipoimo hrangin. an ihrilhai nin lei izôm ngai loi a ni.

JEREMIA 29:19

A ni zui ki deipuhai hmanga an kuanga chongbe ki ithon ngai, an zôm no sika khan, hi hi an chunga a itung hrang a ni, an irngai nuam no sikin.

JEREMIA 32:33

Hnung an ni songsan ving tâka; anni chu ki irchuhai mai khomin, irngaiin, pom nuam mahai.

JEREMIA 35:14

Jonadaba irchihaiin chu uain in loi hranga thupêk kha an zôma, a vuan sûn ten hin nin laia inkhat khom uain in la om mahai. Khan keima’n chu nin kuang thu kin sîr khomin ki thu zôm nuam ngai mak chêia.

JEREMIA 35:15

Nin laia a ni zui deipuhai ki tîrhai maia, nin omdân sualhai masana, thil sa tho hrangin nangni an lei hril ngaia. Nangni le nin irchibulhai ki ipêkna ram hin om kumkhua thei hranga pathian danghai chubai mûka an sin tho loi hrangin nangni an hril ngaia. Khan khomin ki chong irngai nuam mak chêia, nin ni uksak nuam loi a ni.

JEREMIA 35:17

Khasikin atûn keima, Rengpa Israelhai Pathianin vânduaina irkhêl ki inkung kha nangni Judai ram le Jerusalema mihai chunga ki insum hrang a ni. Nin kuang thu ki hril lai khan irngai nuam mak chêia, nangni ki koi lai khan nin ni sâm nuam no sikin, hi hi ki itho hrang a ni,” a tia.

JEREMIA 44:23

Atûn vânduaina irkhêl nin chunga a zuang itung nasan chu, pathian danghai kuang irbôlna nin inhlana, a thupêkhai zôm loia Rengpa chunga sualna nin sin sika a ni,” ki tia.

JEREMIA 44:4

Zoro sôt ok loiin a ni zui, ki deipuhai nin kuang ki hong tîra, hi thil porinche ki ihnôl tho loi hranga nangni ki inhril a ni.

JEREMIA 5:21

Nangni mi’ntohai le inhriatthiamna nei loihai, hi hi irngai roi, mit neia hmu thei loi, mikuar nei chaka inhre thei loihai.

JEREMIA 6:10

Keima’n, “An kuang ti pehai khom inlân, tu mo a ni irngai pe rêk hranga? Tukullian le ni thu chu irngai nuam loi an nia, hril pehai hranga ni nih iti hi an minui vai a inza pehai a ni.

JEREMIA 7:25

Nin irchibulhai Aigupta ata an suak nia irthokin hi nikhua dên dapin, a ni zui deipuhai nin laia ki tîrhai ngai.

HOSEA 11:2

Ki koi lia an ni hla liaa, Baalhai kuang an irbôl uala, Millim siam chophai kuang mirimhoi an ihâl a ni.

HOSEA 11:7

Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.

HOSEA 9:17

Ki Pathian khan anni kha pai irhmang a ti, ama an uksak no sikin. Khanchu, nam danghai laia chaninvâiin om an ti.

ZAKARIA 7:13

Thu ki hril lai khan an irngai no sikin, kei khoma an thuhril chu irngai pehai ma ung.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?